Mahomed

Mohammed

den

Rann eus	Ulu'l-azm, profed, prophet of Islam, prophet of Islam that mentioned on the Qur'an, Q12180772
Reizh pe jener	paotr
Anv e yezh-vamm an den	مُحَمَّدُ بْنُ عَبْدِ اللهِ بْنِ عَبْدِ الْمُطَّلِبِ
Anv-bihan	Mohammed
Anv berr	محمد, Muḥammad, Mohammadu, Mahoma
Deiziad ganedigezh	20 Ebr 571
Lec'h ganedigezh	Mekka
Deiziad ar marv	8 Mez 632
Lec'h ar marv	Medina
Lec'h douaridigezh	Sacred Prophetic Chamber
Tad	Abdullah ibn Abdul-Muttalib
Mamm	Aminah
Familh	Banu Hashim
Yezh vamm	arabeg
Yezhoù komzet pe skrivet	arabeg
Studier	Anas ibn Malik, Abd Allah ibn Abbas, Uqbah ibn Amir, Zayd ibn Thabit
Titl sevended	Peace be upon him
Lec'h annez	Mekka, Medina
Strollad etnek	Arabed
Relijion	Hanif, Islam
Brezel	Expeditions of Muhammad
Unvez milourel	army of Mohammad
Perc'henn war	Seal of Mohammad
Darvoud-alc'hwez	Hidjra
Studiet gant	science of hadith
Mount	Qaswa, Ya`fūr
Oberennoù zo en dastumad	Museo Diocesano de Tarragona
Statud e wirioù aozer	Ar gwirioù aozer ne dalvezont ket ken
Facial hair	Barv
Tribe	Quraysh
Tikedenn Stack Exchange	https://islam.stackexchange.com/tags/prophet-muhammad

Mahomed dirak ar C'haba

Mahomed (محمد en arabeg, Muḥammad) (Mekka 571, Medina 632) eo diazezer an Islam, hag evit ar ar pep brasañ eus ar vuzulmaned ez eo profed diwezhañ o doue, Allah, evel ma'z eo lavaret er C'horan. Anvet eo ivez Mohammed ibn Abdullah a-wezhioù er mammennoù a lavar ivez alies e oa lesanvet "Al-Amin" en e yaouankiz, ar pezh a dalvez "onest, gwirion".

Istorelezh an dudenn a zegas tabut etre an istorourien vodern, ar re-se a implij an nebeut mammennoù hag a zo en ur gemer e kont int tuet relijiel, ar pezh a ra eus an dudenn istorel unan gant toulloù lies en e vuhez. Ar mammennoù a zo bet kemmet gant an amzer o redek, ha skeudenn Mahomed ivez a-benn neuze.

Yaouankiz

Ganet e voe Mahomed e Mekka e 570 pe 571 e meuriad ar gKoraichied. Mab dalif e oa hag e vamm a varvas pa oa 6 vloaz. Savet e voe neuze gant e dad-kozh Abdel Mottalib ha goude gant e eontr Abou Talib. Mesaer deñved ha bleiner karavanennoù e voe Mahomed a-raok mont da labourat evit Khadidja, un intañvez pinvidik a euredas ganti nebeut goude, da 25 bloaz. Keit ha ma vevas Khadidja ne zimezas Mahomed gant maouez all ebet.

Gwelidigezh

Mougev Hira

Bep bloaz e oa boaz Mahomed da vont da brederiañ ur mizvezh-pad en ur vougev war dorgenn Hira, e-kichen Mekka. Eno e klevas ur vouezh a c'hourc'hemenne dezhañ da gomz en anv e grouer. Gwelet a reas ivez an arc'hael Gabriel a lavaras dezhañ meur a wech "Dibun".

Dre ma ne dave ket ar mouezhioù ha kendrec'het gant e wreg ec'h eas da brezegiñ dirak Mekkiz tri bloaz diwezhatoc'h (e 611). Ne reas ket berzh avat hag ouzhpenn d'e wreg ne zeuas a-benn da c'hounit d'e feiz nemet e genderv Ali, mab Abou Talib. Goude-se e voe kendrec'het Said, advabet gantañ hag Abou Bakr, mignon ha kar dezhañ.

