Абэрдын
Абэрды́н (па-ангельску: Aberdeen) — горад на паўночным усходзе Шатляндыі, Вялікабрытанія. Гэта трэці паводле колькасьці насельніцтва горад у Шатляндыі, адзін з 32 раёнаў рады мясцовага самакіраваньня Шатляндыі і 39-е места паводле плошчы забудовы ў Вялікабрытаніі. Згодна з афіцыйнымі зьвесткамі насельніцтва паселішча ў 2018 годзе складала 200 тысяч чалавек[1]. Горад мае доўгую пясковую берагавую лінію і марскі клімат, у выніку чаго лета ёсьць халодным, але мае месца мяккая зіма. З моманту адкрыцьця нафты ў Паўночным моры ў 1969 годзе Абэрдын быў вядомы як марская сталіца эўрапейскай нафты[2]. Тэрыторыя вакол сучаснага гораду ёсьць заселенай ужо прынамсі 8 тысяч гадоў[3], калі дагістарычныя вёскі месьціліся вакол вусьцяў мясцовых рэкаў Дзі і Дон.
| Абэрдын | |||||
| |||||
| |||||
| Дата заснаваньня: | 1175 | ||||
| Краіна: | Вялікабрытанія | ||||
| Плошча: |
| ||||
| Насельніцтва: |
| ||||
| Тэлефонны код: | 1224 | ||||
| Паштовы індэкс: | AB10-AB13 (parte), AB15, AB16, AB22-AB25 | ||||
| Геаграфічныя каардынаты: | 57°9′0″ пн. ш. 2°6′0″ з. д. / 57.15° пн. ш. 2.1° з. д.Каардынаты: 57°9′0″ пн. ш. 2°6′0″ з. д. / 57.15° пн. ш. 2.1° з. д. | ||||
Абэрдын на мапе Вялікабрытаніі   Абэрдын | |||||
 Галерэя здымкаў у Вікісховішчы
| |||||
| https://www.aberdeencity.gov.uk/ | |||||
Абэрдын атрымаў статус каралеўскага гораду ад шатляндзкага кіраўніка Давіда I у XII стагодзьдзі[4], што эканамічна зьмяніла места. У горадзе існуюць два ўнівэрсытэты, як то Абэрдынскі ўнівэрсытэт, заснаваны ў 1495 годзе, і Унівэрсытэт Робэрта Гордана, які атрымаў унівэрсытэцкі статус толькі ў 1992 годзе. Гэта робіць места адукацыйным цэнтрам паўночна-ўсходняй Шатляндыі. Традыцыйныя галіны, як то рыбалоўства, выраб паперы, суднабудаваньне і выраб тэкстылю, былі пасунутыя нафтавай прамысловасьцю і дзейнасьцю марскога порту Абэрдына, які ёсьць самым буйным на паўночна-ўсходнім узьбярэжжы Шатляндыі.
Крыніцы
рэдагаваць- ^ «Mid-2016 Population Estimates for Settlements and Localities in Scotland». National Records of Scotland.
- ^ Shepherd, Mike (2015). «Oil Strike North Sea: A first-hand history of North Sea oil». Luath Press.
- ^ «Welcome to Aberdeen». Aberdeen Accommodation Index.
- ^ «The old burghs of Aberdeen». Aberdeen Civic Society.
Вонкавыя спасылкі
рэдагаваць- Сайт мескай рады.
- Абэрдын на Curlie.