Ризница:Вики ја сака Земјата 2024
 Wiki Loves Earth
| ||
|---|---|---|
Вики ја сака Земјата 2024 |
Земји-учеснички |
Правила и ЧПП |
Приредување |
Победници |
Контактирајте нè |
Извештај |
Вики ја сака Земјата (WLE) е годишен меѓународен фотографски натпревар кој се одржува во мај и јули, а го приредуваат Викимедиините ограноци, групи и месни доброволци ширум светот. Учесниците прават слики од природното наследство и живописните предели во нивните земји и ги подигаат на Ризницата. Сите земји-учеснички одржуваат одделни натпревари приредени од месни екипи, така што роковите, правилата, наградите и сл. може по малку да се разликуваат.
Основната цел на натпреварот е да се создадат и соберат слики од природното наследство на земјите, како што се природните резервати, заштитените предели, националните паркови, особени градини и тн. Со ова се предвидува да се илустрираат статиите на бесплатната светска енциклопедија „Википедија“ и другите Викимедиини проекти.
Нагласокот не е само на места од државно значење, туку и на сите заштитени подрачја од регионално значење, како и најразлични видови природни места: шуми, паркови, градини, карпи, пештери и сето она што е заштитено како природно добро во вашата земја. Така, највеќето учесници ќе можат да најдат барем неколку места од вакво значење во блиската околина.
Годинава меѓународните победници ќе бидат од две категории — предели (вкл. поединечни дрва, ако се споменици на природата) и слики одблиску (животни, растенија, габи):
- Во месни рамки има до 15 победници, притоа не повеќе од 10 од секоја категорија. Месните приредувачи може да решат да не ги двојат месните победници на категории и/или може да поднесат помалку слики (на пр. 10).
- Меѓународното жири ќе избере до 20 фотографии, односно највеќе 10 од секоја категорија.
- Во меѓународна конкуренција за најдобрите 20 влегуваат не повеќе од две фотографии по автор, бидејќи имаме за цел да внесеме разнообразие во победничките слики за да можеме да истакнеме повеќе споменици на природата од различни краишта и автори.
- Привремен времеслед
- 1 мај – 31 јули и датумите блиску до овие рамки соодветни за државни натпревари во одделните земји. Погледајте ги поединечните рамки за секоја земја;
- Крај на август: рок за поднесоци, на пр. на Страницата со победници;
- Септември-октомври: Процес на проценка;
- Ноември: рок за меѓународниот исход.
- Правила
- Правилата за меѓународниот дел од натпреварот се објавени овде. Месните натпревари имаат свои правила, предлагања, рокови итн.
- Награди
- Победниците ќе добијат вредносни купони за Амазон и други семрежни продавници; вредноста зависи од освоеното место;
- Месните екипи може да доделуваат награди за победниците во државните кругови.
- Подигнати слики
- Погледајте ги сите досега подигнати слики.
- Ресурсен центар на WLE
- Напатствија и насоки за месните екипи и учесници.
- Како да учествувате
- За месни приредувачи: појдете на Ризница:Вики ја сака Земјата 2024/Приредување.
- За учесници: појдете на Ризница:Вики ја сака Земјата 2024/Земји-учеснички.
- Официјален портал
- Во печатот
- Погледајте Ризница:Вики ја сака Земјата 2024/Во печатот.
Напомена: Натпреварот во најголема мера го приредуваат доброволци, и приредувачите го задржуваат правот ода ги менуваат овие правила modify или да го откажат натпреварот по нивно сопствено наоѓање, дури и по неговото отпочнување. Приредувачите не прифаќаат никаква одговорност за прибавката на награди од покровителите, ниту пак било каков правен товар поврзан со овој натпревар. Ниту правилата, ниту било што друго на овие страници не сочинува понуда за стапување во правно обврзувачки однос со било кој од приредувачите. Членовите на жирито немаат право да бидат наградувани (макар што се добредојдени да учествуваат со свои слики).