Fisken tunge

Tunge
Tunge
Status
Status i verda: Datamangel
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Flyndrefisk Pleuronectiformes
Familie:	Tungefamilien Soleidae
Slekt:	Solea
Art:	Tunge S. solea
Vitskapleg namn
Solea solea Linnaeus, 1758

Tunge, tungeflyndre, sjøtunge eller skosole (Solea solea) er ein flyndrefisk i tungefamilien. Fisken kan verta opptil 20 år gammal, 70 cm lang, og vega 4 kg.

Tunga vert rekna som ein velsmakande flyndrefisk.

Han er utbreidd langs kysten av Atlanterhavet, frå Senegal opp til Trondheimsfjorden i nord. I tillegg finst han i mesteparten av Middelhavet og langs kysten av Sør-Afrika. Om vinteren trekkjer han seg tilbake til dei noko varmare vatna i sør i Nordsjøen.

Dei små auga sit tett saman på den høgre sida til fisken. Dette gjer at han kan liggja halvveges nedgraven i sanden medan han ventar på at eit potensielt bytte skal koma forbi. I likskap med andre flyndrer har sjøtunga vanleg fiskeform som ung, men går tidleg gjennom ein metamorfose der det eine auget flyttar seg. Dette skjer når fisken er ca. ein centimeter stor.

Litteratur

• Torsvik, Mortensen, Nedreaas (red.) Fiskeribiologi ISBN 82-529-1720-8