李大釗

李大釗（1889年10月29號—1927年4月28號），字守常，中國河北唐山人，中國最早嘅馬克思主義者同共產主義者之一，係中國革命家，同埋中國共產黨嘅創黨人，亦係第三國際响中國代理嘅成員。喺中國有好重要嘅影響，同陳獨秀一齊俾人叫做南陳北李。

李大釗
個人資料
出世	光緒十五年十月初六（1889年10月29號） 大清直隸省樂亭縣
死	1927年4月28號(1927-04-28)（37歲） 中華民國京兆地方
墓地	中國北京市海淀區李大釗烈士陵園
國籍	中華民國
政黨	中國共產黨
其他政黨	中國社會黨 （1913年）  中國國民黨 （1923年–1927年）
配偶	趙紉蘭
仔女	大仔李葆華、大女李星華、細女李宴華
母校	北洋法政專門學校 早稻田大學政治科
宗教信仰	冇

李大釗

1913年至1917年，佢喺日本嘅早稻田大學讀書，1918年就喺北京大學圖書舘做主任，同時做埋經濟、歷史等系嘅教授，培養學生獨立自主、開放進步嘅思想精神，呢種思維同精神成為咗五四運動嘅重要力量。1921年6月3號喺新華門總統府請願嗰陣，俾人刺刀拮傷個頭。同年7月23號到7月30號，同埋8月2號，佢有事所以冇參加到响上海同嘉興舉行嘅中國共產黨第一次全國代表大會。1923年6月12號到6月20號，佢出席咗喺廣州開嘅中國共產黨第三次全國代表大會。1924年1月20號到1月30號，佢又出席咗喺廣州召開嘅中國國民黨第一次全國代表大會。1925年1月11號到1月22號喺中國共產黨第四次全國代表大會入面，被選做中央執行委員。1927年4月6號响北京嘅蘇聯大使館俾奉系軍閥阿頭張作霖捉咗，4月28號俾張作霖殺埋。

1989年蘇聯出版嘅李大釗郵票

2009年7月20號至8月10號李大釗俾全國「雙百」評選揀咗做100個為新中國成立作出突出貢獻嘅英雄人物之一。