Espainiako Ministroen Kontseilua

Espainiako Ministroen Kontseilua
Datuak
Herrialdea	Espainia
Agintea
Lehendakaria	Pedro Sánchez Pérez-Castejón
Egoitza nagusi	Avda. Puerta de Hierro, s/n 28071; Moncloako jauregia;
Osatuta	Espainiako Gobernuko presidente ; Espainiako ministro
	webgune ofiziala;

Espainiako Ministroen Kontseilua Gobernuko presidenteak, presidenteordeek, ministroek eta legeak ezarritako bestelako kideek — Estatu idazkariak kasu batzuetan — osatzen duten organo kolegiatua da. Normalean, ostiralero biltzen da Madrilgo Moncloako jauregian. Ez-ohiko egoera batean, Espainiar estatuko beste hiri batean biltzea ahalbidetzen du Konstituzioak. Halaber, kontseiluaren buru Erregea izatea posible da ez-ohiko egoeretan, Gobernuko presidentearen eskaeraz.

Ministroen kontseiluko idazkari gisa Presidentetza Ministroak jarduten du eta bilerek karaktere erabakikorra izan dezakete. Organo kolegiatua denez, bertan hartu beharreko erabakiek gehiengo absolutua behar dute.

Funtzioak

Botere betearazlea gauzatzea eta araudi-ahalmena izatea:

Lege iniziatibak martxan jartzea, lege-proietuak onartzea eta Diputatuen Kongresura eramatera.
Lege mailako arauak ematea.
Premiazko egoeretan Lege Dekretuak onartzea.
Nazioarteko hitzarmenak eta nazioarteko erakundeen erabakiak betearaztea.
Planifikazio proiektuak garatzea (Estatuko Aurrekontu Orokorrak).