Vlag van Belsj Limburg

Dit artikel is gesjreve (of begós) in 't Kinders. Laes hie wie v'r mit de versjillende saorte Limburgs ómgaon.

---

De vlag van Belsj Limburg hernump 'n deil van 't waope van Belsj Limburg: 'ne roeje liew op e wit veldj mèt 'n hertsjild in de kleure van 't graafsjap Loeën.

Heraldische ómsjrieving

Wit mèt 'ne döbbelstertige liew in kael (roed), gekroend, geklauwdj en getóngdj. 't Hertsjild is gedwarsbalkt van tieën stökke gael en roed.

Historie

In 1837 zeen de waopes van de Belsje provincies vasgelag. Veur Limburg woor doe 't waope van 't aud hertigdóm Limburg gekoze en det bleef ouch 't waope veur Belsj Limburg nao de splitsing mèt Nederlands Limburg in 1839. 'n Vlag is noets vasgelag, mer geweunlik woor e deil van 't waope aafgebeeldj: 'ne roeje liew zónger sjild, op e wit veldj.

't Dekreet van 21 december 1994 lag alle provincies en gemeinte in Belsj op e waope en 'n vlag te keze. In 1996 koos de provincieraod van Belsj Limburg e noew waope volges de regels van 't dekreet. Es ieste offesjeel vlag is doe e deil van det noew waope gekoze.

==Brónne==

Brón(ne):

www.limburg.be