Horvaatia

Republika Hrvatska

Horvaatia lipp Horvaatia vapp'
Riigi tunnuslausõq: olõ-i
Riigikiil'	horvaadi kiil'
Pääliin	Zagreb
President'	Milanovići Zoran
Pääministri	Plenkovići Andrej
Suurus  - Kokko  - % vett	maailma maiõ hulgan 124 56 594 km² 0,01%
Rahva hulk  - Kokko  - Tihehüs	maailma maiõ hulgan 128. 3 871 833 68,4/km²
Hindäperi	25. piimäkuu 1991
Raha	õuro (EUR)
Aovüü  - suvõaig	Kesk-Õuruupa aig (UTC+1) Kesk-Õuruupa suvõaig (UTC+2)
Riigihümn'	Lijepa naša domovino
Internetitunnus	.hr
Telefonikuud'	385

Horvaatia Vabariik (horvaadi keelen Republika Hrvatska) om Õuruupa riik Aadria mere kalda pääl. Põh'aõdagun om Horvaatia naabris Sloveeniä, põh'ahummogun Ungari, hummogun Serbiä, Bosnia ja Hertsegoviina ni Montõnegro lõunõhummogun, üle Aadria mere om Horvaatia naabris Itaalia. Kõgõ suurõmb liin om Zagreb, miä om ka Horvaatia pääliin. Horvaatia pindala om 56,594 km² ja sääl eläs 2021. aastaga saisogaq 3 871 833 inemist.

Horvaatia om parlamentaarnõ vabariik ja kuulus Ütistünüisi Rahvidõ Organisatsiuuni, OSCE-he, Õuruupa Liito, WTO-ho, NATO-htõ ja 1. vahtsõaastakuu pääväst 2023 viil õurotsuuni ja Schengeni viisaruumi. Horvaatia om alaq kirotanuq Kyōto protokollilõ ja Pariisi kliimaprotokollilõ.

Maailmapanga perrä ommaq Horvaatian suurõq palgaq, ka inemise edengi indeks om suur'. Majandusõn ommaq suurõmbaq haroq teenindüs, tüüstüs ja põllumajandus, tähtsä om ka turism.