Joan Coromines

Joan Coromines i Vigneaux
	; Joan Coromines en 1980.
Biografia
Naissença	21 de març de 1905 ; Barcelona
Mòrt	2 de genièr de 1997 (91 ans); Pineda de Mar
Donadas personalas
Nacionalitat	Espanhòla
Formacion	Universitat de Barcelona ; Universitat Centrala de Madrid
Director de tèsi	Ramón Menéndez Pidal e Américo Castro
Activitat
Discípols	José García López
Trabalha per	Universitat de Barcelona ; Universitat de Chicago
Òbras principalas	Diccionari etimològic i complementari de la llengua catalana, Onomasticon Cataloniae, Diccionario crítico etimológico de la lengua castellana e Diccionario crítico etimológico castellano e hispánico
Autres
Maire	Celestina Vigneaux i Cibils
Paire	Pere Coromines i Montanya
Fraires	Ernest Corominas Vigneaux e Júlia Coromines i Vigneaux
Prèmis
	(1998) Medalha d'Onor de la Ret Vivas d'Universitats; (1996) Prèmi de l'Institucion de las Letras Catalanas; (1995) Prèmi Nacional de Projeccion Sociala de la Lenga Catalana; (1989) Prèmi Nacional de las Letras Espanhòlas; (1984) Prèmi d'Onor de las Letras Catalanas; (1982) Granda Crotz de l'Òrdre d'Anfós X lo Savi; (1981) Prèmi d'Onor Lluís Carulla; (1980) Medalha d'Aur de la Generalitat de Catalonha; (1976) doctor honoris causa de l'Universitat Autonòma de Barcelona; (1972) Prèmi Critica Serra d'Or de Literatura i Assaig; (1972) Prèmi Lletra d'Or; (1957) Borsa Guggenheim; (1948) Borsa Guggenheim; (1945) Borsa Guggenheim ;

Joan Coromines i Vigneaux^[1] (Barcelona, 21 de març de 1905 - Pineda de Mar, 2 de genièr de 1997), foguèt un lingüista catalan dels mai famoses principalment als Païses Catalans e mai internacionalament. L'òbra lingüistica e etimologica d'aqueste erudit representa un dels monuments mai preciós de la lingüistica e l'onomastica catalana amb la publicacion de son obratge Diccionari etimològic i complementari de la llengua catalana e de l'Onomasticon Cataloniae, una collecion d'uèch volums.

Biografia

Joan Coromines i Vigneaux nasquèt en 1905 dins una familha amonedada de Barcelona. Son paire èra l'avocat, politic e escrivan Pere Coromines i Montanya e sa maire la pedagòga Celestina Vigneaux i Cibils, d'origina gascona. Èra l'ainat dels tres enfants de la familha, sa sòrre Júlia (1910-2011) venguèt psicologa e son fraire Ernest (1913-1992), matematician.

Estudièt a la Facultat de Filosofia e Letras de l'Universitat de Barcelona, e a l'encòp seguiguèt de corses dins mantuna vila europèa entre 1925 e 1929. Visquèt aital qualque temps a Montpelhièr ont se refugièt, qu'aviá manifestat veementament son ostilitat a la dictatura de Primo de Rivera, e i coneguèt Grammont e Millardet. Anèt tanben a Madrid, ont faguèt son doctorat, e puèi a Zuric en 1929 per estudiar amb Jakob Jud. En 1930 comencèt a trabalhar a l'Institut d'Estudis Catalans e l'an seguent publiquèt sa tèsi doctorala de tematica occitana, lo Vocabulario aranés. Foguèt aquel meteis an, en 1931 qu'entamenèt l'escritura de son òbra màger, l'Onomasticon Cataloniae. Sa coneissença del basc li valguèt d'èsser nomenat academician onorari de l'Académia Reiala de la Lenga Basca en 1994.

Òbras

Lenga occitana

1931: Vocabulario aranés (tèsi doctorala). Barcelona.
1990: El parlar de la Vall d'Aran. Gramàtica, diccionari i estudis lexicals sobre el gascó

Lenga catalana

1954: Algunes lleis fonètiques catalanes no observades fins ara

1965-1970: Estudis de toponímia catalana

1980-1991: Diccionari etimològic i complementari de la llengua catalana.
1989-1997: Onomasticon Cataloniae; inventari e etimologia de totes los noms geografics dels Païses Catalans.

Lenga espanhòla

1954-1957: Diccionario crítico etimológico de la lengua castellana
1961: Breve diccionario etimológico de la lengua castellana

Annèxas

Bibliografia

(ca) Martí i Castell, Joan. Joan Coromines i Vigneaux: semblança biogràfica. Institut d'Estudis Catalans, 2020. ISBN 9788499655611.
(ca) Fabra, Pompeu; Coromines, Joan; Ferrer, Dr. Joan; Ferrer, Josep; Pujadas, Joan J.. Pompeu Fabra i Joan Coromines: la correspendència dels anys de l'exili ; Estudi sobre l'ús del guionet i Llistes d'esmenes al "Diccionari general". Fundació Pere Coromines, 1998.
(ca) Pujadas i Marquès, Joan. Centenary Joan Coromines: Barcelona, 1905-Pineda de Mar, 1997. Ajuntament de Pineda de Mar, 2006.
(ca) Duarte; Coromines. Perfil biográfico de Joan Coromines. Barcelona: Ministerio de Cultura-Anthropos, Premio Nacional de las Letras Españolas, 1989-1990.

Referéncias

↑ A l'origina, lo nom d'ostal francizat correspond a la forma gascona de Vinhau: (ca) «i si jo no temés certa impietat envers la meva santa mare, ara que ja no li’n puc demanar llicència, ja hauria grafiat el meu segon nom com Vinyaus o Vignaus, abolint-hi la bàrbara i deformadora grafia franchimanda Vigneaux».

Ligam extèrne

Omenatge en centenari deth naishement de Joan Coromines

Voses connèxas

Lenga occitana
- Aranés
  - Institut d'Estudis Araneses-Acadèmia Aranesa de la Lenga Occitana

[1] A l'origina, lo nom d'ostal francizat correspond a la forma gascona de Vinhau: (ca) «i si jo no temés certa impietat envers la meva santa mare, ara que ja no li’n puc demanar llicència, ja hauria grafiat el meu segon nom com Vinyaus o Vignaus, abolint-hi la bàrbara i deformadora grafia franchimanda Vigneaux».

[1]