Arnold Schwarzenegger
| Der Artikl is im Dialekt Stod-Soizburgarisch gschriem worn. |
Arnold Alois Schwarzenegger (* 30. Juli 1947 in Thoi, Steiamork, Östareich) war vo Oktoba 2003 bis in Jenna 2011 da 38. Guvernär vo Kalifornien (Vaeinigte Stootn).
Bis zu seina politischn Karrier isa a intanazional bekonnta Füimschauspiela gwesn, der vur oim durch de Terminatorfüm bekaunnt woan is. Ana vo seine berühmtesten Sprüch is: I'll be back! (boarisch: I kumm wieda!) Er is aa vüi Joar da intanazional erfuigreichste Bodibüda gweisn, u. a. a 7-focha Moasta Olympia.
Da Schwarzenegger bsitzt sowui die östareichische Stootsbürgaschoft ois a (seid 1983) de US-amerikanische und lebt deazeit in Chatsworth (des is a Stodtei vo Los Angales).