Sceilg Mhichíl

Sceilg Mhichíl

(ga) Sceilig Mhichíl
Tipo	illa
Epónimo	Arcanxo Miguel e pena
Parte de	Illas Skellig
Situado na entidade xeográfica	Illas Skellig
Localización
División administrativa	Condado de Kerry, Irlanda
51°46′16″N 10°32′26″O
Bañado por	Océano Atlántico
Características
Altitude	218 m
Dimensións	0,422 () × 0,842 () km
Superficie	0,219 km²
Patrimonio da Humanidade
Tipo	Patrimonio cultural  → Europa-América do Norte
Data	1996 (20ª Sesión), Criterios de Patrimonio da Humanidade: (iii) e (iv)
Identificador	757
Monumento nacional de Irlanda
Identificador	61

Sceilg Mhichíl, tamén coñecida como Skellig Michael en inglés, é unha illa rochosa despoboada que se atopa a 11,6 km ao oeste da península de Iveragh, no condado irlandés de Kerry. É a meirande das dúas illas Na Scealaga (a outra é Sceilg Beag). Sceilg Mhichíl significa "Rocha de (San) Miguel" en lingua irlandesa. O seu punto máis alto atópase a 218 msnm e ten unha superficie de 22 ha. Arredor do século VII estabeleceuse un mosteiro cristián na illa e permaneceu ocupado até finais do século XII cando foi abandonado. Os restos do mosteiro así como a illa foron declarados Patrimonio da Humanidade en 1996 pola UNESCO.

Patrimonio da Humanidade

En 1996, o complexo monástico da illa foi incluído na listaxe de Patrimonio da Humanidade pola UNESCO baseándose en criterios culturais:

...o sitio posúe un valor universal por tratarse dun excepcional, e en moitos aspectos único, exemplo dun asentamento relixioso temperá deliberadamente situado sobre unha rocha piramidal no océano, preservado grazas á súa salientábel contorna natural. Ilustra, como en ningures, os extermos dun monasticismo cristián moi característico do norte de África, Oriente Próximo e Europa.

UNESCO

Fauna

Xunto coa súa irmá máis nova, Sceilg Beag, Sceilg Mhichíl é unha importante reserva natural. As dúas illas acollen importantes colonias de aves mariñas como mascatos, fulmarus, garruchos, araos romeiros, araos dos cons e araos papagaios. O paíño europeo e a pardela furabuchos tamén aniñan en gran número.

Galería de imaxes

• 
  O mosteiro.
• 
  O faro.
• 
  Escaleiras para subir ao mosteiro.
• 
  Vista do horizonte dende o mosteiro.
• 
  Cemiterio dos monxes.
• 
  Casas dos monxes.
• 
  Vista das escaleiras
• 
  Ascenso e vista de Sceilg Beag (a illa pequena)

Véxase tamén

Ligazóns externas

• Sceilg Mhichíl na páxina da Unesco (en inglés)