NATIONAL

SENIOR CERTIFICATE

IBANGA 12

SEPTEMBA 2022

ISIXHOSA ULWIMI LWASEKHAYA P2

AMANQAKU: 80

IXESHA: 2½ iiyure

Olu viwo lunamaphepha angama-27.

2 ISIXHOSA ULWIMI LWASEKHAYA P2 (EC/SEPTEMBA 2022)

IMIYALELO NENGCACISO

1. Funda imiyalelo ngocoselelo phambi kokuba uphendule imibuzo.

2. Musa ukuzama ukufunda lonke iphepha loviwo. Funda itheyibhile yesiqulatho

ekwiphepha lesi-4 uze uchonge imibuzo ebuzwe ngoncwadi olufundisiweyo kulo
nyaka. Emva koko, funda le mibuzo wandule ukhethe oza kuyiphendula.

3. Eli phepha loviwo linamaCANDELO amaTHATHU:

ICANDELO A: ISihobe (30)

ICANDELO B: INoveli (25)
ICANDELO C: IDrama (25)

4. Phendula imibuzo emiHLANU iyonke:

Imibuzo EMITHATHU kwiCANDELO A, omNYE kwiCANDELO B, nomNYE

kwiCANDELO C ngale ndlela ilandelayo:

ICANDELO A: ISIHOBE
IMIBONGO EFUNDISIWEYO – Phendula imibuzo emiBINI
UMBONGO ONGAFUNDISWANGA: Ngumbuzo ONYANZELEKILEYO

ICANDELO B: INOVELI/UNCWADI LWEMVELI

Phendula umbuzo OMNYE.

ICANDELO C: IDRAMA
Phendula umbuzo omNYE.

5. UKHETHO LWEMIBUZO KWICANDELO B (INOVELI/UNCWADI LWEMVELI)

NECANDELO C (IDRAMA).

o Phendula KUPHELA imibuzo ekwinoveli/uncwadi lwemveli nakwidrama

oyifundisiweyo.
o Phendula UMBUZO OSISINCOKO omNYE kunye NOMFUTSHANE ube
mNYE.

Xa uphendule UMBUZO OSISINCOKO SONCWADI kwiCANDELO B,

unyanzelekile ukuba uphendule UMBUZO OMFUTSHANE kwiCANDELO C.
Xa uphendule UMBUZO OMFUTSHANE kwiCANDELO B, unyanzelekile ukuba
uphendule UMBUZO OSISINCOKO SONCWADI kwiCANDELO C. Sebenzisa
itshekhlisiti ukwenza oku.

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 3

6. UBUDE BEEMPENDULO

• Umbuzo osisincoko kwiSihobe kulindeleke ukuba uphendulwe ngamagama

ali-190–240.
• Umbuzo osisincoko kwiNoveli/kwincwadi Lwemveli neDrama kulindeleke
ukuba uphendulwe ngamagama angama 340–390.
• Ubude beempendulo zemibuzo emifutshane buxhomekeke kulwabiwo
lwamanqaku. Abaviwa kulindeleke ukuba baphendule ngokuvakalayo
nangokusemxholweni.

7. Landela imiyalelo ebhalwe ekuqaleni kweCANDELO ngaliNYE ngocoselelo.

8. Nombola iimpendulo zakho ngokuchanekileyo ulandela indlela ekunonjolwe

ngayo kwiphepha loviwo.

9. Qala ICANDELO ngaliNYE kwiphepha ELITSHA.

10. Yaba ixesha ngolu hlobo lulandelayo:

ICANDELO A: Malunga nama-40 emizuzu

ICANDELO B: Malunga nama-55 emizuzu
ICANDELO C: Malunga nama-55 emizuzu

11. Bhala ngokucocekileyo nangokucacileyo.

Akuvumelekanga ukufotokopa eli phepha Tyhila iphepha

 4 ISIXHOSA ULWIMI LWASEKHAYA P2 (EC/SEPTEMBA 2022)

ITHEYIBHILE YESIQULATHO

ICANDELO A: ISIHOBE

Imibongo efundisiweyo: Phendula NAYIPHI na imibuzo emiBINI.

INANI LOMBUZO UMBUZO AMANQAKU INOMBOLO

YEPHEPHA
1. UNozakuzaku Umbuzo osisincoko soncwadi 10 6

2. Intliziyo yam Umbuzo omfutshane 10 7

3. Umyolelo wexhego Umbuzo omfutshane 10 8

4. Ithemba Umbuzo omfutshane 10 9
KUNYE
Umbongo ongafundiswanga. Kunyanzelekile ukuba uwuphendule.
5. Ixesha lembalela Umbuzo omfutshane 10 10

QAPHELA: Phendula umbuzo omNYE OSISINCOKO nombuzo omNYE OMFUTSHANE. Xa

uphendule UMBUZO OSISINCOKO SONCWADI kwiCANDELO B, unyanzelekile
ukuba uphendule UMBUZO OMFUTSHANE kwiCANDELO C.

ICANDELO B: INOVELI/UNCWADI LWEMVELI

Phendula umbuzo omNYE

INOMBOLO
INANI LOMBUZO UMBUZO AMANQAKU
YEPHEPHA
6. Inkaw’idliw’ilila Umbuzo osisincoko
25 11
soncwadi

7. Inkaw’idliw’ilila Umbuzo omfutshane 25 12

8. Nyana wam! Nyana wam! Umbuzo osisincoko

25 14
soncwadi

9. Nyana wam! Nyana wam! Umbuzo omfutshane 25 14

10. Ukhozi olumaphiko Umbuzo osisincoko 25 16

soncwadi
11. Ukhozi olumaphiko Umbuzo omfutshane 25 16
OKANYE
12. Ubuncwane Boncwadi Umbuzo osisincoko
25 18
Lwemveli soncwadi

13. Ubuncwane Boncwadi Umbuzo omfutshane

25 18
Lwemveli

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 5

ICANDELO C: IDRAMA

Phendula umbuzo omNYE.

INANI LOMBUZO UMBUZO AMANQAKU INOMBOLO

YEPHEPHA
14. Buzani kubawo Umbuzo osisincoko 25 22
soncwadi
OKANYE
15. Buzani kubawo Umbuzo omfutshane 25 23

16. Indlal’ inamanyala - Umbuzo osisincoko 25 25

soncwadi

17. Indlal’ inamanyala Umbuzo omfutshane 25 25

QAPHELA: KUMACANDELO B no C, qiniseka ukuba uphendule umbuzo

OSISINCOKO OMNYE nombuzo omNYE OMFUTSHANE.
Nceda ungaphenduli imibuzo emiBINI ezizincoko okanye imibuzo
emiBINI emifutshane.

ULUHLU LOKUKHANGELA (ITSHEKHLISTI)

Sebenzisa le tshekhlisti ukuqinisekisa ukuba ukhethe imibuzo ngendlela eyiyo.

ICANDELO AMANANI INANI LEMIBUZO TIKISHA

EMIBUZO EPHENDULWAYO NGASEZANTSI
A Isihobe (ISihobe
1–4 2
esifundisiweyo)
Isihobe (ISihobe
esingafundiswanga) 5 1

B Inoveli Noncwadi Lwemveli

(Umbuzo osisincoko soncwadi 6–13 1
OKANYE omfutshane)

C Idrama( Umbuzo osisincoko

soncwadi OKANYE omfutshane) 14–17 1

Akuvumelekanga ukufotokopa eli phepha Tyhila iphepha

6 ISIXHOSA ULWIMI LWASEKHAYA P2 (EC/SEPTEMBA 2022)

ICANDELO A: ISIHOBE

IMIHOBE YESIXHOSA – B. Ngombane

IMIYALELO

• Kweli CANDELO kubuzwe imibongo nezibongo ezine ezifundisiweyo nombongo

omNYE ongafundiswanga.
• Umviwa ulindeleke ukuba aphendule nayiphi na imibuzo emiBINI ebuzwe
kwimibongo OKANYE kwizibongo ezifundisiweyo; kunye nombuzo omNYE
kumbongo ongafundiswanga OKANYE isibongo esingafundiswanga.

