Unu

El la Zamenhofa proverbaro

	« De majesta ĝis ridinda estas nur unu paŝo. »

	« De unu bovo oni du felojn ne deŝiras. »

	« De unu bovo oni du felojn ne ŝiras. »

	« Dek fojojn mezuru, unu fojon detranĉu. »

	« Deko da pekoj, unu la puno. »

	« Deko da pekoj -- unu la puno. »

	« Diablo ne ĉiam unu pordon sieĝas. »

	« Du kontraŭ unu prezentas armeon. »

	« Du manoj faras ĉion, sed unu nenion. »

	« Du mortojn vi ne havos, de unu vi vin ne savos. »

	« Du sinjoroj en unu bieno, du mastrinoj ĉe unu kameno -- neniam vivas sen reciproka malbeno. »

	« Edzo kaj edzino estas nur unu. »

	« Eltrinki per unu tiro. »

	« En unu sako du katoj, ĉiam mordoj kaj gratoj. »

	« Ili vivas per unu animo en du korpoj. »

	« Kio al unu donas forton, al alia donas morton. »

	« Kiu aŭdis unuan, ankaŭ aŭdu la duan. »

	« Kiu mensogis per unu vorto, ne trovos kredon ĝis la morto. »

	« Kiu venis unue, muelas pli frue. »

	« La unua trovita. »

	« Ne el unu forno li manĝis jam panon. »

	« Ne en unu tago elkreskis Kartago. »

	« Ne taŭgas du ursoj por unu nesto. »

	« Ne unu fajron li pasis, ne unu hundo lin ĉasis. »

	« Ne unu hundo lin mordis, ne unu vento lin tordis. »

	« Per unu ŝtono oni du ĵetojn ne faras. »

	« Pli zorgas unu patrino pri dek infanoj, ol dek infanoj pri unu patrino. »

	« Por unu -- festeno, por alia -- ĉagreno. »

	« Saltadi el unua al deka. »

	« Se muso nur unu truon disponas, ĝi baldaŭ la vivon fordonas. »

	« Se unu ne venis, dek ne atendas. »

	« Sen speso unua ne ekzistas la dua. »

	« Sinjorino kaj sinjoro, unu alian valoras. »

	« Stari per unu piedo en la tombo. »

	« Ŝuldo estas unua heredanto. »

	« Tra unu orelo eniras, tra la dua eliras. »

	« Trafi du celojn per unu ŝtono. »

	« Unu amiko malnova pli valoras ol du novaj. »

	« Unu fava ŝafo tutan ŝafaron infektas. »

	« Unu floras, alia ploras. »

	« Unu floro ne estas krono, unu monero ne estas mono. »

	« Unu fojon oni donas kaj tutan vivon fanfaronas. »

	« Unu fojon ŝtelis pomon kaj perdis por ĉiam honestan nomon. »

	« Unu guto plenigas la glason. »

	« Unu hako kverkon ne faligas. »

	« Unu hirundo printempon ne alportas. »

	« Unu kapo facile trovas apogon. »

	« Unu malamiko pli difektas, ol cent amikoj protektas. »

	« Unu orienten, alia okcidenten. »

	« Unu ovo malbona tutan manĝon difektas. »

	« Unu pasero alian valoras. »

	« Unu saĝo estas bona, du estas pli bonaj. »

	« Unu similas nulon, ne prezentas kalkulon. »

	« Unu sola guto la glason plenigas. »

	« Unu soldato militon ne faras. »

	« Unu vido taŭgas pli ol dek aŭdoj. »

	« Unu vundo alian kuracas. »

	« Unu, du, tri, kvar, kaj finita la far'. »

	« Unua atesto estas la vesto. »

	« Unua paŝo iron direktas. »

	« Unua venis, unua prenis. »

	« Unu fojon ŝtelis pomon kaj perdis por ĉiam honestan nomon. » — Zamenhofa proverbaro

Vidu ankaŭ

• Cifero
• Nombro