煒烈（英文：Willie Lau，1951年12月29號—），原名劉永偉，出道初期藝名韋烈，係香港男演員，而家係無綫電視基本藝人合約藝員。佢1974年參加第三期無綫電視藝員訓練班而入行，之後加入麗的電視同亞洲電視，除演員外亦有做導演同武術指導工作。佢曾經體重去到二百一十磅，之後為咗追女仔成功減咗38磅。[1]2015年佢用特約演員身份幫無綫電視拍劇，2016年正式做合約藝員。
