科拉桑
瑪莉亞·科拉桑·「科莉」·許寰哥·阿基諾（其實應該叫做「瑪莉亞·許娜桑·「科莉」·許寰哥·阿基諾」，因為佢閩南話個名叫許娜桑（Corazon））（Maria Corazon "Cory" Cojuangco Aquino，1933年1月25號—2009年8月1號），華文媒體通常簡稱阿基諾夫人[3]，係第11任菲律賓總統，亦係菲律賓同埋亞洲嘅第一位女總統，1986年至1992年在位。科拉桑出身富裕嘅「許寰哥」華裔家庭，祖先來自中國福建泉州府同安縣鴻漸村（現屬漳州龍海市）[4]；結婚之前嘅名叫Maria Corazon Sumulong Cojuanco；[5]，曾經自稱係一位「普通嘅家庭主婦」[6]。
| 科拉桑·阿基諾 Corazon C. Aquino | |
|---|---|
 | |
| 第11任菲律賓總統 | |
| 任期 1986年2月25號－1992年6月30號 | |
| 總理 | 薩爾瓦多·勞威爾[1] |
| 副總統 | 薩爾瓦多·勞威爾 |
| 前任 | 費迪南德·馬可斯 |
| 繼任 | 菲德爾·拉莫斯 |
| 個人資料 | |
| 出世 | 1933年1月25號 美屬菲律賓丹轆省巴尼基 |
| 死 | 2009年8月1號（76歲） 菲律賓馬尼拉馬卡蒂醫院[2] |
| 政黨 | 菲律賓民主黨-人民力量/自由黨 |
| 配偶 | 阿基諾 |
| 仔女 | 阿基諾三世（排第三）、姬絲·阿基諾（排最尾，即係排第五） |
| 職業 | 家庭主婦、政治人 |
| 宗教信仰 | 羅馬天主教 |
| 簽名 |  |
生平
編輯科拉桑1933年菲律賓丹轆省出世。太爺許玉寰，人哋叫佢做許寰哥。1861年由福建移民到呂宋，同當地女子結婚，係皈依天主教，教名「荷西」，人哋叫佢做「荷西·許寰哥」，從此「許寰哥」（Cojuangco）成為佢家族嘅姓。
科拉桑喺屋企排第六，十三歲嗰陣去美國讀書，1953年返去菲律賓，曾經喺菲律賓遠東大學讀一個學期書。
婚姻生活
編輯科拉桑22歲同時任Concepcion市長嘅阿基諾結婚，結婚之後生落咗四女一男，包括1960年生咗個仔阿基諾三世（排第三）。後尾阿基諾當選參議員，並逐漸成為對抗時任菲律賓總統馬可斯獨裁貪腐統治嘅阿頭，阿基諾曾經喺1972年參議員任內被人拉咗坐咗監。由於呢件事，1980年阿基諾夫婦被逼流亡美國紐約。
1983年8月21號，阿基諾夫婦結束喺美國嘅流亡生活返菲律賓，但阿基諾就喺眾目睽睽下喺馬尼拉機場遭到刺殺喪生，一般認為係總統馬可斯唆使。件事惹起反對勢力嘅群情激憤，而無政治經驗嘅科拉桑成為咗大眾嘅焦點，凝聚咗反對馬可斯統治嘅人。
1986年大選
編輯由於國內對馬可斯嘅不滿，菲律賓提前喺1986年2月7號舉行總統選舉。喺呢次總統大選，科拉桑獲得天主教樞機主教辛海棉以及反對派嘅推薦競選總統一職，雖然選舉結果顯示馬可斯贏出，但喺來自全國各地嘅選舉舞弊投訴紛至沓來，馬可斯喺2月15號自己宣布當選；最後由參謀副總長羅慕斯同埋國防部長安里爾出面話「尊重選舉結果」之下，人民開始喺街頭進行反馬可斯集會，發起「人民力量革命」。2月24號，馬可斯透過電視台宣布全國進入緊急狀態。同時美國政府喺壓力之下都要求馬可斯落臺。2月25號馬可斯上晝自己宣布就職，中午12點前往總統府馬拉干鄢宮，當日夜晚群眾包圍馬拉干鄢宮，9點喺美國駐菲大使館安排下馬可斯搭直昇機離開馬拉干鄢宮，經關島流亡至夏威夷。科拉桑正式就任總統，重即刻得到當時列根嘅美國政府承認。