QAPHELA: Umbuzo ongombongo ongafundiswanga KUNYANZELEKILE ukuba

uwuphendule. Qiniseka ukuba uphendule imibuzo emiTHATHU kweli
candelo.

Ubude bempendulo yombuzo osisincoko buphakathi kwe-190–240 amagama.

IMIBONGO EFUNDISIWEYO

Phendula NAYIPHI NA imibuzo emiBINI.

UMBUZO 1 (UMBUZO OSISINCOKO SONCWADI)

UNOZAKUZAKU – Z.S. Qangule

1 Nanko k’ esiz’ ehamb’ exhakazela,

2 Abafazi bemhewula, zimkhonkoth’ izinja.
3 Iinkomo ziphi, luphi na lon’ uswazi?
4 Azi waze njani na? Isazimzi k’ eso.

5 Imbeko nemibuz’ emlindeleyo kwelo khaya.

6 Kodwa ke yinkabi yamalang’ ekad’ inetha.
7 Indlel’ ayaziwa mntu kodw’ umhambi wayo,
8 Kuthenjwe yena ngasemv’ ujongiwe ngaphambili.

9 Iinyawo zakhe ziluvil’ uthuli lwendlela,

10 Nentloko yakh’ ulophu lwasehlotyeni.
11 Izithuko zakhe ziviwe ngamathafa, nemimango,
12 Ngasemva kweenkomo eziya kulobola.

13 Lo mf’ akamntwana kodw’ akaxhego,

14 Izicithi ziwubonile umtsi wakh’ edlula.
15 Lithemb’ elingafuni kudanisa mntu,
16 Isiqalo ndawonye nesiphelo sendaba nguye.
...................................................................
17 Ubuwaqhuba ngantoni na mfondini la mathole,
18 Wawuwaze njani na wona lo mzi?
19 Ubon’ abafazi nabantwana bezixhwithela kuye,
20 Wongena ephuma ke ezama ukuzikhusela.

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 7

Funda esi sicatshulwa sombongo silandelayo, wandule ukuphendula umbuzo

osekwe kuso.

Cazulula isigama esiqulethe uluvo lokuba awululanga umsebenzi kaNozakuzaku

ngokwesi sicatshulwa sombongo. [10]

UMBUZO 2 (UMBUZO OMFUTSHANE)

Funda lo mbongo ulandelayo, wandule ukuphendula imibuzo esekwe kuwo.

INTLIZIYO YAM – C. NQAKULA

1 Intliziyo yam indityhilela izinto ezininzi;

2 Iyandityhoba yakuthanda, indisindise kananjalo.
3 Hayi madoda! Unzima lo mthwalo!
4 Umkhonto ololwe walubengu, awubinzi
5 Udale amanxeba afana nawale ntliziyo,
6 Mhla izanyazanyiswe yadutywa zizilingo,
7 Eziza ngongcwalazi, ezinzulwini zobusuku nangesifingo
8 Okanye ndityholwa ngezinto endingazaziyo.

9 Intliziyo yam lusindiso lwam;

10 Intliziyo yam kukutshabalala kwam;
11 Indikhaphela ezindleleni zobulungisa;
12 Kanti nakwezingendawo iyandisa.

13 Mandiyithini ke le ntliziyo,
14 Xa imkhonza ngolu hlobo umniniyo?

2.1 Xela zibeMBINI izinto eziyenza buhlungu intliziyo ngokwesitanza soku-1. (2)

2.2 Chaza iindawo eziMBINI ezingafaniyo emsa kuzo intliziyo umniniyo

ngokwesitanza sesi-2. (2)

2.3 Ugqamisa ukuba ivakalelwa njani imbongi ngentliziyo umbuzobuciko

okwimiqolo embini yokugqibela yalo mbongo? (2)

2.4 Ludalwe njani undindwano kulo mbongo xa uwonke? (2)

2.5 Nika zibeziBINI izilumkiso ozibhekisa kubantu abathembe intliziyo emva

kokufunda lo mbongo. (2)
[10]

Akuvumelekanga ukufotokopa eli phepha Tyhila iphepha

8 ISIXHOSA ULWIMI LWASEKHAYA P2 (EC/SEPTEMBA 2022)

UMBUZO 3 (UMBUZO OMFUTSHANE)

Funda esi sicatshulwa sombongo silandelayo, wandule ukuphendula imibuzo

esekwe kuso.

UMYOLELO WEXHEGO – C. NQAKULA

1 Maze uzikhethe izihlobo ngenyameko;

2 Izihlobo zokwenene zinesithatha sembeko,
3 Esiya kukhanyisa neyakho indlela wakuba ulahleka;
4 Ngenxa yazo nawe uya kwakheka.

5 Maze ululame, nyana wam, ke ngoko,

6 Emva kwexesha uya kusibona isiqhamo soko;
7 Abantu baya kuzivula iintliziyo zabo kuwe,
8 Bakuphakamisele phezulu ungaze uwe.

9 Umntu omkhulu nomnci naye, mbeke;

10 Oswele izambatho kambe, maleke.
11 Ucango lwendlu yakho maze ungaluvali;
12 Uncede mihla le kodwa ungabali.

13 Ingqondo yakho mayisoloko iphaphile,

14 Umphefumlo wakho usoloko uthozamile.
15 Maze ungasoloko ufinge iintshiyi;
16 Khululeka ukuze abantu bangakushiyi.

17 Zungemi ezimbobeni ubethe imilozi

18 Zungabiyongcuka eqwengayo, ungabi lulo nokhozi
19 Nyana wam zube ngumkhonzi onyanisekileyo.
20 Ohlakaniphileyo, othobileyo, intsika ethembekileyo.

3.1 Nika isiyalo esiqulethwe sisitanza ngasinye kwezibini zokuqala zesi

sicatshulwa sombongo, ngolu hlobo;

(a) Isitanza 1
(b) Isitanza 2 (2)

3.2 Chaza zibeziBINI iziphumo zokululama ngokwesitanza sesi-2. (2)

3.3 Kugqamisa ukuba inaluvakalelo luni imbongi ukuphindwa kweziyalo

ezinqandayo ezibhalwe ngqindilili? (2)

3.4 Ludalwe njani undindwano kwesi sicatshulwa sombongo xa sisonke? (2)

3.5 Nika zibeziBINI izilumkiso ozibhekisa kubantu abahlelisene kakubi emva

kokufunda esi sicatshulwa sombongo. (2)
[10]

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 9

UMBUZO 4 (UMBUZO OMFUTSHANE)

Funda esi sicatshulwa sombongo silandelayo, wandule ukuphendula imibuzo

esekwe kuso.

ITHEMBA – S.E.K. MQHAYI

1 Singenzani n’ emhlabeni,
2 Sizuzeni n’ elizweni,
3 Xa singenalo ithemba,
4 Intsusa yokusebenza?

5 Singakwenza n’ ukulima,
6 Sikuyeke ukulila,
7 Singayifuya n’ imfuyo,
8 Xa ithemba lingekhoyo!

9 Makafundiswe ithemba,
10 Aphakanyiswe lithemba,
11 Limhambisele phambili,
12 Limngenise ezulwini.

13 Le n’t ithemba iyinzulu,

14 Kwezomhlaba kwezezulu;
15 Ongenathemba ufile;-
16 Siph’ ithemba ze siphile.

4.1 Xela zibeMBINI izinto esithandabuza ukuba zingenzeka isitanza soku-1 xa

lingekho ithemba. (2)

4.2 Chaza zibeziBINI iziphumo zokufundiswa ithemba ngokwesitanza sesi-3. (2)

4.3 Zigqamisa ukuba ivakalelwa njani imbongi ngomntu ongenathemba

izitanza ezibini zokuqala zesi sicatshulwa sombongo? (2)

4.4 Ludalwe njani undindwano kwesi sicatshulwa sombongo xa sisonke? (2)

4.5 Nika zibeziBINI izilumkiso ozibhekisa kubantu abangenathemba uthathela

kwesi sicatshulwa sombongo. (2)
[10]

Akuvumelekanga ukufotokopa eli phepha Tyhila iphepha

10 ISIXHOSA ULWIMI LWASEKHAYA P2 (EC/SEPTEMBA 2022)

UMBONGO ONGAFUNDISWANGA: KUNYANZELEKILE UWUPHENDULE

UMBUZO 5 (UMBUZO OMFUTSHANE)

Funda esi sicatshulwa sombongo silandelayo, wandule ukuphendula imibuzo

esekwe kuso.

