Kode pos

Kode Pos (Inggris: postal code utawi ZIP code) inggih punika rangkaian karakter (angka utawi huruf) sané kawewehin ring alamat séwala utawi pakét antuk ngélahang parilaksana pamilahan sewala. Ring negara liyanan, kode pos kauningin antuk ZIP Code sané maasal saking AS miwah ancengan saking Zone Improvement Plan. ZIP Code utawi kode pos ketah nyané kadiri saking makudang angka sané nujuang kode saking satunggil wawengkon. Ketah nyané, kode pos madaging lima angka (minakadi ring Swédia). Menawi, wénten masih ngelah angka wewehan antuk genah sané langkung.^[1]

Negara sané kapertama nganggén sistem kode pos punika Jerman warsa 1941, lantas kasarengin Inggris warsa 1959 miwah Amérika Serikat warsa 1963. Ngantos sasih Pébruari 2005, 117 saking 190 negara anggota Universal Postal Union sampun nerapang sistem kode pos soang-soang.

Lelintihan

Kawéntenan kode pos kakawitin olih pawigunaan kode wawengkon antuk makéhan kota ageng Amérika Serikat warsa 1943. Kalih warsa ssadurungné, Jerman sujatiné sampun nganggén sistem kode pos kapertama ring gumi. Menawi wawu awarsa selanturné ring AS, Robert Moon ngajuang sistem kode ZIP ri kala makarya manados inspektur pos ring pamahbah nyané nganggé 3 angka. Sesampun kalih dasaan warsa, tepat ipun warsa 1963, sistem 5 angka sekadi mangkin wawu kaanggén krana kaperluang kode sané langkung sistematis miwah kaorganisir. Ida salanturné kauningin manados pangripta kode pos.^[2]

Warsa 1983, Kantor Layanan Pos AS ngenalang sistem ZIP +4. Kode pos sané kauningin ‘plus 4’ utawi ‘antuk kode wewehan’ punika kaanggén antuk pangiriman nuju alamat sané langkung spésifik manutin pakembangan warga miwah model paumahan sané mangkin. Kode pos punika ketah nyané kaanggén antuk makéhan genah umum sané perlu kode genah sané luwih rinci minakadi ring wangunan pakantoran, kompléks paumahan ngantos blok-blok apartemén.

Ring Indonésia, kode pos wawu kaanggén aab 80-an olih PT Pos Indonésia, sané lintang kantun marupa perusahaan umum (perum). Akéh angka digit sané kaanggén pateh sekadi kaanggén sistem pos internasional, punika lima digit.^[1]

Soroh kode pos

Manut pawigunaan nyané, sujatiné wénten 4 soroh kode pos, punika:^[1]

kode pos unik (kode pos wantah kaanggén antuk alamat sané narima volume séwala akéh, minakadi kantor-kantor miwah lembaga-lembaga pemerintah taler pusat-pusat bisnis)
kode pos kusus PO BOX (Post Office Boxes) (kode pos punika wantah kaanggén pangiriman saking kotak pos)
kode pos militer (kode pos kusus antuk pawigunaan militer)
kode pos standar (kode pos ketah kaanggén)

Sistem kode pos 52182

Ring kode pos wénten akedik nyané 5 angka sané madaging artos punika:^[1]

angka pertama nganikayang kode wawengkon kantor pos magenah
angka kakalih miwah katiga nganikayang kode kabupatén utawi kotamadya
angka kapapat nganikayang kode kecamatan
angka kalima nganikayang kode kalurahan utawi désa

Wawengkon kode pos

Wawengkon pos sané ngakepah propinsi utawi kapuloan ring Indonésia sekadi puniki:^[1]

Angka pertama	Wawengkon pos
1	Jakarta, makehan Banten miwah Jawa Barat
2	Aceh, Sumatra Utara, Sumatra Barat, Riau, Kepulauan Riau
3	Bengkulu, Jambi, Bangka Belitung, Sumatra Selatan, Lampung
4	Banten, Jawa Barat
5	Jawa Tengah, Yogyakarta
6	Jawa Timur
7	Kalimantan
8	Bali, Nusa Tenggara
9	Sulawesi, Maluku, Papua

Conto: Kode pos 80361 maartos

8 punika kode kantor pos zona Bali Nusa Tenggara
03 punika kode Kabupatén Badung
6 punika kode kecamatan Kuta Utara
1 punika kode désa Canggu

Antuk wawengkon Jabodetabek wénten akedik patiosan. Pidarta nyané sekadi puniki: (DKI Jakarta)

Angka kapertama 1
Angka kakalih kode kota
Angka katiga kode kecamatan
Angka kapat kode kalurahan
Angka kalima 0

(Bodetabek – Bogor, Dépok, Tangerang miwah Bekasi)

Angka kapertama 1
Angka kakalih
(5) antuk Tangerang
(6) antuk Bogor miwah Dépok
(7) antuk Bekasi
(8) antuk wawengkon jero Lebak
(9) antuk Bandara Soekarno-Hatta
Antuk katiga angka masisa pateh sekadi conto ring duur.

Cingak taler

Pustaka

↑ ^1,0 ^1,1 ^1,2 ^1,3 ^1,4 "Apa Itu Zip Code - Lifeder Indonésia". Lifeder Indonésia (ring Indonesia). 2017-12-22. Kaarsipin saking versi asli tanggal 2018-07-21. Kaaksés 2018-07-21.
↑ "Sejarah Pos - PT Pos Indonésia (Persero)". PT Pos Indonésia (Persero) (ring Inggris). Kaarsipin saking versi asli tanggal 2018-07-21. Kaaksés 2018-07-21. Unknown parameter |dead-url= ignored (help)

Pranala jaba

Daftar Kode Pos Indonesia
Daftar Kode Pos Indonesia^{[permanent dead link]}
Universal Postal Union
- Addressing Archived 2012-03-03 at the Wayback Machine
- Postcodes Archived 2011-09-03 at the Wayback Machine
Reference on World Postcodes
Canadian Postal Code Lookup web page from Canada Post
Links to pages on the web with information about postal codes
Links to postal service web pages

[lifedercom-1] 1,0 ^1,1 ^1,2 ^1,3 ^1,4 "Apa Itu Zip Code - Lifeder Indonésia". Lifeder Indonésia (ring Indonesia). 2017-12-22. Kaarsipin saking versi asli tanggal 2018-07-21. Kaaksés 2018-07-21.

[2] "Sejarah Pos - PT Pos Indonésia (Persero)". PT Pos Indonésia (Persero) (ring Inggris). Kaarsipin saking versi asli tanggal 2018-07-21. Kaaksés 2018-07-21. Unknown parameter |dead-url= ignored (help)

[1]

[2]