Անտոնիոս և Կլեոպատրա (անգլ.՝ Antony and Cleopatra), Ուիլյամ Շեքսպիրի ողբերգություն հինգ գործողությամբ։ Հիմնված է հռոմեացի զորավար Մարկոս Անտոնիոսի կենսագրության վրա՝ գրված Պլուտարքոսի կողմից։ Ողբերգության գործողությունները տեղի են ունենում մ.թ.ա. I դարում՝ Մարկոս Անտոնիոսի պարթևական պատերազմից մինչև Կլեոպատրայի ինքնասպանությունը մ.թ.ա. 30 թ.։ Գրվել է կամ 1607, կամ 1603 - 1604 թթ.։ Առաջնախաղը կայացել է 1607 թ.։ Առաջին անգամ հրատարակվել է 1623 թ. Շեքսպիրի ֆոլիոյում։ Առանձնանում է հարուստ լեզվով և պատկերավորությամբ, պատկանում է անգլիացի գրողի լավագույն ստեղծագործությունների թվին։