Cidade metropolitana de Reggio de Calabria

Palazzo Corrado Alvaro, sede institucional da cidade metropolitana.

A cidade metropolitana de Reggio de Calabria (en italiano città metropolitana di Reggio Calabria) é unha das 14 cidades metropolitanas de Italia, situada na rexión da Calabria.

Xeografía

A cidade metropolitana, dentro da rexión.

Ocupa unha superficie de 3 183 km², e a súa poboación, segundo o censo do 31 de agosto de 2018, era de 549 505 habitantes,, polo que a súa densidade de poboación nesa data era de 172,64 hab./km².

A cidade metropolitana engloba 97 municipios (comune).

Historia

O establecemento da cidade metropolitana de Reggio de Calabria tivo lugar o 31 de xaneiro de 2016, ao finalizar o mandato do presidente da provincia de Reggio de Calabria, Giuseppe Raffa, despois dun "semestre branco" durante o cal se produciu a transición da provincia á cidade metropolitana.

O 7 de agosto de 2016 celebráronse eleccións de segundo nivel (indirectas) para elixir o primeiro Consello metropolitano. O cargo de alcalde metropolitano (sindaco metropolitano) foi cuberto por Giuseppe Falcomatà, alcalde (sindaco) de Reggio de Calabria.

Galería

• 
  Catedral de Reggio de Calabria
• 
  Castelo Ruffo, Scilla
• 
  Bova, capital cultural da Bovesia
• 
  Catedral e "Porta dos Bispos", Gerace
• 
  Rochas Agliastro, Palmi
• 
  Castelo Mezzatesta, Seminara
• 
  Mosteiro ortodoxo de San Giovanni Theristis, Bivongi
• 
  Torre Ruggiero, Bagnara Calabra
• 
  Cattolica de Stilo, igrexa bizantina do século IX

Véxase tamén

Outros artigos

• Cidades metropolitanas de Italia
• Provincia de Reggio de Calabria

Ligazóns externas

• Páxina web oficial (en italiano).