Héber Pena
 (2022)  | |||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Héber Pena Picos 16 de xaneiro de 1990 (34 anos)Ferrol, España | ||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||
| Período de actividade | 2008 - | ||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Extremo esquerdo | ||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||
Héber Pena Picos, nado en Ferrol o 16 de xaneiro de 1990, é un futbolista galego que xoga de dianteiro no Vizela, da Segunda Liga de Portugal.[1]
Traxectoria
[editar | editar a fonte]Pena comezou a súa carreira nas categorías inferiores do Racing de Ferrol. En 2009 deixou o club para fichar polo Narón Balompé Piñeiros. Só xogou unha tempada, antes de regresar ao Racing, onde permaneceu outras tres tempadas.
En 2013, a Unión Deportiva Somozas fichouno libre e deulle a oportunidade de xogar na Terceira División. O seu primeiro gol con este club foi o 19 de novembro ante o Betanzos Club de Fútbol. Nesta tempada marcou 10 goles e colaborou no ascenso do club a Segunda B.
No seu debut na categoría de bronce do fútbol español, na primeira xornada, logrou a primeira vitoria para o seu club ao anotar de penalti fronte ao Real Avilés. O seu seguinte gol chegou o 21 de setembro de 2014, pero non serviu para nada porque o Somozas perdeu co Real Valladolid B.
En 2015 fichou polo Racing de Ferrol de novo.[2] No club galego converteuse nun xogador fundamental nun equipo que logrou a segunda praza no grupo 1 de Segunda B. Nesta tempada disputou 31 partidos e marcou 5 goles, o primeiro deles o 31 de outubro ante o Club Deportivo Guijuelo. Nos playoffs de ascenso o Cádiz Club de Fútbol superounos en primeira rolda.
Fichou polo Racing de Santander en 2016.[3] Alí estivo dúas tempadas e en 2018 uniuse ao Real Murcia Club de Fútbol. A metade de curso foise á Unión Deportiva Melilla.
En 2020 fichou polo Sabadell,[4] club co que conseguiu o ascenso á Segunda División tras derrotar nos playoffs ao Atlético de Madrid B, a Cultural Leonesa e o Barcelona Atlètic.[5] Tras unha tempada na categoría de prata, en xuño de 2021 regresou ao Racing de Ferrol, na Primeira División RFEF.[6] Titular indiscutible no ataque racinguista, foi un dos xogadores máis destacados do equipo na tempada 2022/23, que culminou co ascenso á Segunda División despois de que o equipo se proclamase campión do Grupo I da terceira categoría. Disputou un total de 40 encontros nesa tempada, na que anotou 6 goles.[7] Ao remate da tempada 2023/24, na que tivo un papel máis secundario,[7] o seu contrato finalizou e deixou o club.
En xuño de 2024 anunciouse a súa fichaxe polo Vizela, da Segunda Liga de Portugal, club no que se puxo ás ordes do tamén galego Rubén de la Barrera.[8]
Selección galega
[editar | editar a fonte]
Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[9]
Notas
[editar | editar a fonte]- ↑ "Héber Pena". Transfermarkt.
- ↑ "Pena regresa al Racing de Ferrol". emartsoccer.com. 26 de xuño de 2015. Arquivado dende o orixinal o 19 de agosto de 2018. Consultado o 02 de xuño de 2024.
- ↑ "Pena ficha por el Racing". El Diario Montañés. 11 de xullo de 2016.
- ↑ "Héber Pena, primer reforç hivernal del Sabadell" (en catalán). Ràdio Sabadell. 14 de xaneiro de 2020. Consultado o 15 de xaneiro de 2020.
- ↑ "Exracinguistas que celebran el ascenso a Segunda | Todo sobre el Racing en racinguismo.com". www.racinguismo.com. Consultado o 26 de agosto de 2020.
- ↑ "¡Fichaje! Héber Pena". Racing de Ferrol. 15 de xuño de 2021. Consultado o 5 de decembro de 2021.[Ligazón morta]
- ↑ 7,0 7,1 "El Racing de Ferrol necesita recuperar la mejor versión de Heber" (en castelán). 27 de marzo de 2024. Consultado o 4 de xullo de 2024.
- ↑ "El salto de "a raia" de Heber Pena". 4 de xullo de 2024. Consultado o 4 de xullo de 2024.
- ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024.
- Nados en 1990
- Nados en Ferrol
- Futbolistas de Ferrol
- Dianteiros de fútbol
- Xogadores do Racing de Ferrol
- Xogadores do Narón Balompé
- Xogadores da UD Somozas
- Xogadores do Racing de Santander
- Xogadores do Real Murcia
- Xogadores da UD Melilla
- Xogadores do CD Badajoz
- Xogadores do CE Sabadell
- Xogadores do FC Vizela
- Xogadores da selección de fútbol de Galicia
- Xogadores do Racing de Ferrol internacionais coa selección de fútbol de Galicia