IXESHA LEMBALELA – NT Ngamile

1 Lixesha losizi nembandezelo,

2 Lixesha lexhala nonxunguphalo,
3 Indlala yon’ iba bomvu krwe,
4 Oongxawu bahlala bekhedamile,
5 Ligqub’ inxele likakhetsekile
6 Zisal’ iintsana zikhedamile
7 Ngexesha lembalela.

8 Lixesha losizi nentswelo

9 Iinkomo zifa zifumbe,
10 Ahlinze amadoda ahlinze;
11 Zisal’ iintlanti zize.
12 Buyaphanz’ ububel’ ebantwini,
13 Buyabhang’ ubunt’ ebantwini
14 Ngexesha lembalela.

15 Lixesha losizi nexhala,

16 Umbon’ olusiz’ umhlab’ umpatsha-mpatsha,
17 Umbon’ olusiz’ umhlab’ uphalala,
18 Umbon’ olusiz’ izityalo zibhanga,
19 Lonk’ olo hlaza luhle luyavuthuluka,
20 Umhlab’ usal’ ukhedamile
21 Ngexesha lembalela

5.1 Xela zibeMBINI iimpawu zexesha lembalela ngokwemiqolo 1–2. (2)

5.2 Caphula umqolo ontsingiselo nye nowesi-5 kwisitanza soku-1. (2)

5.3 Xela udidi lophindaphindo olukwimiqolo ye-12–13 wandule ukuchaza

olukuqaqambisa ngefuthe lexesha lembalela ebantwini. (2)

5.4 Tyhila umfanekisontekelelo eliwudala ngomhlaba igama elibhalwe ngqindilili

kwisitanza sesi-3. (2)

5.5 Inanjongo ni imbongi ngalo mbongo? (2)

[10]

AMANQAKU ECANDELO A: 30

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 11

ICANDELO B: INOVELI

IMIYALELO

• Kweli candelo kubuzwe iiNoveli ezintathu noNcwadi Lwemveli.

• Khetha umbuzo kwiNoveli/kuncwadi lwemveli olufundisiweyo.
• Kwinoveli ngaNYE nakuNcwadi Lwemveli kubuzwe imibuzo emiBINI,
OSISINCOKO SONCWADI nombuzo OMFUTSHANE, ukususela kumbuzo
wesi-6 ukuya kumbuzo we-13.
• Khetha umbuzo ube mNYE uwuphendule.

QAPHELA: Xa umviwa ekhethe umbuzo OSISINCOKO SONCWADI

(kwinoveli/kuNcwadi Lwemveli) KUNYANZELEKILE ukuba akhethe
umbuzo OMFUTSHANE kwiCANDELO C (kwidrama).
Xa umviwa ekhethe umbuzo OMFUTSHANE kwiCANDELO B
(kwinoveli/Ncwadi Lwemveli), KUNYANZELEKILE ukuba akhethe
umbuzo OSISINCOKO SONCWADI kwiCANDELO C (kwidrama).

INOVELI

Phendula UMBUZO 6 (UMBUZO OSISINCOKO) OKANYE UMBUZO 7

(UMBUZO OMFUTSHANE)

UMBUZO 6 (UMBUZO OSISINCOKO SONCWADI)

INKAWU IDL’IWILILA – S. KULA

Xoxa ngendima ayidlalileyo amatyotyombe aseZamokuhle kulwaphulomthetho

olukule noveli.

Ubude bempendulo ecwangciswe ngokukuko mabube ngamagama angama-

340–390. [25]

OKANYE

Akuvumelekanga ukufotokopa eli phepha Tyhila iphepha

 12 ISIXHOSA ULWIMI LWASEKHAYA P2 (EC/SEPTEMBA 2022)

UMBUZO 7 (UMBUZO OMFUTSHANE)

INKAWU IDLIW’ILILA – S. KULA

Funda izicatshulwa zenoveli ezingezantsi, wandule ukuphendula imibuzo

elandelayo.

ISICATSHULWA A

“Eyona nto kusenzeka le ntlekele nje wena sis’ Mpumi, besikhe salwa kakhulu
noMsindisi, kwaye loo nto ikhaya lakhe liyayazi lonke”, watsho ethethela phantsi
uThantaswa. Wothuka uNompumelelo akuva izinto zengxabano kodwa waqonda
ukuba makabe ngumzali apha kuThantaswa xa ebonakalisa ukumthemba.
“Ungafane uzixhalise ngaloo nto Thantaswa. Abantu kaloku basoloko benamabali 5
angummangaliso kwakusweleka umntu ngequbuliso. Akusoze umncede umntu
kwaye ukuba ungaphikana naye ungaligeza elingevi nentambo,” Watsho
uNompumelelo esothukile.
“Yonke into iza kudyijelwa apha kum ngenxa yaloo nto,” watsho efixiza kakhulu
uThantaswa. 10
Ndiyayazi loo nto Thanti. Mna ukusweleka komyeni wam ndaphants’ ukungcwatywa
ndihleli ngabantu bakowabo. Ndandihleli emthandazweni ngalo lonke ixesha.
Ngethamsanqa, lathi neloo tyala ndandibhutywa ngalo uMdali wenza ukuba liphelele
apha emoyeni. Ndithetha nawe nje bathi bakundibona bajonge phantsi bafake imisila
phakathi kwemilenze.’ Wantyuntya watsho uNompumelelo engazi yena ukuba 15
uThantaswa uyabazi ubunyani beli bali lakhe.
“Nam ndiyakuhlala ndiyibiza iNkosi ukuze ibe ngecala lam,” watsho ngesingqala
uThantaswa.
Yomelela ntombazana. Kuthiwa ilanga alitshoni kuphele, koko likhanyise
kwelinye icala lehlabathi. Ngoko ke liseza kubuye likhanyise nakweli lakho 20
icala kwakhona,” wamthuthuzela ngelo uNompumelelo.

7.1 Chaza intlekele athetha ngayo uThantaswa kwisicatshulwa. (2)

7.2 YINYANI/BUBUXOKI ukuba uMdali wenza laphelela emoyeni ityala

awayebhutywa ngalo uNompumelelo? Xhasa impendulo yakho. (2)

7.3 Khankanya isohlwayo asinikwe ngumbhali uThantaswa ngenxa yesenzo

sobugebenga abandakanyeke kuso. (1)

7.4 Ingaba esi sicatshulwa sinika umelo oluhle lwezimo zabantu ababhinqileyo?
Xhasa impendulo yakho. (2)

7.5 Chaza zibeziBINI izenzo ezahlukeneyo zesipolisa ezikhulise

ulwaphulomthetho olukule noveli. (4)

