Konfuzianismus
De Konfuzianismus is en Philosophie, de op de Traditschonen vun Konfuzius un sien Schölers torüch geiht.
Konfuzius leev in Qufu in de noordchinees’sche Region Shandong, woneem dat en groten Tempel för em geven deit. Konfuziaansche Tempels gifft dat ok in annere Öörd. Dorbi warrt de Konfuzianismus nich as Religion för sik ansehn, ofschoonst he eenige religiöse Elementen bargt. Konfuzius harr en konservativere Lehr as de tweetgröttste Philosoph in de Historie vun China, Lao-Tzi. För China weer kuum en annere Lehr so bedüden as de Konfuzianismus. En Tiet lang weer de Lehr aver in de Volksrepubliek China nich acht. Ok för de Historie vun ünner annern Korea, Japan, Indonesien, Laos un Vietnam weer de Konfuzianismus wichtig.