KK Budućnost

	Budućnost VOLI
Información xeral
Liga	Prva A Liga / ABA Liga / EuroCup
Fundación	1949
Cores	Azul, branco
Presidente	Dragan Bokan
Adestrador	Vlada Jovanović
Localización
Cidade	Podgorica, Montenegro
Pavillón	Sportski centar Morača
Capacidade	4 570
Inauguración	1978
Campionatos
Liga	14 (2007−2017, 2019, 2021−2022)
ABA Liga	1 (2018)
Liga Iug.	3 (1999−2001)
Copa	15 (2007−2012, 2014−2022)
Copa Iug.	3 (1996, 1998, 2001)
	kkbuducnost.me

O KK Budućnost (do montenegrino: CB Futuro), coñecido por motivos de patrocinio como Budućnost VOLI, é un club de baloncesto profesional con sede na cidade de Podgorica, capital de Montenegro. Fundado en 1949, forma parte do club polideportivo Budućnost Podgorica. O equipo compite actualmente na Opportunity League, a máxima competición do baloncesto montenegrino, así como na Liga do Adriático, da que é membro fundador.

Historia

O club foi fundado en 1949 cando a sociedade deportiva Budućnost decidiu formar un club de baloncesto masculino. O Budućnost participou na súa primeira competición en xuño de 1949, no terceiro Campionato de Montenegro. Case unha décade despois, en 1958, o Budućnost converteuse en campión de Montenegro por vez primeira. Por este resultado, o Budućnost tivo a oportunidade de xogar na clasificación para a Primeira División. Porén, as eliminatorias non se chegaron a disputar debido á decisión da Federación Iugoslava de outorgar o ascenso directamente ao Zastava de Kragujevac. Na tempada 1959–60, Budućnost converteuse en campión de Montenegro por segunda vez. As eliminatorias para o ascenso esta vez si se chegaron a disputar, con todo, o equipo, a pesar de xogar en casa, non conseguiu o ascenso.

Nos anos 1970, unha restructuración do baloncesto iugoslavo permitiu que o Budućnost xogase na Segunda División ao ser o campión de Montenegro. Con todo, o Budućnost tan só conseguiu disputar unha temporada na categoría. Regresaría á división de prata en 1974, onde comezaría a ser un dos mellores equipos. Así, na temporada 1979–80, o Budućnost ocupou o primeiro posto e clasificouse automaticamente para a Primeira División. Entre os xogadores destacaba Duško Ivanović. O ascenso de Budućnost á Primeira División trouxo un rexurdir da popularidade do baloncesto en Podgorica, daquelas Titogrado. Na súa temporada de estrea, o equipo acadou un éxito significativo rematando oitavo con 9 vitorias por 13 derrotas. Na temporada seguinte, o equipo logrou clasificarse para os cuartos de final do playoff tras vencer á Jugoplastika Split en tres partidos. Nos cuartos de final o equipo enfrontouse co Crvena zvezda, quen gañou dúas veces en Belgrado, mentres que o Budućnost gañou en Titogrado.

Outro gran avance na historia do club chegou na temporada 1985−86, ao acadar o club o terceiro posto e a clasificación para disputar a Copa Korać, a primeira participación do club na competición europea. No seu debut europeo o Budućnost consegiu tres vitorias e cinco derrotas. Con todo, despois duns anos de éxitos históricos para o club, o Budućnost descendeu ao final da tempada 1987−88 após ficar no último lugar con 6 vitorias por 16 derrotas. Porén, ao ano seguinte Budućnost ascendeu de novo para nunca volver a descender.

Na temporada 1995–96, o Budućnost gañou a Copa Iugoslava por primeira vez. No torneo final, celebrado en Nikšić, o Budućnost derrotou ao BFC Beočin e ao Partizan. A segunda Copa Iugoslava chegou por segunda vez na temporada 1997–98, tamén en Nikšić. Despois das vitorias na Copa, o equipo gañou tres títulos consecutivos de Liga. Após a independencia de Montenegro de Serbia e Montenegro en 2006, o Budućnost converteuse no novo equipo a vencer na renacida Liga de Baloncesto Montenegrina, sendo o gañador habitual da competición. Alén da liga montenegrina, o club participa na Liga do Adriático, a cal conseguiu gañar na temporada 2017−18.

Xogadores

Cadro actual

Budućnost VOLI 2021−2022

Xogadores

Adestradores

Pos.	#	Nac.	Nome	Altura	Peso	Procedencia
1.0 !B	1	!	Cobbs, Justin	1,91 m (6 ft 3 in)	86 kg (190 lb)	KK Cedevita (2019)
2.5 !E-A	3	!	Atić, Edin	2,01 m (6 ft 7 in)	87 kg (192 lb)	KK Igokea (2021)
2.5 !E-A	4	!	Šehović, Suad	1,97 m (6 ft 6 in)	100 kg (220 lb)	Khimik (2013)
3.0 !A	5	!	Micov, Vladimir	2,01 m (6 ft 7 in)	101 kg (223 lb)	Olimpia Milano (2021)
4.5 !AP-P	6	!	Barović, Filip	2,07 m (6 ft 9 in)	114 kg (251 lb)	Bonn (2017)
4.0 !AP	7	!	Nikolić, Danilo	2,06 m (6 ft 9 in)	93 kg (205 lb)	Bilbao Basket (2017)
2.0 !E	8	!	Seeley, D. J.	1,93 m (6 ft 4 in)	88 kg (194 lb)	Bayern München (2021)
5.0 !P	19	!	Nikolić, Zoran	2,12 m (6 ft 11 in)	107 kg (236 lb)	Joventut Badalona (2016)
4.0 !AP	21	!	Jagodić-Kuridža, Marko	2,05 m (6 ft 9 in)	104 kg (229 lb)	Crvena Zvezda (2021)
1.0 !B	22	!	Drobnjak, Igor	1,91 m (6 ft 3 in)	84 kg (185 lb)	Canteira (2018)
4.5 !AP-P	24	!	Wiley, Jacob	2,03 m (6 ft 8 in)	105 kg (231 lb)	Gran Canaria (2021)
1.5 !B	30	!	Popović, Petar	1,92 m (6 ft 4 in)	87 kg (192 lb)	Nea Kifissia (2016)
5.0 !P	33	!	Reed, Willie	2,11 m (6 ft 11 in)	111 kg (245 lb)	Salt Lake City Stars (2020)