Cornelis Engelbrechtsen

Cornelis Engelbrechtsen (1468 e Leiden - 1533 e Leiden) anvet ivez Engelbrechtszoon a oa ul livour izelvroat.

E vuhez

Marteze en dije desket gant Colijn de Coter. Engelbrechtsen a vroudas an orbidouriezh e dibenn ar mare gotek en Izelvroioù. Ur perzh a bouez bras en doe en trec'h war ar skeudennadur gotek dibleg. Gwevn ha gwirheñvel e oa an doare ma aoze diabarzh e daolennoù. Pouezus e voe e berzh ivez evit a sell ouzh an doare da aozañ aergelc'h ar gweledvaoù en talennoù diwezhañ.

Kelenn a reas da Lucas van Leyden ha da Aert Claesz van Leyden. Ne ouezer netra diwar-benn e zaou vab, Pieter ha Lucas, nemet e vijent bet livourien ivez.

Liammoù diavaez

• Santez Cecilia hag he danvez pried 1518-20, eoullivadur war goad, Mirdi arzoù-kaer Budapest
• Christ o kimiadiñ diouzh e vamm tro 1515, eoullivadur war goad, Rijksmuseum Amsterdam
• Klemmvan eoullivadur war goad, Mirdi arzoù-kaer Gent
• Kroazstagadur, taolenn aoter eoullivadur war goad, Stedelijk-Museum De Lakenhal, Leiden