Elsa Laula Renberg
| Elsa Laula Renberg | |
|---|---|
| Elsa Laula Renberg | |
 | |
| Riegádan | skábmamánu 29. beaivvi 1877:s |
| Jápmán | suoidnemánu 22. beaivvi 1931:s (53) |
| Hávdi | Dolstad kirke (nb)  |
| Čearddalašvuohta | sámit[1] |
| Riikkavulošvuohta | |
| Bargu | |
| Ámmát | badjeolmmoš ja politihkkár |
 Elsa Laula RenbergWikimedia Commonsas | |
Elsa Laula Renberg (álgoálggus Elsa Laula, skábmamánu 29. b. 1877 – suoidnemánu 22. b. 1931). Elsa Laula lei eret ja bajásšattai boazosápmelašbearrašis Ruoŧa beale máttasámiguovllus Gäjgásis. Elsa Laula čađahii Stockholmmas sealgeeatnioahppu. Searvebargguin son oahpai Stockholmmas orudettiin. Studeremiid maŋŋá son máhcai ruoktot ja náitalii Norgga beale boazosápmelaš Thomas Renbergiin jagis 1908. Náitaleami maŋŋá Elsa fárrii bearrašiinnis Vappstenii Nordlándii Norgii. Elsa ja Thomas oaččuiga guhtta máná. Elsa jámii 53-jahkásaččán tuberkulosii Brønnøyas.
Jápmin vai eallin?
[rievdat | rievdat wikiteavsttain]Elsa Laula Renberg čálii ja goasttidii jagis 1904 30-siidosaš girjji Infør lif eller död? Sanningsord i de Lappska förhållandena. Girjjistis son gieđahalai sámemánáid skuvladili, sámiid jienastanvuoigatvuođaid, sámiid eatnamiid oamastanvuoigatvuođaid ja sámeservviid dili. Son lea vuosttas iežas čállosiid almmustahttán sámenisu.
Leavgabeaivi
[rievdat | rievdat wikiteavsttain]Elsa Laula Renberga riegádanbeaivi skábmamánu 29. b. lea ođđaseamos sámi leavgabeaivi. Dát mearriduvvui leavgabeaivin 21. sámekonfereanssas Tråantes jagis 2017[2].
Gáldut
[rievdat | rievdat wikiteavsttain]- ↑ https://www.skbl.se/en/article/ElsaStinaLarsdotterLaulaRenberg
- ↑ Elsa Laula Renberga riegádanbeaivi almmolaš leavgabeaivin 02.11.2017: Sámiráđđi. Čujuhuvvon 06.04.2018.