Teo Torriatte (Let Us Cling Together)

Queen-kronologi
Teo Torriatte (Let Us Cling Together) Singel av Queen frå albumet A Day At The Races

B-side	Good Old-Fashioned Lover Boy
Språk	japansk, engelsk
Utgjeve	25. mars 1977 (berre i Japan)
Innspelt	Juli - november 1976
Sjanger	rock
Lengd	5:57 (album) 4:55 (singel)
Selskap	Elektra (Japan)
Komponist	Brian May
Tekstforfattar	Brian May
Låtskrivar(ar)	Brian May
Produsent	Queen
«Tie Your Mother Down» (1977)	Teo Torriatte (Let Us Cling Together)	«Good Old-Fashioned Lover Boy» (Queen's First EP) (1977)

«Teo Torriatte (Let Us Cling Together)» er ein song av Queen frå 1976 på albumet A Day at the Races. Han vart skriven av gitaristen Brian May, som avslutningssongen på albumet.

Songen er kjend for å ha to refreng sungne på japansk. Han vart gjeven ut som singel berre i Japan, der han nådde 49. plassen på listene.^[1] B-sida til singelen var «Good Old-Fashioned Lover Boy». Dei henta inn eit lokalt kor til å synge refrenget på slutten. Songen vart avslutta med ein kort instrumental, som er ein reprise av starten på «Tie Your Mother Down» i starten av albumet. Dette var meint å skape ein «sirkel» på albumet, slik til dømes Pink Floyd ofte gjorde.

Songen vart framført i Tokyo under Jazz-turneen i 1979 og igjen då bandet vitja Japan i 1981 og 1982.

«Teo Torriatte» vart spelt inn av den japanske songaren Kokia i 2008 på julealbumet hennar Christmas Gift, og av Mêlée i 2010.