科拉桑當選嗰陣承諾：
- 制定新憲法（大致係恢復馬可斯修憲前嘅憲法）
- 改革政治、肅貪
- 改善經濟、破除政商勾結特權、爭取美國經濟援助
- 以溫和立場反共：科拉桑將試圖進行談判，甚至實行大赦[7]
總統任內，科拉桑成功制定咗新憲法，總統任期由四年延至六年，但係唔可以競選連任；但係經濟改革就唔係咁成功。1992年卸任嗰陣，菲國經濟增長率係0.3%，就係當時亞洲比較落後嘅經濟體之一，任內呂宋島火山爆發。
共產黨關係
編輯科拉桑曾經同菲律賓共產黨新人民軍和平講數，但係共產黨所要求嘅停止美國軍事同經濟援助以及土地改革，同科拉桑政府嘅經濟政策有好大嘅出入。另一方面，菲律賓國軍部分軍官因為反對和平講數同埋其他原因，曾經喺1987年8月28號發動政變。叛亂軍人攻入總統府，科拉桑個仔阿基諾三世嘅三個保鏢都中槍死咗，阿基諾三世都身中五槍，好彩冇死，政變雖然未成功，但係對共產黨和平講數因為咁就停止[8]。1989年又有一次未成功政變。科拉桑總統任內總共經歷八次政變。
卸任後
編輯1992年科拉桑卸任，由拉莫斯將軍接任。科拉桑卸任後仍然有參加政治活動。1997年，拉莫斯企圖修憲將國家由總統制改為內閣制，科拉桑同辛海棉喺9月21號發動60萬人反修憲遊行，結果拉莫斯表態唔會競選連任。1998年總統大選，科拉桑同辛海棉支持自由黨華裔候選人林雯洛，結果落選[9]。2001年1月，柯拉蓉再次參與政治活動，結果總統埃斯特拉達被迫落臺。
榮譽博士
編輯病逝
編輯
2008年3月24號科拉桑證實患上第四期結腸癌，喺第二日起接受化學治療，2009年8月因為癌症導致心臟同埋呼吸系統衰竭病逝[11]。
參考
編輯- ↑ 1986年3月25日根據第3號總統令廢除此職務
- ↑ 領導菲律賓人民力量 推翻獨裁政權 科拉桑逝世 互聯網檔案館嘅歸檔，歸檔日期2010年1月11號，.，蘋果日報，2009年8月2日
- ↑ 〈菲律賓前總統阿基諾夫人逝世 生前曾去福建尋根〉。多維新聞。原著喺2014-05-12歸檔。喺2010-05-29搵到。
- ↑ 〈阿基諾總統"回娘家"〉。原著喺2013年6月18號歸檔。喺2016年5月28號搵到。
- ↑ 〈福建漳州鸿渐村迎接菲律宾总统到访〉。喺2011-09-02搵到。
- ↑ Template:Cite speech
- ↑ 張明德。《舉世矚目的菲律賓政局》。《問題與研究》。25:6。1986年3月。頁1-10。
- ↑ 羅石圃。《菲律賓「八二八」兵變及其影響》。《問題與研究》。27:2。1987年11月。
- ↑ 陳鴻瑜。一九九八年菲律賓總統大選。《問題與研究》。37:9。1998年9月頁31-44+89。
- ↑ 〈亞基諾．科拉桑 - 檔案 - 名譽博士學位畢業生 - 香港大學名譽博士學位畢業生〉 (繁體中文)。香港大學。
- ↑ 菲律賓前總統阿基諾逝世 互聯網檔案館嘅歸檔，歸檔日期2012年4月20號，.，商業電台，2009年8月1日 06:02 (UTC+8)
出面網頁
編輯
