Abestrus
| Abestrus | |
|---|---|
| |
| Lalaking abestrus (Struthio camelus) | |
| Katayuan ng pagpapanatili | |
| Klasipikasyong pang-agham | |
| Kaharian: | |
| Kalapian: | |
| Hati: | |
| Orden: | |
| Pamilya: | Struthionidae Vigors, 1825
|
| Sari: | Struthio Linnaeus, 1758
|
| Espesye: | S. camelus
|
| Pangalang binomial | |
| Struthio camelus Carolus Linnaeus, 1758
| |
| Sub-uri | |
|
Tingnan ang teksto | |
| |
| Ang distribusyon ng mga abestrus ngayon | |
Ang ostrits, abestrus, o Struthio camelus (Ingles: ostrich)[2][3] ay isang ibong hindi nakakalipad na katutubo ng Aprika. Ito lamang ang nabubuhay na uri ng kanyang mag-anak o pamilyang Struthionidae, at ng saring Struthio. Kakaiba ang kaanyuhan nito, na mayroong mahabang leeg at binti, at nakakatakbo ito sa bilis na 65 km/h (40 mph).
Pinakamalaking nabubuhay na ibon ang mga abestrus at inaalagaan sa maraming sakahan sa buong mundo. Ang pangalang pang-agham ng abestrus ay galing sa salitang Griyego para sa "kamelyong maya" dahil sa mahabang leeg nito.[4]
Deskripsiyon
[baguhin | baguhin ang wikitext]Karaniwang umaabot sa 90 kg hanggang sa 130 kg (200 to 285 libra) ang timbang ng mga abestrus, bagaman naitalang umabot sa 155 kg (340 libra) ang timbang ng ilang mga lalaking abestrus. Halos itim ang balahibo ng mga matatandang abestrus, ngunit may kulay puti sa balahibo at buntot nito.
Abong-kape at puti ang kulay ng mga babae at mga batang lalaki. Ginagamit sa pagpapares ang maliit na balahibo ng mga lalaki. Nakapagbibigay rin sila ng lilim para sa mga sisiw. Malambot at ginagamit sa insulasyon ang mga balahibo nito, at may pagkakaiba sa matigas na balahibo ng mga lumilipad na ibon. Mayroong mga kuko sa dalawang daliri ng mga pakpak nito.
Walang mga balahibo ang malalakas na binti ng mga abestrus. Nakakatayo ito sa dalawang daliri sa paa, na kamukha ng kuko ng kabayo ang mas malaking daliri.
Sa sekswal na edad nito (dalawa hanggang apat na taong gulang), umaabot sa pagitan ng 1.8 m at 2.7 m (6 talampakan at 9 talampakan) ang tangkad ng mga lalaking abestrus, samantalang umaabot sa pagitan ng 1.7 m at 2 m (5.5 talampakan at 6.5 talampakan) ang tangkad ng mga babaeng abestrus. Sa unang taon ng buhay, umaabot sa 25 sm (10 pulgada) ang laki ng mga sisiw buwan-buwan. Sa isang taon, umaabot sa 45 kg (100 libra) ang timbang ng mga abestrus. Maaaring umabot sa 75 taon ang buhay ng isang abestrus.
Tao at abestrus
[baguhin | baguhin ang wikitext]Inihahambing sa isang abestrus ang taong nagtatago sa oras ng kagipitan, sapagkat may inaakalang gawi ang ostrits na maglubog ng ulo nito sa buhangin o lupa subalit nalitaw naman ang katawan.[5]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ BirdLife International (2004)
- ↑ Calderon, Sofronio G. (1915). "Ostrich". Diccionario Ingles-Español-Tagalog.
{{cite ensiklopedya}}: CS1 maint: date auto-translated (link) - ↑ "Ostrich," abestrus Naka-arkibo 2016-03-06 sa Wayback Machine., Tagalog English Dictionary, Bansa.org
- ↑ "Ostrich". Online Etymology Dictionary.
- ↑ Gaboy, Luciano L. Ostrich - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
Panlabas na mga kawing
[baguhin | baguhin ang wikitext]- Animal Diversity Web
- Bird Families of the World Naka-arkibo 2007-04-02 sa Wayback Machine.
- Ostrich videos on the Internet Bird Collection
- Ostrich Farming Report on the Wire Worm Naka-arkibo 2007-05-22 sa Wayback Machine.
- WOC 2006 - XIII World Ostrich Congress Naka-arkibo 2019-04-02 sa Wayback Machine.
- Honolulu Zoo page on Ostriches Naka-arkibo 2010-07-15 sa Wayback Machine.
- Kruger Park page on Ostriches
- South African Ostrich Business Chamber
- Mga espesye na may pinakamaliit na pag-alala na nasa IUCN Red List
- Struthioniformes
- Mga ibong inaalagaan at ipinagbibili o kinakatay
- Mga ibong hindi nakakalipad
- Mga ibong inaalagaan para sa karne at itlog
- Ratites
- Struthio
- Mga ibon sa Aprika
- Mga ibon sa Kenya
- Mga ibon sa Timog Aprika
- Mga ibon sa Australya
- Poltri
- Palaeognathae