Sefaradim
2ena sirá: Baruch Spinoza • Jacques Attali • Jean-Pierre Bacri
3ena sirá: Alain Chabat • Patrick Bruel • Enrico Macias.
Los sefardis o sefaradis (de la palavra ebrea ספרדי, "espanyoles" i "portugezes") son los desendientes de los djidios ke bivieron en la Peninsola Iberika fina 1492. Bivieron endjuntos i pasifikamente kon los musulmanos i kristyanos por muncho tiempo i su kultura se engrandesió kon reushitá komo en dinguna otra parte. Durante la Edad Media, los sefardim fueron rekonosidos komo los líderes de la fe i kultura djudías en akeyos syéklos. Un liderazgo relijioso, i sovre todo kulturalo, ke se prolongo durante varios siglos diskués del arrondjamiento de los Djudios de Espanya.
Arrondjados en 1492 por los Reyes Katolikos (Elizaveta i Fernando), los djudíos espanyoles se aresentaron enel norte de Afrika i sovre todo, en el antiko Imperio Otomano, ande se establesieron en komunidades i konservaron la su erensia kulturala. Ansina, otras chikas komunitas se aresentaron en Londra, Bordeaux i Bayonne, Amsterdam, Livorno i otras sivdades italianas, i pasaron a Amerika (Kurasao, Djamaika...) desde estas sivdades (espesialmente, Amsterdam).
Es konosido el kudio de la su lingua, yamada espanyol sefardí, haketia, tetuani, djudeo-espanyol o ladino.
Sefaradi o Sefaradita
[trocar | trocar el manadero]"Sefaradis" es komo se konosen una de las komunitas djudias mas grandes en la diaspora; del Evreo sefarad - Espanya - el paiz ande floresieron i izieron una rika kultura.