GIF

一幅 GIF 圖像顯示自轉緊嘅地球

GIF（全名 Graphics Interchange Format）係一種 2 或者 8 位元點陣圖嘅圖像檔案格式；由美國 CompuServe 公司發明，1987年推出，喺 BBS 流行期間流行，當時出名檔案細、冇損（lossless）、支援透明同支援動畫，當時網絡速度慢，檔案細大過天，一般用家以為好過 JPEG。

同一般圖像格式唔同，GIF 嘅 8 位元格式入面，像素入面代表顏色嘅數字並唔係 RGB 值，而係一個 8 位元嘅索引值，即係一個 0 至 255 嘅顏色代碼，而每個代碼實際上代表乜嘢顏色就係由唥（lang3）住一嘅張表寫明，爾個係點解 GIF 得 8 位元，但係可以睇落好似畫質好好咁。用咁嘅方法表示顏色，唔用透明可以表示最多 256 隻色，用埋透明就最多 255 隻；每隻色嘅 R、G 同 B 值亦都只係 8 位元。

GIF 另外有一種 2 位元嘅格式，即係純黑白或者黑色加透明地dei2，係少數仲有主流軟件支援嘅 2 位元格式。

喺2020年代，GIF 主要係喺互聯網當動畫用。

取代

喺互聯網開始流行之後，啲人逐漸發現佢嘅獘端，尤其係相對於 JPEG，GIF 可以表示嘅顏色其實非常之少，更重要嘅係佢當時仲受制於專利，技術上唔可以自由用，於是設計咗 PNG 取代佢嘅透明功能同 MNG 取代佢嘅動畫功能，但係結果淨係得 PNG 有人用；雖然 MNG 未能普及，但係到咗廿一世紀初，已經有好多第啲圖像檔案格式都支援動畫。

睇埋

• 電腦圖像詞彙表