Alvaro de Orriols
Alvaro de Orriols (katalanez: Àlvar d'Orriols i Lletget; Bartzelona, 1894ko urtarrilaren 1a - Baiona, 1976ko azaroaren 18a) idazle katalana izan zen, olerkigintzan eta antzerkigintzan, batez ere, jardun zuena.
| Alvaro de Orriols | |
|---|---|
 | |
| Bizitza | |
| Jaiotza | Bartzelona, 1894ko urtarrilaren 1a |
| Herrialdea |  Katalunia |
| Heriotza | Baiona, 1976ko azaroaren 18a (82 urte) |
| Hezkuntza | |
| Hizkuntzak | esperantoa katalana gaztelania |
| Jarduerak | |
| Jarduerak | antzerkigilea, poeta eta musikagilea |
Arte ederrak ikasi zituen Madrilen, eta hiri horretan ere bere lehenengo idazlanak publikatu zituen. 1919an katalanezko Lo Ferrer de Tall antzezlana itzuli zuen gaztelaniarara, eta La Daga izenarekin arrakasta handiz estreinatu zuen Madrilen [1].
XX. mendeko 1920ko eta 1930eko hamarkadetan lan oparoa egin zuen, eta bi arrakasta handi lortu antzokietan: Rosas de Sangre eta Máquinas. Antzerki soziala lantzen zuen Orriols-ek, bere ideia errepublikanoak eta sozialistak oso ondo islatzen dituena [2]. Horregatik, Espainiako Bigarren Errepublikaren eskuineko gobernuan (1933-1936) bere antzezlanak galarazita izan ziren.
Erbesteko bidea hartu zuen bere familiarekin Espainiako Gerra Zibila bukatzean (1939an), eta Baionara joan zen. Las Hogueras del Pertús liburuan bere exodo dramatikoa maisuki azaldu zuen. Ipar Euskal Herrian bizi zen hil arte, eta bertan idazten jarraitu zuen, gazteleraz eta katalanez. Bigarren hizkuntza honetara itzuli zituen Rubén Darío eta Federico García Lorcaren olerki batzuk, eta baita Edmond Rostanden Cyrano de Bergerac ere.
Esperantista trebea ere izan zen, eta hainbat idazleren lanak itzuli zituen hizkuntza horretara.
Erreferentziak
aldatu- ↑ Alvaro de Orriols, teatro político y de masas en la II República Rebelión, 2016
- ↑ Alvaro de Orriols Editorial El Renacimiento
Datuak: Q55994662
Multimedia: Àlvar d'Orriols i Lletget / Q55994662