濁雙唇破音，又叫濁雙唇塞音、濁雙唇爆音等，係好多話都聽到嘅啞音（輔音）。萬國音標用/b/來表示。濁雙唇破音，按發聲特徵，係濁音，係雙唇破音。響聲韻學上，佢係重唇音聲母，中古時叫並母。
廣東話當中，廣府一帶濁雙唇破音都化做清雙唇破音。而四邑話重有濁雙唇破音。
有啲話，濁雙唇破音重會分送氣濁雙唇破音同唔送氣濁雙唇破音。例如唔少印度話，都有呢種對立分別。如果無標明，一般都假設係唔送氣濁雙唇破音。
