譚江柏（1911年11月27號—2006年3月16號）係1930年代中華民國足球代表隊成員，外號「譚銅頭」、「譚火仔」，出道初期司職前鋒，後尾改踢後衛。佢效力過南華足球隊、星島體育會、九龍巴士足球隊等香港甲組足球聯賽球隊。2006年3月16號朝頭早七點幾因身體器官功能衰竭喺養和醫院病逝，終年95歲。
譚江柏結過兩次婚，元配夫人朱偉勳，第二任老婆陳珍妮。佢同第二任老婆生子譚詠麟。
