Coponius

Coponius, eques Romanus, fuit ab anno fere 6 primus praefectus novae provinciae Iudaeae, quo praefecto ille census Iudaeae in evangelio Lucae relatus a legato Syriae Sulpicio Quirinio iussu Augusti habetur. Eisdem annis Iudas Galilaeus rebellavit, qui 'quartam philosophiam' (nomen a Flavio Iosepho inditum ut usurpemus) docere coepit ː libertatis amore motus nullum dominum nisi Deum agnoscere patiebatur et ita praecursor fuit eorum qui postea zelotae appellati sunt ː multi enim eum praedicantem audiebant et sequebantur.. Post Coponium Marcus Ambivulus ab anno circiter 9 praefecturam gessit. Illi novi praefecti imperio legatorum Syriae subiacebant, ad quos si auxilio opus esset sese vertere debebant.

Nummus aëneus tempore Coponii incusus: ΚΑΙΣΑΡΟΣ (i.e. Caesaris)

Fontes

• Flavius Iosephus, Antiquitates Iudaicae 18.1-2; De Bello Iudaico 2.8

Si vis plura legere

• Mireille Hadas-Lebel, Rome, la Judée et les Juifs, Parisiis, A. & J. Picard, 2009.
• E. Maria Smallwood, The Jews under Roman rule : from Pompey to Diocletian. Lugduni Batavorum : E.J. Brill, 1976 ISBN 90-04-04491-4

Nexus externi

• "Coponius" in Jewish Encyclopedia (Novi Eboraci: Funk & Wagnalls, 1901-1906) textus
• De nummis procuratorum Iudaeae apud Jewish virtual library