Agustín Azkarate

Agustín Azkarate
	; (2021)
katedradun	;
katedradun
Bizitza
Jaiotza	Elorrio, 1953 (70/71 urte)
Herrialdea	Bizkaia, Euskal Herria
Hezkuntza
Heziketa	Zaragozako Unibertsitatea
Hizkuntzak	gaztelania; euskara
Jarduerak
Jarduerak	arkeologoa eta arkitektoa
Enplegatzailea(k)	Euskal Herriko Unibertsitatea ; Mondragon Unibertsitatea ; UNED ; Letren Fakultatea (1999ko martxoaren 3a -
Lan nabarmenak	ikusi Historia eta gizarte-zientzien urtekaria I; Historia eta gizarte-zientzien urtekaria II;
Jasotako sariak	ikusi Eusko Ikaskuntza-Laboral Kutxaren Humanitate, Kultura, Arteak eta Gizarte Zientzien Saria (2021) ;
Kidetza	Jakiunde

Agustín Azkarate Garai-olaun (Elorrio, 1953) euskal herritar arkeologoa da. Euskal Herriko Unibertsitateko arkeologiako katedraduna da eta irakaskuntza-lana artearen ikerketarekin eta zenbait proiekturen zuzendaritzarekin bateratzen ditu. Jakiundeko kide ere bada.^[1]

Zaragozako Unibertsitatean historia ikasita, EHUn lortu zuen doktoretza, eta egun katedraduna da bertan. Era berean, Gasteizko Santa Maria katedrala zaharberritzean, Hirigune Historikoan egiten ari diren azterketa historiko-arkeologikoetan eta Aldaietako nekropolian lan egin izan du. Halaber, GATMAAko (Zientzia Ikerketen Kontseilu Nagusiari elkartutako unitatea) zuzendaria da, baita Euskal Herriko Unibertsitateko Arkitekturako Arkeologia Ikerketa Taldeko (GIAA) zuzendaria ere. Azkenik, Zientzia, Teknologia eta Gizarteko Euskal Planaren barruan Ondarea Kontserbatzeko Programaren arduraduna (2005-2008) eta Gasteizko Arkitekturako Kontseilu Aholku-emaileko kidea ere bada. ^[1]

Arqueología de la Arquitectura aldizkariaren sortzaileetako bat izan zen, EHU eta CSICen artean argitaratzen dena.^[1]

Ondare Eraikiaren Ikerketa Taldeko (GPAC) ikertzaile nagusia da. Ondare Zientzietako Ikerketa eta Berrikuntza Zentroa den Zain Fundazioa zuzentzen du 2011tik. Eta 2012az geroztik Jakiundeko kidea da,Euskal Zientzia, Arte eta Letren Akademia.^[1]

Hainbat liburu eta artikulu argitaratu ditu arte-aldizkari espezializatuetan, hala nola Arqueología de la Arquitectura, Arkeoikuska: investigación arqueológica edota Archivo Español de Arqueología. Hainbat solasaldi eta biltzarretan ere parte hartu izan du, bai era dibulgatiboan baita zientifikoan ere.^[1]

Lan hautatuak

Arqueología Cristiana de la Antigüedad Tardía en Álava, Guipúzcoa y Vizcaya, 1988
Balleneros vascos del siglo XVI. Estudio arqueológico y contexto histórico (Chateau Bay, Labrador, Canadá), 1992
Arquitectura hidráulica en el Valle de Cuartango (Álava), 1994
Estelas e inscripciones medievales en el País Vasco occidental (ss. VI-XI), 1996
Puentes de Álava, 1996
La necrópolis tardoantigua de Aldaieta (Nanclares de Gamboa, Álava), 1999
Plan Director para la Restauración de la Catedral de Santa María de Vitoria, 2001
El País Vasco en los siglos inmediatos a la desaparición del Imperio Romano, 2004
Arqueología e historia de una ciudad. Los orígenes de Vitoria-Gasteiz, 2014^[2]