Yves Joseph Kerguelen
| Yves Joseph Kerguelen | |
|---|---|
| |
| Persona informo | |
| Naskiĝo | 13-an de februaro 1734 en Landudal |
| Morto | 3-an de marto 1797 (63-jaraĝa) en Parizo |
| Lingvoj | franca |
| Ŝtataneco | Francio 
|
| Familio | |
| Infano | Victoire de Kerguelen (en) 
|
| Okupo | |
| Okupo | esploristo militisto
|
Yves-Joseph de Kerguelen-Trémarec (13a de februaro 1734 – 3a de marto 1797) estis bretona esploristo kaj franca maroficiro.
Ekkariero
[redakti | redakti fonton]Li naskiĝis en Landudal, Finistère. Dum la Sepjara milito, Kerguelen-Trémarec estis korsaro, sed atingante malgrandan sukceson.
Rockall
[redakti | redakti fonton]
En 1767 li navigis ĉe la neloĝata insuleto Rockall, aŭ Rokol. Li ne alproksimiĝis aŭ eĉ vidis eble, nur je 150 mejlojn for, sed ŝajne li havis bonan informaron pri ĝi. Lia mapita situo estis nur 16 mejlojn norde de ties vera loko kaj li akurate priskribis ties aspekton kaj tiun de la najbara Rifo de Helen, "East of Rokol, ¼ league away, there is a submerged rock over which the water breaks".[1] Poste li publikigis mapon de la areo en 1771.
Malkovro de la Kergelenoj
[redakti | redakti fonton]Komence de 1772, li navigis al la regiono de Antarkto, serĉe de fabela Terra Australis, kie li malkovris la izolajn Kergelenojn norde de la kontinento kaj ekposedis diversajn teritoriojn por Francio.
En sia informo al la reĝo Ludoviko la 15-a, li ege superĉirkaŭkalkulis la valoron de la Kergelenaj Insuloj; sekve, la reĝo sendis lin al dua ekspedicio fine de 1773 tra komenco de 1774, kaj li denove atingis la Kergelenoj. Sed tiam jam klariĝis ke tiuj insuloj estis neloĝeblaj kaj tre senutilaj, kaj certe ne estis la Terra Australis. Reveninte, Kerguelen-Trémarec estis enprizonigita.
Dum la Franca Revolucio, li estis vidata viktimo de la Antikva Reĝimo kaj reenpostenigis, partoprenante en la Batalo de Groix. Li mortis en 1797 kiel sub-admiralo kaj komandanto de la haveno de Brest.
Verkoj
[redakti | redakti fonton]- Kerguelen-Trémarec, Yves-Joseph. (1796) Relation d'un Voyage dans la Mer du Nord. ISBN 2-84265-129-4.
- Kerguelen-Trémarec, Yves-Joseph. (1796) Relation des combats et des évènements de la guerre maritime de 1778 entre la France et l'Angleterre (france). Imprimerie de Patris.
Referencoj
[redakti | redakti fonton]- ↑ Fisher, James. [1956] (1957) Rockall. Londono: Country Book Club.