衙前圍
衙前圍（英文：Nga Tsin Wai），亦稱衙前圍村（Nga Tsin Wai Tsuen），亦叫衙前（Nga Tsin）、衙前圍鄉、慶有餘，係香港一地，亦係一村，喺新九龍，地介九龍寨城同蒲崗之間。家下村畀東頭邨包圍，係九龍古村，面臨湮沒。其西南係九龍寨城，南係城南，東北過涌係隔坑，遠啲係蒲崗，北係石鼓壟，西北係打鼓嶺。
舊時衙前有涌出自打鼓嶺、石鼓壟，今已變渠。日治時化爲今彩虹道明渠。隔渠之地，是爲新蒲崗。
衙前塱有衙前圍道，不過遠離衙前圍，只因衙前塱地街名，皆以九龍村名而名。
衙前圍一帶，有東頭邨、摩士公園。
名
編輯屋宇
編輯衙前圍外牆，查實係屋嘅外牆，連成一綫，抵抗外敵。與一般另加圍牆唔同。圍內族譜，村起喺一五七零年到一五七四年間，有四百多年之久[1]。
史
編輯
衙前以陳、吳、李三氏為主，自南宋後遷到現址，大元時一三五二年立村，定名衙前，多年以捕魚為生。大清海禁令，迫於棄村，至一七二四年，始重建家園。
舊日近九龍灣，尚未填海，今新蒲崗地，是爲啟德濱，乃填海而成。由於靠海，時受海賊洗劫。村加外牆以抵賊。村央天后廟，立於十八世紀，或更早。圍正門有「慶有餘」牌扁，傳爲皇帝所賜，不可考。
舊日有謂衙前圍鄉，合衙前圍七約，卽衙前圍、沙埔、衙前塱、隔坑、石鼓壟、打鼓嶺、大磡，結成一鄉，以保家園。鄉以衙前圍爲首，故名。各村先後遭拆，只餘衙前。
香港日治時期，日軍擴建啟德機場，曾下拆毀衙前，村民游說，幸保不失，然要拆牆拆炮，古樹遭砍。期後外姓人遷入村，村民得屋邨單位而遷離搬離，村自始沒落。
斥村置樓
編輯衙前地處九龍，為政府及地產商虎視眈眈。二十世紀六十年代，香港政府商討清拆，徵衙前作徙置區，另徙村到荃灣，村民反對，告到倫敦高級法院而勝訴。
一九八二年始，香港地產商長江實業，逐一收購村屋，但部分居民不肯遷出，村有歷史價值，應予保留。此後，公司買百年古屋，一一拆毀，村內遂有空地仔，僅包以鐵皮。古屋乃排屋，屋屋互倚，互相支撐，以保持平衡。一屋拆，另一屋就不穩。由於前途未卜，居民唔想使錢大修，古屋因而倒榻，幸未有人命傷亡。
衙前面積四千六百卅七平方米，打算再起商住之用，住宅樓面三萬四千七百廿八平方米，商用七千零九平方米，休憩五百七十平方米。
地區人士早喺二十世紀八九十年代，要求政府研究衙前古物。一九九九年十一月，古物諮詢委員會，支持政府拆建衙前圍，交畀土地發展公司重建，委員會多次視察，村內房屋，好多已經重建，城牆、護城河同吊橋，亦早已失。另外，諸多屋宇失修，面貌頹敗。原址保留，並不可行。建議香港政府喺拆卸前，考古救亡，湮滅前，值得留嘅文物都留落來。；日地產商要同村影相繪圖，以作記錄之用，並要求原址保留大部分古屋。
不過，英國史學家夏思義，九龍只留低咗兩處古村，一為侯王廟，一爲衙前圍，呢條係市區最後一條圍村。雖然衙前圍無靚樓，屋細路窄，正正咁要保留，留低英國佔領九龍前，該區原本面貌。二零零一年八月，黃大仙區議會以保留古蹟為由，反對重建，要求古物諮詢委員會重新檢討，但委員會重申村內九成以上屋宇，非並非原有，毋須整條保留，只建議留天后宮古廟及牌坊。
2003年1月，時任房屋及規劃地政局局長孫明揚指，衙前圍畀發展商收購同拆咗，剩低都支離破碎，不值保留。話唔係政府唔想做，但家下無(保護古蹟)政策，現實環境發生咗。」
2006年10月，原有一百廿五間屋，有卅幾戶未賣，餘低畀長江實業同港府收購。前村長吳九，多年來拒絕賣屋，最終亦以二百二十萬元賣畀長江實業，無耐二零零五年十二月病死。現時，地產商長江實業，有衙前八成業權[2]。
2013年，市建局出收樓令，要求村民喺5月22號之前好搬走。到2016年，剩低嘅2個村民都終於都搬出埋。
2018年，市建局公佈喺圍村地底搵到圍牆同更樓遺蹟，重會擴大挖掘範圍，所以重建計劃唔會開工住。
習俗
編輯自一七二六年起，衙前圍十年一次太平清醮。全盛時期，該醮會由七村（即七約）合辦，有神功戲、巡遊、拜神，全村齋戒，巡遊由新蒲崗一直遊到土瓜灣木廠街，一度係九龍大典。一九九六年第廿八屆醮會，當時居民籌得約七十萬港元，多項傳統仍得以保留。
二零零六年，第廿九屆，因拆卸在即，一度決定停辦醮會，後尾重建一再拖延，居民遂決定在十二月九號打醮兩日，係咁多年來最細。大會舉辦舞龍及齋菜，至於神功戲、唸經等醮會傳統，統統唔做，嗰陣時啲村民都以為係最後一次搞。
-
村民打醮傳統最少三百年，十年一醮 -
二零零六年打醮原本要取消，雖然最後可維持，但規模係幾百年以來最細
二零一六年，第三十屆，經多方努力卒之搞成。舊陣時打醮喺村口慶有餘牌樓前邊搭棚，第三十屆嗰陣衙前圍嘅村民都搬走晒，條村都被市建局圍封埋，所以搬咗入至德公立學校個禮堂同操場搞。仲要同市建局申請先可以提早喺村內搞上頭表、二表及三表等嘅儀式。
參考
編輯- 文獻
- 衙前圍村陳、吳、李三姓族譜
- 黃大仙區議會地方誌
- 衙前圍村拆卸重建 委員建議保留部分古屋 天天日報 1999-12-09
- 網站
睇埋
編輯出面網頁
編輯
- 衙前圍村最後獅舞 明報，2006年10月30日
- 1726年首次太平清醮 明報，2006年10月31日
- 市建局正式啟動衙前圍村項目市建局新聞稿，2007年10月2日