Parisii

Os Parisii eran un pobo galo que vivía na actual rexión parisiense. Segundo César (53 a. de C.), a súa cidade principal (oppidum) sería Lutetia.

Moeda de ouro (estatero de tipo filipo) no museo Carnavalet, museo adicado a historia de París.

Un pobo celta da illa de Bretaña que leva o mesmo nome sería orixinario da tribo dos Parisii instalada en Galia. Instalouse no Yorkshire leste en Gran Bretaña na época da Idade de Ferro.

Arqueoloxía

Esta cidade é por tradición localizada en París, mentres que o seu subsolo intramuros non achegou aínda mobiliario protohistórico desta época. Unha posible explicación a este enigma foi atopada recentemente. A favor das escavacións vinculadas á autoestrada francesa A 86, atopáronse en Nanterre pegadas dunha moi importante cidade protourbana (máis de 15 ha, ou sexa, o dobre da illa da Cidade (Île de la Cité) en París), con tumbas de guerreiros.

Os Parisii de Galia

A tribo gala dos Parisii instalouse na rexión no transcurso do século III a. de C. O primeiro pobo chamouse Loukteich, que significa "pantano" na lingua celta dos galos. Máis tarde a pequena cidade tomou o nome de Lucotecia e logo Lutecia.

Durante a conquista romana de Galia, os Parisii participaron no movemento de resistencia a César organizado por Vercingétorix en -52. Os Parisii acuñaron moedas de ouro.

Véxase tamén

Bibliografía

• (en francés) Venceslas Kruta, Les Celtes, histoire et dictionnaire, éditions Robert Laffont
• (en francés) Xavier Delamare, Dictionnaire de la langue gauloise, éditions Errance
• (en francés) Pierre Hubac, Carthage, éditions Bellenand, 1952

Outros artigos

• París
• Historia urbana de París
• Parisii (Britania)
• Lista de tribos celtas

Ligazóns externas

• Páxina web do concello de Nanterre sobre a exposición das escavacións arqueolóxicas na estrada A86: descubrimento dun oppidum^{[Ligazón morta]} (en francés)