Rey Willem-Alexander
| Willem-Alexander | ||
|---|---|---|
| ||
Rey Willem-Alexander na 2013.
| ||
| Rey di Hulanda | ||
| Periodo | 30 di april 2013 – heden | |
| Antecesor | Beatrix | |
| Prins di Oraño | ||
| Periodo | 30 di april 1980 – 30 di april 2013 | |
| Antecesor | Alexander van Oranje-Nassau (1851-1884) | |
| Sucesor | Catharina-Amalia | |
| Informacion personal | ||
| Nacemento | 27 di april 1967 Utrecht, Hulanda | |
| Famia | ||
| Cas real | Oranje-Nassau | |
| Tata | Claus van Amsberg | |
| Mama | Beatrix | |
| Ruman(nan) | Johan Friso di Oranje-Nassau Constantijn di Oranje-Nassau | |
| ||
Imagennan riba  Wikimedia Commons
| ||
| Website oficial | ||
| [Edita Wikidata] · [Manual] | ||
Willem-Alexander (naci Willem-Alexander Claus George Ferdinand; 27 di april 1967 na Utrecht) ta rey di Reino Hulandes desde 30 di april 2013, ora su mama prinses Beatrix a abdica for di trono.
Willem-Alexander a nace na Utrecht, como e yiu mayor di Prinses Beatrix y diplomatico Claus van Amsberg. Na aña 1980 Willem-Alexander a bira Prins van Oranje (prins heredero), ora su mama Beatrix, a bira Reina di Reino Hulandes. Willem-Alexander despues di caba universidad, a drenta Marina Real pa sigi su estudio eynan. Na aña 2002, Willem-Alexander a casa cu Maxima Zorreguieta-Cerruti, hunto nan tin tres yiu muhe; Catharina Amalia, cu titulo di "Prinses van Oranje" (2003), Alexia (naci 2005) y Ariane (naci 2007).
Willem Alexander ta interesa den deporte y den maneho di problemanan cu awa. Prome cu Willem-Alexander a bira rey, e tawata miembro di Comite Olimpico Internacional (1998-2013), presidente di e conseho consultativo riba e tereno di manehamento di awa, y presidente pa e secretario-general di Nacionnan Uni riba e Comite di awa y sanitacion.
Infancia y educacion
[editá | editá fuente]Willem-Alexander Claus George Ferdinand a nace dia 27 April 1967, na Hospitaal di Universidad di Utrecht (awor conoci como Universidad Medico di Utrecht). e ta e prome yiu di Prinses Beatrix y Prins Claus, y e nieto di Reina Juliana y Prins Bernhard. Willem-Alexander tabata e prome baby masculino cu a nace den Famia Real desde nacimiento di Prins Alexander na 1851, y e prome heredero masculino desde Prins Alexander su morto na 1884.
Desde infancia, Willem-Alexander tabata tin e titulo nan di Prins der Nederlanden, Prins van Oranje-Nassau, y Jonkheer van Amsberg. Willem-Alexander a ser bautisa como un miembro di e Misa Protestant Hulandes na anja 1967 den St. Jacobus Kerk na Den Haag.
Willem-Alexander tabata tin dos ruman menor, Prins Friso (1968-2013) y Prins Constantijn (naci na 1969). Desde su infancia e la biba hunto cu su famia na Kasteel Drakensteyn te na anja 1981, Ora e Famia Real a move pa Paleis Huis ten Bosch na Den Haag. Willem-Alexander heredra e titulo di "Prins van Oranje" ora su bisabuela a abdica for di trono na 1980.
Titulo
[editá | editá fuente]- 27 april 1967 - 30 april 1980: Su Alteza Real Prins Willem-Alexander der Nederlanden, Prins van Oranje-Nassau, Jonkheer van Amsberg
- 30 april 1980 - 30 april 2013: Su Alteza Real, de Prins van Oranje
- 30 april 2013 - presente: Su Mahestad E Rey.
Famia
[editá | editá fuente]Rei Willem-Alexander y Reina Máxima tin tres yiu muhe.