矛盾（粵拼：maau4 teon3；英文：contradiction），又叫衝突、抵觸，係指邏輯上一個人講嘅嘢或行動出現衝突嘅情況。
《韓非子》有個故仔：古代有個賣矛同盾嘅人，喺其他人面前推銷自己嘅貨品。佢舉起盾話：「我嘅盾係全世界最硬淨嘅，冇嘢可以拮得穿佢。」跟住又拎起長矛話：「我嘅長矛係全世界最鋒利嘅，乜嘢都可以拮得穿。」有人聽咗之後就反問佢：「噉用你呢支最鋒利嘅矛，去拮你呢個最硬淨嘅盾又會點？」嗰個人呆咗一陣，唔識答。
