Filipina Esperanto-Junularo
Filipina Esperanto-Junularo (FEJ) (tagaloge Kabataang Esperantista ng Pilipinas) estas junulara asocio, kiu estis fondita en la urbo Valenzuela la 19-an de Septembro, 2013 de tri gejunuloj.
| Filipina Esperanto-Junularo | |||||
|---|---|---|---|---|---|
| Filipina Esperanto-Junularo | |||||
landa sekcio de TEJO 
| |||||
| Komenco | 19-a de septembro 2013 vd | ||||
| Lando(j) | Filipinoj vd | ||||
| Sidejo | Valenzuela, Filipinoj | ||||
| Tipo | Asocio | ||||
| Estr(ar)o | Albert Stalin Garrido | ||||
| Lingvoj | |||||
| |||||
| Retejo | Oficiala retejo | ||||
FEJ akiris oficialan kontakton kun Universala Esperanto-Asocio (UEA) kaj Tutmonda Esperantista Junulara Organizo (TEJO) la 5-an de decembro 2013, kiam UEA asignis propran konton al FEJ sub la UEA-kodo phej-d. La organizaĵo ankaŭ aperis en la Jarlibro 2014 kiel nealiĝinta landa junulara organizo sub TEJO.
Origine nomita Filipina Esperantista Junulara Asocio (FEJA), la asocio ŝanĝis sian nomon je la 31-a de decembro 2013 al la nuna, Filipina Esperanto-Junularo, laŭ estrara raporto.
La organizaĵon gvidas Albert Stalin Garrido, kiu loĝas en Kezono.
FEJ havas la devizon "Via Esperanto-asocio en 7,107 insuloj ekde 2013!". Temas pri la 7 107 insuloj, el kiuj konsistas la filipina insularo.