12 лістапада

12 лістапа́да — 317-ы дзень году (316-ы ў невысакосным годзе) паводле Грыгарыянскага календару. Да канца году застаецца 50 дзён.

Падзеі

• 930 — заснаваньне альтынгу Ісьляндыі, найстарэйшага ў сьвеце парлямэнту
• 1596 — у Кракаве адбылося пахаваньне каралевы і вялікай княгіні Ганны Ягелонкі
• 1623 — у Віцебску натоўп з праваслаўных забіў арцыбіскупа Язафата Кунцэвіча
• 1868 — амэрыканскі вынаходнік Крыстафэр Лэтэм Шоўлз запатэнтаваў друкарскую машынку
• 1918: 
  • заснаваны Віцебскі гістарычны агульнадаступны музэй
  • Аўстрыя абвясьціла сябе рэспублікай.
  • рашэньнем Рэгенцкай Рады Польшчы Юзэф Пілсудскі прызначаны кіраўніком дзяржавы
• 1925 — спынілася выданьне газэты Жыцьцё беларуса
• 1933 — у Нямеччыне на рэфэрэндуме 95% насельніцтва краіны ўхвалілі палітыку Адольфа Гітлера
• 1944 — II Сусьветная вайна: брытанскія ВПС з дапамогай адмысловых бомбаў «Tallboy» патапілі нямецкі лінкар «Тырпіц»
• 1948 — завяршыўся Такійскі працэс над японскімі ваеннымі злачынцамі. Сямёра абвінавачаных былі асуджаныя на сьмяротнае пакараньне праз павешаньне, шаснаццаць — на пажыцьцёвае зьняволеньне.
• 1980 — касьмічны апарат Вояджэр-1 зблізіўся з Сатурнам на адлегласьць менш за 200 тысяч км
• 1982 — Юрый Андропаў выбраны генэральным сакратаром ЦК КПСС
• 1998 — абвешчаны заказьнік «Астравы Дулебы»

Нараджэньні

• 1823 — Павал Шпілеўскі, беларускі этнограф і пісьменьнік
• 1840 — Агюст Радэн, францускі скульптар
• 1868 — Ганна Місуна, першая жанчына-геоляг у Расейскай імпэрыі
• 1885 — Міхайла Грамыка, беларускі пісьменьнік і навуковец
• 1911 — Яўген Ціхановіч, беларускі мастак
• 1915 — Ралян Барт, францускі постструктураліст і сэміётык
• 1920 — Андрэй Макаёнак, беларускі драматург
• 1935 — Людміла Гурчанка, расейская акторка
• 1958 — Леанід Пранчак, беларускі паэт
• 1962 — Род Куратомі, шматразовы чэмпіён сьвету па каратэ, тэхнічны дырэктар International Karate Association

Сьмерці

• 1572 — Рыгор Хадкевіч, дзяржаўны дзяяч Вялікага Княства Літоўскага
• 1623 — Язафат Кунцэвіч, уніяцкі арцыбіскуп, сьвяты
• 1868 — Мсьціслаў Камінскі, беларускі этнограф, фальклярыст і публіцыст
• 1996 — Анатоль Майсеня, беларускі журналіст і палітоляг
• 2018:
  • Ігар Лучанок, беларускі кампазытар, заслужаны дзяяч мастацтваў Беларусі, народны артыст Беларусі
  • Стэн Лі, амэрыканскі пісьменьнік, актор, прадусар, тэлевядучы, сцэнарыст, рэдактар і стваральнік мноства натуралістычных пэрсанажаў коміксаў

Сьвяты

• Азэрбайджан — Дзень Канстытуцыі