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 13

ISICATSHULWA B

“Umfazi kaNqoza, uThembakazi, wayesel’ ebakrobele aba babini ukuba banomkhutyana

obadibanisayo. Babemana ukumya ngamehlo. Wayesithi akusondela kufuphi nabo
bathethele ezantsi. Ukuphuma kwakhe apho waya kuyixelela uThantaswa loo nto
uMfuneko. Wathi uThantaswa akuyiva, wothuka wangcangcazela. ‘Kanti Mfuneko, ufa nini
lo Mapheza unezothe?’ wabuza uvalo ludubula ngamandla uThantaswa. “ Ndicinga ukuba 5
ndikhe ndimyele exhweleni lam, uSiphongo, kula matyotyombe aseZamokuhle, kuba
kunzima ukumzuma ngembumbulu. Okokoko waphanda eli tyala usoloko engahambi
yedwa.’ Iza kulibazisa into yexhwele. Ufuna umpu phakathi kwamehlo qha lo Mapheza,’
watsho uThantaswa.
‘Ndicinga ukuba lilinge lokugqibela elo, Thanti. Umfezeko inye imini yakhe, yimini ekuya 10
kungcwatywa ngayo uHlomlani. Ukuba uSiphongo angandinika umalingatshoni,
ngokwenene loo mini ingatshona naye uMfezeko, watsho uMfuneko.
‘O unyanisile Mfuneko, kuba nabantu baya kucingela ukuba udliswe ngabapheki okanye
unikwe ipleyiti ebingezi kuye, watsho ngaloo ndlela wasweleka,’ watsho uThantaswa
owayesele elivuyela eli cebo likaMfuneko. Umfuneko uphumile kancinci emxholweni 15
wathetha enye into abesel’ eyilibele uThantaswa. “Ungalibali kaloku ngomso, Thanti,’
watsho uMfuneko emjongile. “Ndingalibali ntoni? Wabuza esithi xhungu uThantaswa.
“Ubungathanga ngomso uza kudibana kwenye ihotele noMnumzana Mdlambila? Kanene!
Undincedile Mfuneko, uyayazi?’ Kaloku uMfuneko walivuma icebo lokunyoba uMdlambila.

7.6 Chaza umkhutyana odibanisa uNqoza noMfuneko nesiphelo sawo kule noveli. (2)

7.7 Khankanya ibeNYE inkawu edliwa ilila kule noveli. Cacisa isizathu sokuba utsho. (2)

7.8 Nika zibeMBINI izinto ezikwisicatshulwa ezidiza ukuba ibali lale noveli liqhubeka
ngala maxesha okhanyo. (2)

7.9 Chaza ukuba esi sicatshulwa siwuvelise njani umxholwana wokungcatshana

esipoliseni. (2)

7.10 Cacisa ukuba esi sicatshulwa sibaphuhlisa njani ngabanye ukuba uMfuneko
noThantaswa bawalandele amagama abo. (2)

7.11 Khawunike uThantaswa izilumkiso zibeziBINI ngoMfuneko wale noveli. (4)

[25]

Akuvumelekanga ukufotokopa eli phepha Tyhila iphepha

14 ISIXHOSA ULWIMI LWASEKHAYA P2 (EC/SEPTEMBA 2022)

UMBUZO 8 (UMBUZO OSISINCOKO SONCWADI)

NYANA WAM! NYANA WAM! – WK TAMSANQA

Xoxa ngendima esiyidlalileyo isazela ekukhuleni kobufundisi bukaThole kule noveli. [25]

Ubude bempendulo ecwangciswe ngokukuko mabube ngamagama angama-

340–390.

UMBUZO 9 (UMBUZO OMFUTSHANE)

NYANA WAM! NYANA WAM! – WK TAMSANQA

Funda ezi zicatshulwa zenoveli zingezantsi, wandule ukuphendula imibuzo

elandelayo.

ISICATSHULWA C

“Sukelani eAlbert Street ecaweni ukuba nifuna ukumbona.” Batsho beqinisa ukuya
kungena ezimotweni zabo beqhumisa uthuli ukulandela, enjenjalo amapolisa
ukukhwaza sele efumene indlela yokuchitha abantu. Wavakala nombhobho
wokukhwaza usitsho,’ Akakho apha umkile! Sukelani e-Albert Street ecaweni
yamaWesile!” 5
Hayi yayinguwashiywa ukuya ezimotweni nasezibhasini, yayilukrozo iimoto ukusuka
eKempton Park apho iJan Smuts ikhona ukuya kuqabela eRhawutini.
Ngomzuzwana omncinci kwakhala ibhungane esikhululweni eJan Smuts kodwa
abanye basala beziindwane belimele kukuxovulwa ngabanye. Isihlanu sona itshoba
lalala umbethe, yathutha ithuthile inqwelo yezigulane ukusa esibhedlele. Akuzanga 10
kube kudala befikile Albert Street lazala lema ngeembambo elo holo laseWesile
abantu bengena benga bayagityiselwa besukela iindawo zokuhlala. Wayelapho
umfundisi uMaqoma waseNxukhwebe noShepherd weDike lodumo. Kuthe emva
kwezithethi ezibini nezithathu ezithe zathetha waphakama umbambi-ntambo wathi,
‘Ke mzi wakowethu sibulela ubukho booyise balo mntwana phakathi kwethu ngale 15
mini, phakamani banibone abantu befundisi.’
Zaphakama ezi ndedeba zombini zihleli ndaweninye zanqwala kunye ngeentloko
zibulisa eso sihlwele. ‘Uphuma ezandleni zala madoda lo mfana singaye apha’
watsho ebukhomba. ‘Ke mawethu’, uqhube watsho umbambintambo, ‘ndicinga ukuba
soba siphambukile emgceni ukuba asinakukhe sinikele komnye wabo akhe enze 20
amazwi.’ ‘Wabonakala uMfundisi uShepherd ekrweca uMfundisi uMaqoma ukuba
athethe.’

9.1 Chaza ukuba babengooyise bakasingaye njani abaphakanyiswayo. (2)

9.2 YINYANI/BUBUXOKI ukuba uThole wayengumfundisi ophume izandla?

Xhasa impendulo yakho. (2)

9.3 Khankanya isohlwayo asinikwe ngumbhali uThemba ngezenzo zakhe kule

noveli. (1)

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 15

9.4 Ingaba le noveli inika umelo oluhle lwezimo zabefundisi? Xhasa impendulo yakho. (2)

9.5 Chaza zibeMBINI iindlela ezahlukeneyo ezidubulise isazela sikaThole kule noveli. (4)

KUNYE

ISICATSHULWA D

‘Uyaphupha torwana!’ wamana ukutsho uThozama ebona olo ncumo. Koko kumana
ukumbamba ebunzi ukhe wabonakala esithi xhungu uThozama emondela ngokungathi
ngumntu lo onanto ayiqaphelayo.
‘Yintoni mama!’ wabuza umfundisi esothuka, ephakama esihlalweni sakhe
esondela, ecinga ukuba makube umntu uyaqhawuka. Uthe ukuba asondele 5
umfundisi yamondela inkosikazi yakhe ebusweni yabuya yajonga kweli xhego
yavakala isithi, ‘Papa!’ kaloku ngoku uThozama wayengasatsho ukuthi ‘Bhuti Thole’
kuMangaliso, wayesithi Papa, ‘Mama!’ wasabela watsho umfundisi.
‘Khangela!’ watsho ekhomba isiva esisebusweni exhegweni. ‘Khangela!’ uphinde
watsho ekhomba eso sasisebusweni ku-Mangaliso. 10
‘Ke?’ watsho umfundisi ejonge kuThozama. ‘Isn’t it funny?’ wabuza uThozama
ngesiLungu. ‘What’s funny about a scar?’ uphendule ngombuzo watsho uMangaliso.
Uphindile uThozama waya esinqeni kweli xhego ekhumbula into ebekhe wayibona xa
ebeliphatha-phatha liyoba. Unyuse ihempe kancinci ezantsi kwenkaba wakhombisa
uMangaliso esithi, ‘Khangela!’ 15
‘Ngumkhango lowo,’ watsho uMangaliso engayazi intsingiselo yokuba akhonjiswe
umkhango wexhego.
‘Andithi nawe unawo?’ ubuze watsho uThozama. ‘Ewe ndinawo, ke?’
‘Hayi, Papa maan, niyafana nalo tata, ngaphandle kwezi zinto ndizikhombayo,
ingxam nje le yobuso nguwe kanye,’ wadanduluka watsho uThozama ekhwaza. 20
‘Sh-hh!’ watsho uMangaliso emtsibela embamba emlonyeni efuna angafundekeli
owayelele.
‘Isenokwenzeka into yokufana kwabantu, mama, nokuba abazani, kaloku abantu
bambala-nkomo, …

