陈（南朝）
（从陈 (南朝)转戳到箇里）
陈（吴拼：Jing，557年－589年），一般帝国也䜒南陈、陈朝。是南朝阿末一个朝代，是吴越人陈霸先来勒侯景之乱之后，在永定元年（公元557年）建立个。箇只朝代担建康（㬮朝南京）作首都，国号陈。居个也是历史丄唯一一只担皇帝个姓氏当国号个政权。
历史
[编辑]陈朝个建立是土著陈霸先利用侯景之乱个局面，让渠自个本土军队接管政权个结果。建立个辰光就面对北周、北齐咾排北方人个侵略，陈霸先担昰眼北方人统击破，让陈朝稳定。两年之后，陈霸先死脱著，渠场儿子许歇在北周当人质，盖咾让渠自个侄子陈蒨即位，昰个就是陈文帝，渠当皇帝辰光，对内安定老百姓，恢复生产，让陈朝国家实力恢复。566年，陈文帝驾崩，太子陈伯宗即位，弗过，次年就畀陈文帝个阿弟陈顼废脱，陈顼即位，居个就是陈宣帝。宣帝辰光，对内继续安定百姓，对北面，利用北齐灭亡个局面，收复著淮南地区，弗过，在之后搭北周关陇贵族个战争当中失败，昰然，陈朝衹好搭北周划江而治。582年，陈顼死脱著，太子陈叔宝即位，居个就是陈后主。后主是一个花花公子，无能力应对北面压力，渠自文人习气貤重险，日逐在后宫搭欢喜个女人、宠臣吃老酒咾薄相。昰歇辰光，北面个杨坚担北周取代脱，建立著隋朝。588年，杨坚让渠场儿子杨广攻击陈朝，第二年建康陷落，陈叔宝迆<ia1>到后宫个井里向，畀北方人捉牢，带到洛阳。杨坚封渠长城炀公，成为著像煞刘禅然种脚色，南陈亡国。
疆域
[编辑]因为侯景之乱替后首来北周侵略个原因，老早梁朝个西面个益州、梁州领土全弗无著。陈朝个领土局限在老早个荆州南部、扬州个长江南岸替交州大部，搭孙吴个领土面积邪气类似。
政治
[编辑]因为士族在侯景之乱当中打击邪气大，渠场个权势也弗及老早嚣张。土著在陈朝重新掌握著政治个主导权。