Escribidor pequeno

Exemplar na illa de Heligoland no mar do Norte

Pouco preocupante^[1]

Reino:	Animalia
Filo:	Chordata
Clase:	Aves
Orde:	Passeriformes
Familia:	Emberizidae
Xénero:	Emberiza
Especie:	Emberiza pusilla Pallas, 1776

O escribidor pequeno^[2] (Emberiza pusilla) é unha ave paseriforme que pertence á familia Emberizidae. É asiática e algunhas aves errantes poden chegar a Europa, incluída Galicia.^[3]

Nome

En galego ténselle dado a esta ave na literatura zoolóxica os nomes de escribenta pigmea^[4] e escribenta anana,^[3] pero o dicionario da Academia non acepta a palabra escribenta para os paxaros emberícidos, senón escribente (feminino)^[5] ou escribidora^[6]. No dicionario DiGalego só se acepta escribente (masculino).^[7]

O nome do xénero Emberiza vén da palabra do alemán antigo Embritz, que era o nome que se lle daba alí a estas aves.^[8] O nome específico pusilla en latín significa 'moi pequeno'.^[8]

Taxonomía

Foi descrita inicialmente por Peter Simon Pallas en 1776 e é unha especie monotípica,^[9] sen variacións ao longo da súa extensa área de distribución eurasiática.^[10]

Descrición

É un pequeno emberícido, que mide só de 12 a 14 cm de lonxitude.^[9] Ten un dorso marrón moi veteado e partes inferiores brancas cun fino veteado negro. Pola súa face castaña e banda malar branca, lembra unha pequena femia de escribente das canaveiras, pero diferénciano as bandas negras do píleo, o anel ocular branco e a beira fina negra da parte posterior das meixelas castañas. Os sexos son similares.

A chamada é un distintivo zik, e a canción é un vibrante siru-sir-sir-siru.

Ecoloxía

Esta ave cría na taiga do extremo norte de Europa e norte de Asia. É unha ave migratoria, que inverna nos subtrópicos no norte da India, sur da China e parte norte do sueste asiático.^[10] As aves permanecen nos seus cuarteis de inverno durante moito tempo; recolléronse exeplares en Yunnan a finais de marzo.^[11] Aparece como ave errante rara no oeste de Europa,^[10] e en Galicia está considerada como unha ave accidental rara.^[3] Esta especie é adaptable; nas montañas de Bután por exemplo, onde inverna un pequeno número delas, atópase normalmente en hábitats agrícolas, maiormente entre os 1000 e 2000 m de altura.^[12]

Reprodúcese en bosques de coníferas abertos, a miúdo con algúns bidueiros ou salgueiros. Poñen de catro a seis ovos nun niño feito nas árbores. A súa comida natural consiste en sementes ou, cando están alimentando as crías, insectos.

A especie é común e ten unha ampla área de distribución, polo que non é considerada especie ameazada na Lista Vermella da IUCN.^[1]

Notas

↑ ^1,0 ^1,1 BirdLife International (2012). "Emberiza pusilla". Consultado o 26 de novembro de 2013.
↑ "Denominación das aves". Real Academia Galega. Consultado o 2024-12-05.
↑ ^3,0 ^3,1 ^3,2 Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.
↑ Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016.
↑ Definicións no Dicionario da Real Academia Galega e no Portal das Palabras para escribente.
↑ Definicións no Dicionario da Real Academia Galega e no Portal das Palabras para escribidora.
↑ Definición de Escribidor pequeno no Dicionario de Galego de Ir Indo e a Xunta de Galicia.
↑ ^8,0 ^8,1 Jobling, James A. (2010). The Helm Dictionary of Scientific Bird Names. London, United Kingdom: Christopher Helm. p. 145. ISBN 978-1-4081-2501-4.
↑ ^9,0 ^9,1 Byers, Olsson & Curson (1995), p. 154.
↑ ^10,0 ^10,1 ^10,2 Byers, Olsson & Curson (1995), p. 156.
↑ Bangs, Outram (1932). "Birds of western China obtained by the Kelley-Roosevelts expedition". Field Mus. Nat. Hist. Zool. Ser. 18 (11): 343–379.
↑ Inskipp, Carol; Inskipp, Tim; Sherub (2000). "The ornithological importance of Thrumshingla National Park, Bhutan" (PDF). Forktail 16: 147–162. Arquivado dende o orixinal (PDF) o 10 de agosto de 2014. Consultado o 23 de febreiro de 2020.

Véxase tamén

Bibliogaría

Byers, Clive; Olsson, Urban; Curson, Jon (1995). Buntings and Sparrows: A Guide to the Buntings and North American Sparrows. Mountfield, East Sussex, UK: Pica Press. ISBN 1-873403-19-4.

Ligazóns externas

OBC Arquivado 09 de maio de 2021 en Wayback Machine. 29 fotografías (ver menú ao final da páxina)

[IUCN-1] 1,0 ^1,1 BirdLife International (2012). "Emberiza pusilla". Consultado o 26 de novembro de 2013.

[2] "Denominación das aves". Real Academia Galega. Consultado o 2024-12-05.

[Penas-3] 3,0 ^3,1 ^3,2 Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.

[4] Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016.

[5] Definicións no Dicionario da Real Academia Galega e no Portal das Palabras para escribente.

[6] Definicións no Dicionario da Real Academia Galega e no Portal das Palabras para escribidora.

[7] Definición de Escribidor pequeno no Dicionario de Galego de Ir Indo e a Xunta de Galicia.

[job-8] 8,0 ^8,1 Jobling, James A. (2010). The Helm Dictionary of Scientific Bird Names. London, United Kingdom: Christopher Helm. p. 145. ISBN 978-1-4081-2501-4.

[Byers154-9] 9,0 ^9,1 Byers, Olsson & Curson (1995), p. 154.

[Byers156-10] 10,0 ^10,1 ^10,2 Byers, Olsson & Curson (1995), p. 156.

[Bangs-11] Bangs, Outram (1932). "Birds of western China obtained by the Kelley-Roosevelts expedition". Field Mus. Nat. Hist. Zool. Ser. 18 (11): 343–379.

[Inskipp-12] Inskipp, Carol; Inskipp, Tim; Sherub (2000). "The ornithological importance of Thrumshingla National Park, Bhutan" (PDF). Forktail 16: 147–162. Arquivado dende o orixinal (PDF) o 10 de agosto de 2014. Consultado o 23 de febreiro de 2020.

[1]

[2]

[3]

[4]

[5]

[6]

[7]

[8]

[9]

[10]

[11]

[12]