9.6 Chaza into edibanisa uMangaliso nexhego elikwisicatshulwa uchaze nesiphelo

sabo kule noveli. (2)

9.7 Khankanya abemNYE umlinganiswa osebenzise intetho ethi “Nyana Wam! Nyana
Wam!” kule noveli. Cacisa isizathu sokuba ayisebenzise. (2)

9.8 Nika zibeMBINI izinto ezikwisicatshulwa ezidiza ukuba ibali lale noveli liqhubeka
ngala maxesha okhanyo. Xhasa impendulo yakho. (2)

9.9 Chaza ukuba esi sicatshulwa siwuvelise njani umxholwana wokuzalana

kwabekhaya. (2)

Akuvumelekanga ukufotokopa eli phepha Tyhila iphepha

 16 ISIXHOSA ULWIMI LWASEKHAYA P2 (EC/SEPTEMBA 2022)

9.10 Cacisa ukuba le noveli ibaphuhlisa njani ngabanye ukuba uMangaliso noThozama
bawalandele amagama abo. (2)

9.11 Khawunike uThole izilumkiso zibeziBINI ngabahlobo bakhe kule noveli. (4)
[25]

UMBUZO 10 (UMBUZO OSISINCOKO SONCWADI)

UKHOZI OLUMAPHIKO – N. SAULE

Xoxa ngendima edlalwe kukuphila kokhozi ngaphakathi kuMfazwe kule noveli. [25]

Ubude bempendulo ecwangciswe ngokukuko mabube ngamagama angama-340–390.

UMBUZO 11 (UMBUZO OMFUTSHANE)

UKHOZI OLUMAPHIKO – N. SAULE

Funda ezi zicatshulwa zenoveli zingezantsi, wandule ukuphendula imibuzo elandelayo.

ISICATSHULWA E

Ndakuqaphela ezitratweni ndafika kubhaca wonke umntu, omncinci nomdala,

owesikolo nongengowasikolo. Amabhayi abafazi ayethe naa emoyeni, iimbukuxana
zeentwana ezingekayi sikolweni zithe bhakada bhazalala emgaqweni, zimbi zijweda emva
koonina. Kukho iqela labatshakazana elathi lakubona igquba labafundi lisiza ngakubo,
lazilahla iiemele, laqhawula ukuhlisa isitrato, iilokhwe zathwalwa ziimpundu, iingcondo 5
zaxhola umhlaba. Ndidlule kumakhwenkwe ayencathame ngezindlu ephindisa
ngeembokotho njengokuba amapolisa ayeleqisa nje. Ndingene nam ndachola utshalilanga,
ndagibisela ngamandla, ayimvula amatye ukuya elutshabeni. Belisithi elichaniweyo
liyilahle kude imvubu, libe sisibhene ukubalekela ngasezithuthini. Yasikhuthaza ke le nto,
kuthi apho kuvuleke ithuba khona, zibhonge iimbokotho ukukhawulela amapolisa. Emva 10
kwesidala ingumpu nembokotho, imbokotho nemvubu, kwabakho ipolisa elichanwa
entloko, gqum, geqe phantsi lalutywantsi. Laxwaywa ngabalingane balo, bedudulwa
ngamatye ngamakhwenkwe esikolo, sekungenelele nempi yaselokishini, oomahlalela.
Yathi yakuhlehla eyoonongqayi, ikhatshelwa ngesiphango samatye, ndarhoxa, ndahlaba
ngendlela egodukayo kuba nezithonga zemipu zaziseziyekile, iyimikhwazo efunzayo 15
nengxolo yezinja esavakalayo. Sasiyaluzela isixeko, iyaluzela ingqondo yam. Idabi
lalingaselelolabantwana besikolo kuphela ngoku, sekungenelele wonke umntu wesixeko.
Iintokazi ezimabele made ziyiyizela zisithi eyona mfazwe ifikile. Ithi engakwaziyo
ukugibisela ngembokotho, igibisele isithuko, igqibezele ngelithi, ‘naqhel’ amagwala, imini
yenu yile, ezi zinto zeba imihlaba yoobawo, bulala inja!!' 20

11.1 Chaza utshaba athetha ngalo uMfazwe kwisicatshulwa. (2)

11.2 YINYANI/ BUBUXOKI okukwisicatshulwa okuthi, “ezi zinto zeba imihlaba

yoobawo’? Xhasa impendulo yakho. (2)

Akuvumelekanga ukufotokopa eli phepha Tyhila iphepha

 (EC/SEPTEMBA 2022) ISIXHOSA ULWIMI LWASEKHAYA P2 17

11.3 Khankanya isohlwayo asinikwe ngumbhali uFriday ngesenzo sobumpimpi

abandakanyeke kuso kule noveli. (1)

11.4 Ingaba esi sicatshulwa sinika umelo oluhle lwezimo zabantu abangabahlali? Xhasa
impendulo yakho. (2)

11.5 Chaza zibeziBINI izenzo ezahlukeneyo zesipolisa ezikhulise ubuntliziyolukhuni

kuMfazwe ezikule noveli. (4)

ISICATSHULWA F

Ndithe ukugqiba ndanqula abantu bomlambo ndibacela uxolo ngokubaphazamisa,

ndakuzanelisa ukuba bandivile, ndingenile ndawela, akwenzeka nto. Ndihambe
ndiyithelekelela indlela, ndaya kudlula kwilitye elikhulu awayethethe ngalo uJoma. Ukusuka
apho iMgazi yayingekude kakhulu kodwa ingandithatha iiyure ezimbini ukuya kufika.
Ndifune indawo elikhusi, ndakuyifumana ndahlala ndalinda intsasa. Kuthe kwakuthi qheke 5
ukusa, ndathathisa kwakhona. Xa ndisuka kubekho into ethi mandibheke. Kwibalana
lengca, nankuya laa mthendevu, ulijaja ligazi, uzilenca apha emikhonweni. He madoda!
Yintoni kanye kanye le yenzekayo? Ndazibuza ndijika ndisiya kuwo. Xa ndifikayo, nja
yayiphi. Yingqondo yam endibhanxayo, hayi, andiphazami, bendibona yona! Ndifike apho
ibilele khona ndahlola. Kwakungekho nto ithi kwakukhe kwalala nto engceni. Kanti umntu 10
uqala ngokuthini xa aza kuphambana? Ndahamba ixesha elide kungekho nto yenzekayo
ngaphandle kokothuswa ziintaka neenyamakazana. Ndiyokuqabela iinduli, evelele uMgazi,
wona ubonakala kude phaya, kude kakhulu. Ndithe ndahlala phantsi ndakhupha ufele
lomzingeli kuba kuwo onke la manzithinzithi, ndandingekahlukani nalo. Ndiluvulile, yonke
into yayisahleli kakuhle. Ndaziqhola ngawo onke lawa mafutha, ndahlafuna isijungqe 15
sokugqibela somqwayito ndadibanisa nalaa magqatyana. Ndandisazibona ndifika kwi-ofisi
esesazulwini sedolophu endandiyalathisiwe nguJoma ukuva kwam isithonga sikrazula
intsasa. Ndive ngokunyela komlenze ukuba ndichaniwe.

11.6 Chaza into edibanisa uMfazwe noMgazi uxele nesiphelo sakhe kule noveli. (2)

11.7 Khankanya lubeluNYE ukhozi olumaphiko oluvele kule noveli. Cacisa isizathu
sokuba utsho. (2)

11.8 Nika zibeMBINI izinto ezikwisicatshulwa ezidiza ukuba ibali liqhubeka kula
maxesha okhanyo. (2)

11.9 Chaza ukuba esi sicatshulwa siwuvelise njani umxholwana wenkolo yesiNtu
kuMfazwe. (2)

11.10 Cacisa ukuba esi sicatshulwa simphuhlisa njani ukuba uMfazwe ulilandele igama
lakhe. (2)

11.11 Khawunike uMfazwe izilumkiso zibeziBINI ngoFriday wale noveli. (4)

[25]

Akuvumelekanga ukufotokopa eli phepha Tyhila iphepha

 18 ISIXHOSA ULWIMI LWASEKHAYA P2 (EC/SEPTEMBA 2022)

UMBUZO 12 (UMBUZO OSISINCOKO SONCWADI)

UBUNCWANE BONCWADI LWEMVELI – MMI SWANA

Xoxa ngendima edlalwe kukujongelana phantsi nengoma ukukhulisa umxholo othi

ungabokuwudela umqulu iyadi ungazibalanga kwintsomi ethi; ‘Intsomi yeenyamakazana.’

