Club Deportivo Alcoyano

Alcoyano
Alcoyano
Nome	Club Deportivo Alcoyano
Alcume(s)	Deportivo
Fundación	1929
Estadio	El Collao,; Alcoi, España
Inauguración	1929
Capacidade	4.500
Presidente	Juan Serrano Morillas
Adestrador	Vicente Parras
Liga	3ª – Grupo 6
2018–19	16.º (2ªB – Grupo 3)
Na rede
	http://www.cdalcoyano.com/

O Club Deportivo Alcoyano (en valenciano: Club Esportiu Alcoià) é un club de fútbol de España da cidade de Alcoi na provincia de Alacant. Foi fundado en 1929 e milita actualmente no grupo 6 da Terceira división española.

É un dos clubs históricos da Comunidade Valenciana, cunha traxectoria de 4 tempadas en Primeira División e 12 en Segunda. O seu maior logro na Liga é un 10º posto en Primeira na tempada 1947-48.

Himno

O himno oficial do club titúlase La Moral del Alcoyano, con música de Miguel Peidró e Jaime Lloret e letra de Armando Santacreu, foi composto en 1979 por motivo das vodas de ouro do club. En 2004, coincidindo co 75º aniversario da entidade, modernizouse a música e foi interpretado polo cantante alcoyano José Zamora. Tamén se fixo unha versión coa letra en valenciano.

Uniforme

Uniforme titular: Camiseta de franxas branquiazuis, pantalón azul e medias branquiazuis.
Uniforme alternativo: Camiseta cunha cruz vermella, pantalón vermello e medias vermellas.

Estadio

O Club Deportivo Alcoyano xoga os seus partidos no estadio El Collao. El Collao é unha instalación deportiva municipal inaugurada en 1929, con capacidade para 4.500 espectadores e con dimensións de 102 x 65 metros. Debido á súa singular construción, adóitase dicir que é un campo con estilo inglés, e habitualmente presenta boas entradas de público.

Datos do club

Tempadas en 1ª: 4
Tempadas en 2ª: 12
Tempadas en 2ªB: 28
Tempadas en 3ª: 31 (Incluída a 2019/20)
Posto na Clasificación histórica da Primeira división: 50º
Mellor posto en Primeira: 10º (tempada 47-48)
Peor posto en Primeira: 15º (tempada 50-51)

Palmarés

Segunda División de España (3): 1944-45, 1946-47, 1949-50
Segunda División B de España (1): 2008-09
Terceira División de España (5): 1954-55, 1956-57, 1966-67, 1981-82, 1996-97
Subcampión de Terceira División (3): 1961-62, 1962-63, 2003-04

Filial

Artigo principal: Club Deportivo Alcoyano B.

O CD Alcoyano B, creouse na tempada 2007-08 en Segunda Rexional, conseguindo o ascenso directo esa mesma tempada ao terminar campión do seu grupo. Na actualidade milita en Primeira Rexional. Este filial ten como obxectivo formar aos mozos para que nun futuro poidan dar o salto ao primeiro equipo.

Véxase tamén

Ligazóns externas