Gustave Doré
I Paul Gustave Louis Christophe Doré dia Frantsay mpanao pirinty, mpanao sary am-boky, mpanao hosodoko, mpanao tantara an-tsary, mpanao sariitatra, ary mpanao sary sokitra, ary mpanao litôgrafia. Teraka tamin' ny 6 Janoary 1832 tao Strasbourg izy ary maty tamin' ny 23 Janoary 1883 tao Paris, tao amin' ny hôtely misy azy ao amin' ny lalana Saint-Dominique.
Fantatra indrindra noho vokatra vita amin' ny sary sokitra amin' ny hazo mampiseho ny literatiora mahazatra, indrindra fa ny an' ny Baiboly Volgata sy Divina Commedia an' i Dante Alighieri. Nahazo fahombiazana lehibe teo amin' ny sehatra iraisam-pirenena ireo, ary nanjary nalaza izy tamin' ny fanaovana pirinty, na dia amin' ny maha mpamorona azy ihany aza no anjara asany. Namorona sary maherin' ny 10 000 izy.