Ubude bempendulo ecwangciswe ngokukuko mabube ngamagama angama-340–390. [25]

UMBUZO 13 (UMBUZO OMFUTSHANE)

UBUNCWANE BONCWADI LWEMVELI – MMI SWANA

Funda ezi zicatshulwa zoncwadi lwemveli zingezantsi, wandule uphendule imibuzo

elandelayo.

ISICATSHULWA G (Intsomi)

INTSOMI KAKHETSHE NESIKHUKUKAZI

Kwathi ke kaloku ngantsomi, kudala-dala iintaka zaye zithandana, zisendiselana

njengabantu. Ngelo xesha ukhetshe ufike watshata nesikhukukazi, bahlalisana kakuhle,
bathandana oku kusisimanga bada bafumana nabantwana. Kwalile ngenye imini, uKhetshe
wemka esiya kuphandela usapho into etyiwayo eshiya isitshixo sendlu nomfazi. Ekuhambeni
kwendoda isikhukukazi sicinge ngokuya kutyelela isihlobo saso ebesihlala mgama. Kule 5
ngcingane yembutho sihambe nabantwana baso ukuze nabo bafumane ithuba lokuya
kubona ilizwe. Sincokole, sancokola, sancokola nesihlobo eso saso kwahamba ixesha,
kwabonakala ukuba lifikile ixesha lokuba usapho lugoduke. Lufike ekhaya umninimzi
engekabuyi, abantwana beyimfe kukudinwa, belambile wada omncinane woyiswa
kukunyamezela, wazibika kunina. Isikhukukazi sibe ngasikhangela isitshixo sokuvula indlu 10
ukuze abantwana batye, tu ukuvela isitshixo. Sibhuqe, sabhuqa, sabhuqa sada sancama.
Kusenjalo, kwenzeka elona sikizi kuba umntwana wasuka waqhawuka, itshoba lalala
umbethe ngenxa yendlala. Uthe umntwana esandul'ukufa wagaleleka Khetshe, akayibona le
ntlekele wavutha ngumsindo engxolisa umfazi wathetha wenjenje:'Ukususela namhlanje
thina sobabini sahlukene. Kunjalo nje kuya kubanjalo nakwinzala yethu. Ookhetshe baya 15
kubatya abantwana beenkuku kude kuvele esi sitshixo silahlekileyo. Uthe kuba atsho
wabutha konke okwakhe wemka. Okwenene kwenzeka ngokuthetha kwakhe kuba nanamhla
oku ookhetshe basawatya amantshontsho eenkuku. Isikhukukazi sona asikancami kuba
sisaphikelele ukuphanda, siqhwaya emhlabeni nje, sisakhangela esaa sitshixo sikakhetshe
ukuze sixolelane naye, kubekho ibuyambo ukuze abantwana babo bangabi saxhwilwa. 20
Phela-phela ngantsomi.

13.1 Chaza isidingo esisungule iziganeko zale ntsomi. (2)

13.2 YINYANI/BUBUXOKI ukuba iintaka ziyendiselana umthetho wazo njengabantu?

Xhasa impendulo yakho. (2)

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 19

13.3 Khankanya zibeziBINI izohlwayo esizifumanayo isikhukukazi ngesenzo

sokubutha uKhetshe ephangele. (2)

13.4 Ingaba esi sicatshulwa sinika lumelo oluhle ngokwezimo zabantu

ababhinqileyo? Xhasa impendulo yakho. (2)

13.5 Chaza zibeziBINI izenzo ezahlukeneyo zesikhukukazi ezingqina ukuba

akukaxolelwana lolu sapho. (4)

13.6 Caphula naliphi ibinzana umbalisi alisebenzisela ukwenza libelifutshane ibali

lale ntsomi. (1)

13.7 Nika imfundiso efumaneka kwizenzo zikaKhetshe zomsindo kule ntsomi. (2)

Akuvumelekanga ukufotokopa eli phepha Tyhila iphepha

20 ISIXHOSA ULWIMI LWASEKHAYA P2 (EC/SEPTEMBA 2022)

ISICATSHULWA H (UMBUZO OMFUTSHANE)

USILIMELA! Inyanga yokubala iminyaka yobudoda

1. A! Silimela!
2. AmaNdlamb' amatsha!
3. Hay' amaNdlamb' amatsha!
4.. Hay' amaNdlamb' amatsha!
5. Inkos' am, ngumntakaNdluzodaka,
6. Yindod' ezalwa ngabantwana ababini:
7. Izalwa nguMakinana noNopasi.
8. UNopasi yintombi kaMon' umhlophe kaNtshunqe,
9. Umhlophe kaNtshunqe kwaBomvana.
10. NguLuhad' igama lakhe,
11. Umbambo zemka zabuyelela:
12. Ngaphantsi kwelitye kukoyikeka,
13. Kuba zilaph ' iinzwana namadikazi.
…………………………………………………..
14. Bizan' izizwe kuzokwabiwa iinkwenkwezi!
15 Iinkwenkwezi mazabiwe.
16. Nina beSuthu,
17. Thathan' uCanzibe,
18. Niya kwabelana namaTshawana nabaTshophi
19. Nazo zonk' eziny' iintlang' ezinezishuba.
20. Nina bakwaZulu,
21. Thathan' amakroza,
22. Niya kwabelana namaSwazi namaTshophi namaTshangana
23. Neziny' iintlang' ezingamajarha.
24. Nina baseBrithani,
25. Thathan' ikhwezi,
26. Niya kubambana namaJamani namaBhulu,
27. Noko nibantu bangakwaziy' ukwabelana:
28. Nisuka nenz' imfazwe yamaBhulu neyamaJamani.
29. Siza kubambana ngeSilimela thina mabandla kaPhalo,

30. Yona nkwenkwez' enkulu,

31. Kuba yinkwenkwezi yokubal' iminyaka,
32. Iminyaka yobudoda.
33. Ncincilili!
34. Ncincilili!

13.8 Nika zibeMBINI iindidi zeenkwenkwezi ezikhankanywa kwesi sicatshulwa

sesibongo. (2)

13.9 Chaza ukuzalana okuphakathi kwembongi noSilimela okhahlelwayo

ngokwesicatshulwa sesibongo esingentla. (2)

Akuvumelekanga ukufotokopa eli phepha Tyhila iphepha

(EC/SEPTEMBA 2022) ISIXHOSA ULWIMI LWASEKHAYA P2 21

13.10 Xela ibemiBINI imisebenzi yenkwenkwezi iSilimela kumaXhosa

ngokwesicatshulwa sesibongo esingentla. (2)

13.11 Nika zibeMBINI iimpawu zesibongo ezikwesi sicatshulwa sombongo. (2)

13.12 Chaza ingxaki anayo amaBhilitani ngokomqolo wama-27 nowama-28. (2)

[25]

AMANQAKU ECANDELO B: 25

Akuvumelekanga ukufotokopa eli phepha Tyhila iphepha

22 ISIXHOSA ULWIMI LWASEKHAYA P2 (EC/SEPTEMBA 2022)

ICANDELO C: IDRAMA

IMIYALELO

• Kweli candelo kubuzwe imibuzo kwiiDrama ezimbini, ukususela kumbuzo 14

ukuya kumbuzo 17.
• KwiDrama ngaNYE kubuzwe imibuzo EMIBINI; OSISINCOKO SONCWADI
kunye NOMBUZO OMFUTSHANE.
• Khetha umbuzo ube MNYE uwuphendule.

