Mitolojia germanica antica
(Redirijeda de Mitolojia germanica)
La mitolojia germanica es la costumes e naradas de la poplas germanica ante cuando los ia deveni cristianes. La recordas la plu bon de esta mitolojia es la naras de la popla norsce en la sentenios 10 e 11. Otra partes plu peti pote es trovada en la scrivedas de otra poplas germanica e en la descrives par la romanes.
Vide ance Mitolojia norsce antica.
A su es un lista de dios e divas e otra cosas cual pote es reconstruida per la eda protogermanica. La nomes con * es nomes protogermanica reconstruida.
- Odin o Wodan: Wōdanaz*, la re de poesia e majia, la Mercurio germanica. Norsce Óðinn, sason Woden, deutx alta antica Wuotan.
- Frigg: *Frījō, sposa de Wodan/Odin. Norsce Frigg, germanica vea Fricca, "sposa," como Sanscrito priyā, "amada".
- Tor o Donar: *Þunraz, "tona," la Jupiter o Hercule germanica. Norsce Þórr, germanica ueste Donar, Saxon Thunor.
- Tir o Tiu : *Teiwaz, dio de gera, la Marte germanica. Norsce Týr, germanica ueste Tiw, continua la Indo-European Dyeus.
- Jord: norsce Jörð e germanica ueste Eorðe, "tera." Cisa la mesma como *Nerþuz, la diva es descriveda par Tacito como Madre Tera.
- Niord: La dio de la mar e comersa, e padre de Frei e Freia. Norse Njord, germanica ueste Neorð.
- Frei: dio de fertilia e abunda. Germanica ueste Fréa, norsce Freyr.
- Freia: sore de Frei, diva de ama, fertilia e abunda. Germanica ueste Freo, norsce Freya.
- Hel: la diva de la mor. Un fia de Loki, el es la sore de Fenrir (la lupo jigante) e Jormungand (la serpente cual ensirca la mundo).