Tamm-ha-tamm e kreskas niver an dud tro-dro dezhañ, sklaved ha tud paour an darn vrasañ anezho. War an tu all e kreskas ivez e enebourien, uhelidi ha marc'hadourien binvidik, direnket gant e c'hoant da cheñch ar gevredigezh hag e rebechoù ouzh azeulerezh an idoloù.

E 615 e oa deuet da vezañ galloudus a-walc'h evit lakaat ar gKoraiched da gaout aon rak e levezon. 83 familh a-douez diskibled Mahomed a voe skarzhet neuze diouzh Mekka, spi gant ar vrientinien da ziskar evel-se ar gevredigezh nevez. En aner e voe kar kenderc'hel a reas e bartizaned da greskiñ. D'ar mare-se eo e teuas Omar da vezañ e ziskibl.

Dre ma tremene an amzer e voe kendrec'het Mahomed n'hallfe ket mont war-raok en abeg da atahinerezh an uhelidi. Mont a reas e darempred gant meuriadoù ha kêrioù all el ledenez. Un emglev a gavas gant annezidi Yathrib hag a asantas sentiñ ouzh e c'hourc'hemennoù ha paouez gant an idolatriezh.

D'ar 24 a viz Gwengolo 622 e kuitaas Mahomed Mekka : an Hejir a vez graet eus an divroadur-se. Ha penn kentañ an deiziadur muzulmat eo an deiziad-se.

Medina

Gounezet e voe tud Yathrib d'an islam ha cheñchet e voe anv kêr e Medina (Madinat an-Nabi, Kêr ar profed en arabeg).

Mahomed a oa neuze e penn ur relijion nevez koulz hag e penn ur gêr. E plas ur gevredigezh aozet diwar sistem ar meuriadoù e savas an Omma : kevredigezh ar feizidi.

M'en doa c'hoant Mahomed da astenn e gredennoù hag e levezon e oa ret dezhañ brezeliñ ouzh Mekkaiz. Un nebeud mizioù goude an Hidjra e voe taget ur garavanenn a yae da vMekka gant muzulmaned. Daoust ma oa dister an trec'h-se e voe kalonekaet tud Mahomed en o feiz gantañ.

E bloavezh 2 an Hidjra e klaskjont en-dro argadiñ ur garavanenn met sikour a zeuas eus Mekka evit ar varc'hadourien hag ur gwir emgann a voe etre 1.000 Mekkad ha 300 muzulman : Emgann Badr. Ur wech ouzhpenn e voe trec'h ar vuzulmaned.

Pa gendalc'he an emgannoù etre Medina ha Mekka e plede Mahomed ouzh kudennoù diabarzh e gêr. Pa welas n'hallfe ket gounit yuzevien Medina d'e feiz e skarzhas o familhoù. Ar Banou-Koraiza, ar familh yuzev pennañ e Medina, a voe lazhet he gwazed ha gwerzhet maouezed ha bugale evel sklaved.

Levezon Mahomed a greske el ledenez. Meuriadoù an dezerzh a zeuas da anavezout anezhañ evel penn Arabia. Uhelidi zo eus Mekka a reas kement all.

Aloubidigezh Mekka

E bloavezh 8 an Hijra (war-dro miz Genver 630) ec'h eas tre e Mekka digudenn. Distrujañ a reas an idoloù en templ ha touchañ ar maen du en ur huchal Allah akbar (An hini brasañ eo Allah).

Diwar-se e teuas holl veuriadoù ledenez Arabia da douañ le da vMahomed. Ha pa oa unanet al ledenez en Omma e oa tu hiviziken da soñjal strewiñ an islam en diavaez eus Arabia.

D'an 8 a viz Even 632 e varvas Mahomed e Medina.

Beziet eo bet e moskeenn Al-Masjid an-Nabawi (moskeenn ar profed).