QAPHELA: Xa umviwa ekhethe umbuzo OMFUTSHANE kwiCANDELO B

(kwinoveli/kuNcwadi Lwemveli) KUNYANZELEKILE ukuba
akhethe umbuzo OSISINCOKO SONCWADI kwiCANDELO C
(kwiDrama). Xa umviwa ekhethe umbuzo OSISINCOKO
SONCWADI kwiCANDELO B (kwinoveli/Ncwadi lwemveli)
KUNYANZELEKILE ukuba akhethe umbuzo OMFUTSHANE
kwiCANDELO C (kwiDrama).

UMBUZO 14 (UMBUZO OSISINCOKO SONCWADI)

BUZANI KUBAWO – WK TAMSANQA

Ngqina ukuba iziphumo zokuqweqwedisa ezikule drama zingafundisa ngobungozi

bokubambelela kwizithethe ezidala xa kungenelana amaxesha entlalweni.

Ubude bempendulo ecwangciswe ngokukuko mabube ngamagama angama-

340–390. [25]

Akuvumelekanga ukufotokopa eli phepha Tyhila iphepha

 (EC/SEPTEMBA 2022) ISIXHOSA ULWIMI LWASEKHAYA P2 23

UMBUZO 15 (UMBUZO OMFUTSHANE)

Funda ezi zicatshulwa zilandelayo zedrama uze uphendule imibuzo elandelayo.
ISICATSHULWA I

UMAGABA: Kanti nangoku ukuba bekuthetha mna, bekungekho ntombi yimbi ibiya
kuthathwa nguGugulethu ngaphandle koThobeka. Koko andinakunceda,
abantwana esibazeleyo abasiva, abafuni kwenza nto ithethwa ngabazali,
bafuna ukwenza into ephambi kweengqondo zabo. Yaphela laa nto
yakudala ebethi umfana abonelwe ngabazali umfazi, eve yena selexelelwa 5
intombi amakayizeke. Ithi ukuba yintombi ive sekusithiwa: ‘Ntombi yiya
kwazibaningeshe, sikwendisela khona ngemvisiswano yabazali‘,
kungagqitywanga nayo.
UNOZIPHO: Uwo bawo! Ingathi ndiyabona xa ndinokusiwa entweni, nokuba ineliso
elinye, ndingathandi. Uxela nje nawe Gaba usithi, ‘laa nto yakudala’. Lelinye 10
ixesha eli sikulo ngoku. Amaxesha ngawokhanyo.
UMAGABA: Yiyo ke le nto zinguqulukubhode izinto zale mihla yenu nithi yeyokhanyo.
Oonyana neentombi zabantu ngezi mini bayabhutyuza, abakwazi
abakwenzayo ngenxa yokuba kaloku kubanjwe amasiko asezintlangeni
kwalahlwa awasekhaya. Kanti ke ngoko, zazingekho ezi zinto zenzeka ngale 15
mihla: la manyundululu okuqhawulwa kwemitshato; oku kungevani
koonyana nooyise; oku ngevani koomolokazana nooninazala; zazingekho,
kuba kaloku umtshato ubuyinto ezukileyo, usikelelekile, kuba indlu isekwe
ngabazali, ooThixo bomzi.
Andiyazi le yangoku into ekoze kuthi umntu ezibonele umfazi, ubone kusasa 20
seyilukrozo kusiyiwa edolophini. Yintoni? Kuquqwa ezinkundleni
kuqhawulwa umtshato. Ungazi ke ngoku ukuba umntu seledikwe yintoni na
kwakusasa, ebezibonele nje kaloku into yakhe.

15.1 Chaza uThobeka okule drama. (2)

15.2 YINYANI/BUBUXOKI uluvo lukaMagaba olunomgca ngaphantsi ngokwale drama?

Xhasa impendulo yakho.

... abantwana esibazeleyo abasiva, abafuni kwenza nto ithethwa ngabazali,

bafuna ukwenza into ephambi kweengqondo zabo. (2)

15.3 Cacisa unobangela wempixano ekulo mdlalo. (2)

15.4 Le drama iyafundisa ngobuthathaka nesohlwayo esifunyenwe nguMaGaba.

Ngqina olu luvo. (Impendulo mayikhankanye isifundo, ubuthathaka bukaMaGaba
nesohlwayo asifumeneyo.) (3)

15.5 Chaza ngeendlela eziMBINI ukuba kubonakele njani ukuba ibali lale drama
liqhubeka ngamaxesha okhanyo. (2)

15.6 Xhasa okanye uchase uluvo oluthi, ‘... abazali, ooThixo bomzi’ ngokwale drama. (2)

Akuvumelekanga ukufotokopa eli phepha Tyhila iphepha

 24 ISIXHOSA ULWIMI LWASEKHAYA P2 (EC/SEPTEMBA 2022)

ISICATSHULWA J

UNYANISO: Utsho ke umfana zidwesha.

UZWILAKHE: Utsho, ke nina nithini?
UMTHETHO: Noko mna bendivuma mawethu; andazi ke nina nokuba nithini na. Xa
nditshoyo andinqandi luvo lwenu.
UZWILAKHE: Noko ke mawethu xa kunje ndingxamele ukuba liyilo. Ndingxamele 5
ukuba liyilo kanye xa inguwe kanye mfo kabawo Mthetho lo uvumela into
elolu hlobo, usithi umfana makazibonele umfazi akholwe nguye, ibe izolo
oku bekutshata umfana wakho, umfana wakho oyibonelwe nguwe
intombi. Kutheni na nto zakuthi ngathi nifuna ukuwona nje lo mzi
kaBhungane? Lisiko enakha naliva phi elo apha emaHlubini, eli lokuba 10
umfana azibonele umfazi ooyise bekho bengafanga? Ooyise balo mfana
baye phi? Batyhaphake amehlo kusini na? Ukuba kunjalo, yiyekeleni
kum, ndikho mna andikafi; aye la mehlo am asabona omabini akakabi
nkungu. Uza kuxelelwa ndim intombi amakeze nayo kulo wakowethu
umzi, intombi eza kundondla. 15
UNYANISO: Utsho ke uyihlo mfana wam, utsho ezindlebeni kuwe akakubhaleli
engakubetheli ngcingo, nawe uyamva.
UGUGULETHU: Noko bawo andaphuli siko. Ndincede Mthimkhulu, ndincede Ndlebentle,
ndincede Mashwabada ndiyeke ndithathe intombi ethandwa ndim.
UZWILAKHE: Mfana wam mus’ ukuthi akwaphuli siko – utsho ulikroboza. Esi sicelo 20
usenzayo ngoku uthi mandikuncedise saphule isiko lalo mzi
waseMahlubini, into ke leyo endingayingene.

15.7 Chaza isiko ekuthethwa ngalo kwintlanganiso ekwisicatshulwa. (2)

15.8 Intetho kaMthetho ebhalwe ngqindilili imbeka kuliphi icala lempixano ekule drama?
Xhasa impendulo yakho. (2)

15.9 Ngokolwazi lwakho lwebali phawula ngombuzo kaZwilakhe othi,

‘Ooyise balo mfana baye phi? Batyhaphake amehlo kusini na?’ (2)

15.10 Ingaba umbhali wale drama uluchasile ulwaphulomthetho? Xhasa uluvo lwakho
ngokuqwalasela indlela aphetheke ngayo uGugulethu kule drama. (2)

15.11 Ingaba iziphumo zokusebenzisa ulwimi olubhalwe bukekela zahambelana

nenjongo kaGugulethu yokulusebenzisa? Xhasa impendulo yakho. (2)

15.12 Zimfundisa ntoni izenzo zikaThobeka umfundi walo mdlalo? (2)

[25]

Akuvumelekanga ukufotokopa eli phepha Tyhila iphepha

 (EC/SEPTEMBA 2022) ISIXHOSA ULWIMI LWASEKHAYA P2 25

UMBUZO 16 (UMBUZO OSISINCOKO SONCWADI)

INDLAL’INAMANYALA – M. LAMATI

Ngqina ukuba iziphumo zokungakwazi ukuzeyisa ezikule drama zingabafundisa abantu

abakwiimeko zendlala ngokuthatha izigqibo.

