Aisha Abd al-Rahman
  | |
| Nome orixinal | (ar) عائشة عبد الرحمن |
|---|---|
| Biografía | |
| Nacemento | 18 de novembro de 1913 Damieta, Exipto (pt)  |
| Morte | 1 de decembro de 1998 (85 anos) O Cairo, Exipto |
| Causa da morte | infarto agudo de miocardio |
| Educación | Universidade do Cairo |
| Actividade | |
| Ocupación | escritora, ensaísta, xornalista, mufassir (en) , poetisa, académica |
| Empregador | Universidade Ain Shams (1962–1970) Universidade Al Quaraouiyine (pt) |
| Alumnos | Maryam al-Baghdadi (en) |
| Obra | |
| Doutorando | Sadeq Naihoum (en) |
| Familia | |
| Cónxuxe | Amīn Khūlī |
| Premios | |
| Descrito pola fonte | Dictionary of African Biography,  Africa: An Encyclopedic Reference (en) , (vol:1) |
Aisha Abd al-Rahman (en árabe: عائشة عبد الرحمن), nada en Damietta o 18 de novembro de 1913 e finada no Cairo o 1 de decembro de 1998, foi unha escritora e profesora exipcia, coñecida co pseudónimo de Bint al-Shati ("Filla da Ribeira").
Traxectoria
[editar | editar a fonte]Naceu en Damietta[1], onde o seu pai daba clase no Instituto Relixioso de Domyat. Con dez anos a súa nai levouna á escola mentres o pai viaxaba. Pese á oposición paterna, a nai levouna a El Mansurah, e posteriormente Aisha estudou Lingua e literatura árabe na Universidade do Cairo, graduándose en 1939 e conseguindo un mestrado en 1941.
En 1942 comezou a traballar de inspectora de ensino de literatura árabe para o Ministerio de Educación de Exipto. En 1950 doutorouse e comezou a traballar como profesora de literatura árabe na Facultade Feminina da Universidade de Ain Shams.[2]
Escribiu ficción e biografías das primeiras mulleres musulmás, como Aminah bint Wahb (a nai) e as mulleres e irmás do profeta Mahoma. Tamén fixo crítica literaria.[3] Foi a segunda muller moderna en facer unha exexese do Corán. Non se considera a si mesma feminista, mais as súas obras reflicten a idea de que as mulleres teñen máis capacidade de analizar as obras escritas por mulleres ca os homes, porque estes son "ignorantes do instinto feminino".[4]
Casou con Amin el-Khouli, profesor seu na Universidade do Cairo. Morreu logo dun ataque ao corazón.[5] Doou a súa biblioteca persoal para fins académicos, e en 1985 unha escultura coa súa figura foi erixida no Cairo.
Obra
[editar | editar a fonte]Autora de "máis de corenta libros e cen artigos",[6] as súas publicacións destacadazs inclúen:
- The Egyptian Countryside (1936)
- The Problem of the Peasant (1938)
- Secret of the Beach and Master of the Estate: The Story of a Sinful Woman (1942)
- New Values in Arabic Literature (1961)
- Contemporary Arab Women Poets (1963)
Notas
[editar | editar a fonte]- ↑ "Obituary: Aisha Abdul-Rahman". The Independent (en inglés). 15 de decembro de 1998. Consultado o 18 de marzo de 2018.
- ↑ Parry, Melanie (ed.) (1996): Larousse Dictionary of Women. Larousse.
- ↑ Zeidan, Joseph T. (1995): Arab Women Novelists: The Formative Years and Beyond. State University of New York Press.
- ↑ Roded, Ruth (Maio de 2006). "Bint al-Shati’s Wives of the Prophet: Feminist or Feminine?". British Journal of Middle Eastern Studies 33 (1). pp. 51–66.
- ↑ Associated Press (2 de decembro de 1998): "Prominent Egyptian Islamic writer, Abdul-Rahman dies at 85".
- ↑ Mattar, Philip (2004): Encyclopedia of the Modern Middle East & North Africa: A-C, Macmillan Reference USA, p. 475
