Vía JAK-STAT
A vía JAK-STAT ou vía de sinalización JAK-STAT transmite información procedente de sinais químicos extracelulares ao núcleo celular, o que ten como resultado a transcrición do ADN e a expresión de xenes implicados na inmunidade, proliferación celular, diferenciación celular, apoptose e oncoxénese. A fervenza de sinalización JAK-STAT consta de tres compoñentes principais: un receptor da superficie celular, unha quinase Xano (JAK, Janus kinase) e dúas proteínas "transdutoras de sinais e activadoras da transcrición" (STAT, do inglés Signal Transduction Activator of Transcription).[1] A alteración ou desregulación da funcionalidade da vía JAK-STAT pode orixinar síndromes de deficiencia inmunitaria e cancros.[1]
Mecanismo
[editar | editar a fonte]
A unión de varios ligandos, xeralmente citocinas, como o interferón, interleucina e factores de crecemento a receptores da superficie celular, activa as JAK asociadas a eles, incrementando a súa actividade de quinase.[2] Despois, as JAK activadas fosforilan residuos de tirosina no receptor, creando sitios de unión para proteínas que posúan o dominio SH2. As STAT que conteñen o dominio SH2 son recrutadas ao receptor onde son tamén fosforiladas na tirosina polas JAK. Estas STAT activadas forman hetero- ou homodímeros e trasládanse ao núcleo celular, onde inducen a transcrición de xenes diana.[3] As STAT poden tamén ser fosforiladas directamente polas receptor tirosina quinases, como o receptor do factor de crcemento epidérmico, e tamén por non-receptor (citoplásmicas) tirosina quinases como c-src.
A vía está regulada negativamente a múltiples niveis. As proteína tirosina fosfatases eliminan os fosfatos dos receptores de citocinas e STAT activadas.[3] Identificáronse máis recentemente supresores da sinalización de citocinas (SOCS) que inhiben a fosforilación das STAT ao unirse e inhibir as JAK ou competir coas STAT polos sitios de unión de fosfotirosina dos receptores de citocinas.[4] As STATs son tamén reguladas negativamente polos inhibidores proteicos das STAT activadas (PIAS), que actúan no núcleo a través de varios mecanismos.[5] Por exemplo, PIAS1 e PIAS3 inhiben a activación transcricional por STAT1 e STAT3, respectivamente, ao unirse e bloquear o acceso ás secuencias de ADN que elas recoñecen.
Nota
[editar | editar a fonte]- ↑ 1,0 1,1 Aaronson DS, Horvath CM (May 2002). "A road map for those who don't know JAK-STAT". Science 296 (5573): 1653–5. PMID 12040185. doi:10.1126/science.1071545.
- ↑ Brooks, Andrew (2014). "Mechanism of activation of protein kinase JAK2 by the growth hormone receptor". Science 344 (6185): 1249783. PMID 24833397. doi:10.1126/science.1249783.
- ↑ 3,0 3,1 Hebenstreit D, Horejs-Hoeck J, Duschl A (2005). "JAK/STAT-dependent gene regulation by cytokines". Drug News Perspect 18 (4): 243–249. PMID 16034480. doi:10.1358/dnp.2005.18.4.908658. 16034480.
- ↑ Krebs DL, Hilton DJ (2001). "SOCS proteins: negative regulators of cytokine signaling". Stem Cells 19 (5): 378–87. PMID 11553846. doi:10.1634/stemcells.19-5-378.
- ↑ Shuai K (2006). "Regulation of cytokine signaling pathways by PIAS proteins". Cell Research 16 (2): 196–202. PMID 16474434. doi:10.1038/sj.cr.7310027. 16474434.
Véxase tamén
[editar | editar a fonte]Outros artigos
[editar | editar a fonte]- Inhibidor da quinase Xano, un tipo de fármacos que bloquean as quinases Xano (Janus) usadas como terapia do cancro.
Bibliografía
[editar | editar a fonte]- Schroder K, Hertzog PJ, Ravasi T, Hume DA (February 2004). "Interferon-gamma: an overview of signals, mechanisms and functions". J. Leukoc. Biol. 75 (2): 163–89. PMID 14525967. doi:10.1189/jlb.0603252.
- O'Shea JJ, Gadina M, Schreiber RD (April 2002). "Cytokine signaling in 2002: new surprises in the Jak/Stat pathway". Cell 109 (Suppl): S121–31. PMID 11983158. doi:10.1016/S0092-8674(02)00701-8.