Ubude bempendulo ecwangciswe ngokukuko mabube ngamagama angama 340–390. [25]

OKANYE

UMBUZO 17 (UMBUZO OMFUTSHANE)

Funda ezi zicatshulwa zedrama zilandelayo uze uphendule imibuzo elandelayo.

ISICATSHULWA K

UMAGRAZULA: Makusetyenzwe ke ngoku Dlezinye. Ishishini likaMagrazula malibuyele

emgangathweni walo wangaphambili.
UDLEZINYE: Thole lesilo, lisisilo ngokwalo! Ndiyakuva nkosi yam. Mna ndisisicaka
senkosi yam esithembekileyo nje, ndiya kwenza loo nto iNkosi yam ithi
mandenze yona. 5
UMAGRAZULA: Nantso ke into efunwa nguMagrazula kwisicaka sakhe: intembeko,
ukuzithoba, ukululama, nokukhuthala.
UDLEZINYE: Ndabezitha! akukho nalunye uphawu endisilelayo ngalo kwezi uzibalayo.
UMAGRAZULA: Phulaphula ke Dlezinye.
UDLEZINYE: Mhlekazi! 10
MAGRAZULA: Kule ntlanganiso ibiseThekwini, sifikelele kwizigqibo zokuba sikhe siziyeke
iintloko ezi kuba zisuke zanomjojo omninzi. Siza kukhe sisebenze
ngeentsana ngoku.
UDLEZINYE: Thole leduna!
UMAGRAZULA: Sifikelele kwezo zigqibo ke kuba sicinga ukuba iintsana ziza lula 15
kuneentloko.
UDLEZINYE: Umdala Magrazula! Akuyontanga yabantwana!
UMAGRAZULA: Zaye ke iintsana ziya kuthwaleka lula kuneentloko. Kaloku akukho mntu
unokukukrokrela xa uzibelekele usana lwakho.
UDLEZINYE: Ingathi uhlabe ukhangele Mhlekazi. 20
UMAGRAZULA: Ingxakana nje esinayo yile yokuba, kuza kufuneka sisebenzise abafazi,
izinto ezingenasibindi ke ezo, kuba kaloku indoda ebeleke usana iya kusuka
idule okwebhokhwe ehlungwini.
UDLEZINYE: Ndifuna nje ukukulungisa kule ndawo yabafazi nezibindi Mhlekazi. Abafazi
banezibindi ukufa, nto nje abafuni ukuba iqondwe loo nto. 25
UMAGRAZULA: Nto endiyifunayo ke ngoku Dlezinye kukuba uye kundifunela aba bafazi
baza kusiphathela ezi ntsana.

Akuvumelekanga ukufotokopa eli phepha Tyhila iphepha

 26 ISIXHOSA ULWIMI LWASEKHAYA P2 (EC/SEPTEMBA 2022)

17.1 Chaza umlinganiswa onguMagrazula okule drama. (2)

17.2 YINYANI/BUBUXOKI ukuba uMagrazula akakhangelwa nokukhangelwa

ngamapolisa ngemikhuba yakhe eqhuba kule drama? Xhasa impendulo yakho. (2)

17.3 Cacisa unobangela wempixano ekulo mdlalo. (2)

17.4 Le drama iyafundisa ngobuthathaka nesohlwayo esifunyenwe nguMaGatyeni.

Ngqina olu luvo.
(Impendulo mayikhankanye isifundo, ubuthathaka bukaMaGaba nesohlwayo
asifumeneyo.) (3)

17.5 Chaza ngeendlela eziMBINI ukuba kubonakele njani ukuba ibali lale drama
liqhubeka ngamaxesha okhanyo. (2)

17.6 Xhasa okanye uchase uluvo olungezantsi ngokwale drama.

‘Zaye ke iintsana ziya kuthwaleka lula kuneentloko. Kaloku akukho mntu

unokukukrokrela xa uzibelekele usana lwakho.’ (2)

ISICATSHULWA L

UDLEZINYE: Ngxatsho ke! Uya kuba sesiya singawothiyo umlilo sona isityebi esi
ukuba uthe wenza njengoko ndiza kukuyalela ngako.
UMAMQHINEBE: Ndiya kuyenza yonke into oya kundiyalela yona bawo.
Ubuhlwempu asiyonto ungayipha mntwak’ anyoko. (Kungena
uMaGatyeni). 5
UMAGATYENI: Nkqo nkqo!
UMAMQHINEBE: Yima apho phandle MaGatyeni! Mus’ ukungena maan! Ndithe kuwe
yima apho phandle!
UMAGATYENI: Awu! Kutheni na namhlanje mfazi, wandimisa phandle? Konakele phi?
UMAMQHINEBE: Awunakuzazi zonke izinto eziqhubeka kule mizi yonke MaGatyeni, 10
njengoko nathi singenakuzazi zonke izinto eziqhubeka phaa kwakho.
UMAGATYENI: Hay’ uxakanisekile mpela namhlanje mfazi. Noko ke ndicela uxolo
ukuba ndikuhambele ngexesha elibi.
UMAMQHINEBE: Ndixakekile aph’ endlwini MaGatyeni. Thetha le nto uyihambeleyo
sikhululane. 15
UMAGATYENI: Hayi Qhinebe bendicela nje nokuba yikomityi yemilimili. Kunzima kula
mzi.
UMAMQHINEBE: Kowu MaGatyeni! Sowuyenze ntoni la mali ubuyenze edolophini izolo
oku?
UMAGATYENI: Ndihlawule ngayo amatyala mfazi. Kaloku ndibolile ngamatyala. 20
UMAMQHINEBE: Yim’ apha ke ndiyeza. Ungenzi enye into ke ngaphandle kwale
ndikuxelela yona yokuba yima apha.

Akuvumelekanga ukufotokopa eli phepha Tyhila iphepha

 (EC/SEPTEMBA 2022) ISIXHOSA ULWIMI LWASEKHAYA P2 27

UMAGATYENI: Hayi ndivile mfazi. Andinakukhe ndilinge ndizame ukwaphula umthetho

wakho. (Angene endlwini uMamQhinebe, ashiyeke uMaGatyeni
ethetha yedwa.) Konakele phi na. UMamQhinebe andizange ndimbone 25
eziphethe ngolu hlobo aziphethe ngalo namhlanje. Yintoni le inkulu
kangaka bethu ayifihlayo lo mfazi? Ikho ko ...

17.7 Chaza ubuhlwempu nobunzima abathetha ngabo oomama kwisicatshulwa. (2)

17.8 Intetho kaMamQhinebe ebhalwe ngqindilili imbeka kuliphi icala lempixano ekule
drama? Xhasa impendulo yakho. (2)

17.9 Ngokolwazi lwakho lwebali phawula ngokunyebelela uDlezinye anyebelela ngako

uMamQhinebe xa athi;

‘Uya kuba sesiya singawothiyo umlilo sona isityebi esi ukuba uthe wenza njengoko
ndiza kukuyalela ngako.’ (2)

17.10 Ingaba umbhali wale drama uluchasile ulwaphulomthetho? Xhasa uluvo lwakho
ngokuqwalasela indlela aphethe ngayo uMaqhikizane kule drama. (2)

17.11 Ingaba iziphumo zentobeko kaMaGatyeni kuMamQhinebe esikrobisa kuyo intetho

yakhe engezantsi zahambelana nenjongo yokuphelisa indlala kwakhe? Xhasa
impendulo yakho.

‘Andinakukhe ndilinge ndizame ukwaphula umthetho wakho.’ (2)

17.12 Bumfundisa ntoni ubomi bukaSiqhiwu kule drama umfundi wayo? (2)
[25]

AMANQAKU ECANDELO C: 25
AMANQAKU EWONKE: 80

Akuvumelekanga ukufotokopa eli phepha Tyhila iphepha