Simeôna (zanak' i Jakôba)

I Simeona sy i Levy namono ireo Sikemita, nataon'i Gerard Hoet, taona 1728.

I Simeôna (hebreo: שִׁמְעוֹן‬ / Shim'ôn na Shime‘ôn) dia zanaka faharoan' i Jakôba amin' ny zanakalahiny roa ambin' ny folo izay zanany tamin' i Lea araka ny Bokin' ny Genesisy. Namaly faty ny anabaviny izy sy i Levy, dia ilay anabaviny atao hoe Dina izay naolan' ny zanaky ny mpanjaka tao Sikema. Novonoin' i Simeôna sy i Levy tamin' ny sabatra ny lehilahy rehetra tao amin' io tanàna io. Tsy nankasitraka izany i Jakôba rain' izy ireo (Genesis 34.25-29).

Tamin' ny nivarotana an' i Jôsefa tamin' ireo mpividy olona sy taorian' ny nahalasa mpanapaka an' i Jôsefa tao Ejipta dia naniraka nampaka an' i Benjamina rahalahin' izy ireo tany amin' i Jakôba i Jôsefa izay tsy fantatr' izy ireo tamin' izay, ka i Simeôna no notazomina tsy navela handeha mandra-pahatongan' i Benjamina any Ejipta.

Isan' ny taranak' i Simeôna i Jodita, ilay vehivavy ivon' ny resaka ao amin' ny Bokin' i Jodita.

Jereo koa:

• Ny zanak' i Jakôba: Robena - Simeôna - Levy - Jodà - Dana - Naftaly - Gada - Asera - Isakara - Zebolôna - Jôsefa - Benjamina - Dina
• Ny vadin' i Jakôba: Lea - Rahely - Bila - Zilpa
• Fokon' i Israely
• Fokon' i Simeôna