Bûn-ha̍k
| 這篇文章有漢字兮版本。 參考這篇文章兮漢字版本。 |
Bûn-ha̍k sī bó͘-mí-khoán gí-giân, sî-tāi, ia̍h-sī bûn-hoà téng-téng, 1-ê khak-tēng ê kûn-thé siá-chok ê chok-phín chóng-hō-miâ. Tùi thoân-thóng ê kak-tō͘ lâi kóng, bûn-ha̍k hō͘ lán ē-tàng liáu-kái bó͘-chi̍t-tīn lâng (he̍k-sī kóng bîn-cho̍k) ê kè-ta̍t-koan kap hèng-chhù. Chiâⁿ chē lâng kā bûn-ha̍k tòng-chò ha̍k-si̍p pa̍t-hāng bûn-hoà ê siōng-hó ê hong-sek ê chi̍t-chióng.
Bûn-ha̍k mā-sī ū chhúi-sióng ia̍h chhòng-chō-sèng ê siá-chok ê ì-sù, tùi chit-tiám lâi kóng, tō khah káng-kiù bûn-ha̍k ê gē-su̍t kè-ta̍t.
Nā chiàu se-kok ê hun-lūi, it-poaⁿ hun-chò sàn-bûn, hì-kio̍k kap si 3 toā-lūi, sàn-bûn lāi-té, pau-koat siáu-soat kap hui-siáu-soat 2-lūi. Tī bó͘-chi̍t-koá hun-lūi hong-sek--ni̍h, mā kā kháu-thoân--ê sǹg-chāi-lāi, hō-chò kháu-thoân bûn-ha̍k. Lēng-goā mā ū koh-khah iù ê pō͘-lūi, chhin-chhiūⁿ sú-si (epic), thoân-soat (legend), sîn-oē, bîn-kan koa-iâu (ballad), pah-khoán khoán-sek ê kháu-thoân si, kap bîn-kan kò͘-sū téng-téng.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |