Հարալդ Ռայնլ
| Հարալդ Ռայնլ | |
|---|---|
 | |
| Ծննդյան թիվ՝ | հուլիսի 8, 1908 |
| Ծննդավայր՝ | Բադ Իսչլ, Գմունդեն, Վերին Ավստրիա, Ավստրիա[1] |
| Վախճանի թիվ՝ | հոկտեմբերի 9, 1986[2][3] (78 տարեկան) |
| Վախճանի վայր՝ | Պուերտո դե լա Կրուս, Սանտա Կրուս դե Տեներիֆե, Կանարյան կղզիներ, Իսպանիա[1] |
| Քաղաքացիություն՝ |  Ավստրիա |
| Մասնագիտություն՝ | կինոռեժիսոր և սցենարիստ |
| IMDb։ | ID 0718243 |
Հարալդ Ռայնլ (գերմ.՝ Harald Reinl, հուլիսի 8, 1908, Բադ Իսչլ, Գմունդեն, Վերին Ավստրիա, Ավստրիա[1] - հոկտեմբերի 9, 1986[2][3], Պուերտո դե լա Կրուս, Սանտա Կրուս դե Տեներիֆե, Կանարյան կղզիներ, Իսպանիա[1]), ավստրիացի կինոռեժիսոր։ Համաշխարհային ճանաչում է ձեռք բերել Կարլ Մայի և Ուոլես Էդգարի ստեղծագործությունների էկրանավորումների շնորհիվ, ինչպես նաև` հայտնի է որպես Էրիխ ֆոն Դէնիկենի ստեղծագործությունների հիման վրա վավերագրական «Հիշողություններ ապագայի մասին» (1970) և «Աստվածների գաղտնիքները» (1976) կինոդիլոգիայի ստեղծող։
Կենսագրություն
[խմբագրել | խմբագրել կոդը]Երիտասարդ տարիներին մասնակցել է արագընթաց դահուկավազքի ու դահուկներով թռիչքների[4]։ Առաջին անգամ նկարահանման հրապարակում է հայտնվել 1930 թվականին՝ որպես Լենի Ռիֆեշնտալի կրկնօրինակող «Փոթորիկներ Մոնբլանի տակ» ֆիլմի վտանգավոր հատվածներում։ Մեկ տարի անց Ֆանկն առաջարկել է Ռայնլին նկարահանվել իր հաջորդ` «Սպիտակ խելահեղություն. նոր դահուկային հրաշք» ֆիլմում։ Որոշ ժամանակ անց Ռայնլը, որ նկարահանումների ընթացքում ստացել էր իրավաբանական գիտությունների դոկտորի աստիճան, դարձել է Լենի Ռիֆենշտալի օգնականը «Դաշտավայր» ֆիլմի նկարահանումներին, որից հետո ինքն է սկսել նկարահանել ֆիլմեր ու 1949 թվականին նկարահանել է իր առաջին լիամետրաժ «Լեռնային բյուրեղապակի» ֆիլմ-մելոդրաման։ 1960-ականների վերջին Ռայնլը համաեվրոպական ճանաչում է ձեռք բերում Էդգար Ուոլեսի «Գորտը դիմակով», «Սարսափելի մարդիկ», «Սենյակ համար 13», «Չար հոգևորականը» և այլ ստեղծագործությունների էկրանավորմամբ, ինչպես նաև` նկարահանում է երեք կինոտարբերակ Ջերի Քոթոնի մասին վեպերի հիման վրա[5]։
Ռայնլի ռեժիսորական կարիերայի վերջաբանն է եղել մասնակցությունը Կարլ Մայի` Վինետայի մասին արկածային վեպերի շարքի գերմանա-ֆրանսա-իտալա-հարավսլավական էկրանավորմանը։ Ռայնլի նկարահանած ֆիլմերը` «Արծաթե լճի գանձերը» (1962) և «Վինետու» չորս մասանոց ֆիլմը շատ հաջողված են եղել և մեծ բյուջե են հավաքել եվրոպական կինոթատրոններում։ Այժմ էլ այդ ֆիլմերը համարվում են Ռայնելի հաստատած «գերմանական վեսթերնի պարզ ռոմանտիզմի» ժանրի դասական գործերից։ Հետագայում, 1960-ականների երկրորդ կեսերից մինչև 1980-ական թվականներ, Ռայնլը փոփոխական հաջողությամբ նկարահանել է արկածային, կատակերգական ու վավերագրական ֆիլմեր ամենատարբեր թեմատիկայով։ Ըստ շվեյցարացի ուֆոլոգ Էրիխ ֆոն Դէնիկենի ստեղծագործությունների նկարահանված «Հիշողություններ ապագայի մասին» (1970) և «Աստվածների գաղտնիքները» (1976) վավերագրական կինոդիլոգիան համաշխարհային ճանաչում է ձեռք բերել։ Կինոդիլոգիան ցուցադրվել է նաև ԽՍՀՄ-ում, մեծ էկրաններին, «Հիշողություններ ապագայի մասին» ֆիլմի երաժշտությունն (գրված գերմանացի կոմպոզիտոր Պետեր Թոմասի կողմից) օգտագործվել է խորհրդային գիտահանրամատչելի «Ակնհայտ-անհավանական» հաղորդման համար[6]։
Անձնական կյանք
[խմբագրել | խմբագրել կոդը]Ռայնլն ամուսնացած է եղել երեք անգամ. 1946-1950 թվականներին` Կորինա Ֆրանկի, 1954-1968 թվականներին` գերմանացի դերասանուհի Կարին Դորի, իսկ 1976 թվականից մինչև կյանքի վերջը` չեխ դերասանուհի Դանիելա Մարիա Դելիսի հետ։
Մահ
[խմբագրել | խմբագրել կոդը]1986 թվականի հոկտեմբերի 9-ին Ռայնլը ընտանեկան վեճի արդյունքում դանակահարվել է կնոջ կողմից (ով երկար տարիներ տառապում էր քրոնիկ ալկոհոլիզմով)։ Դեպքը տեղի է ունեցել իրենց ծանոթների տանը, իսպանական Տեներիֆե կղզում, Պուերտո դե լա Կրուս քաղաքում։ Ռայնլի վերջին աշխատանքը վավերագրական «Շրի Լանկա. լուսավոր եզերք» (գերմ.՝ Sri Lanka — Leuchtendes Land) ֆիլմն էր, որը վարձույթի է հանձնվել նրա մահից հետո։
Ֆիլմեր
[խմբագրել | խմբագրել կոդը]| Տարի | Անվանում | Բնագիր անվանում | Զբաղեցրած դեր |
|---|---|---|---|
| 1930 | Փոթորիկներ Մոնբլանի տակ | Stürme über dem Mont Blanc | էպիզոդ |
| 1931 | Սպիտակ խելահեղություն. դահուկային նոր հրաշք | Der weiße Rausch – neue Wunder des Schneeschuhs | դրվագ |
| 1949 | Լեռնային բյուրեղապակի | Bergkristall | ռեժիսոր |
| 1959 | Դիմակով գորտը | Der Frosch mit der Maske | ռեժիսոր |
| 1962 | Սարսափելի մարդիկ | Die Bande des Schreckens | ռեժիսոր |
| 1962 | Դոկտոր Մաբուզեի անտեսանելի ճանկերը | Die unsichtbaren Krallen des Dr. Mabuse | ռեժիսոր |
| 1962 | Արծաթե լճի գանձերը | Der Schatz im Silbersee | ռեժիսոր |
| 1963 | Վինետու, Ինչու-Չունայի որդին. 1-ին մաս | Winnetou 1. Teil | ռեժիսոր |
| 1964 | Սենյակ համար 13 | Zimmer 13 | ռեժիսոր |
| 1965 | Վինետու, Ինչու-Չունայի որդին. 2-րդ մաս | Winnetou 2. Teil | ռեժիսոր |
| 1965 | Վերջին մոհիկանը | Der letzte Mohikaner | ռեժիսոր |
| 1965 | Չար հոգևորականը | Der unheimliche Mönch | ռեժիսոր |
| 1970 | Հիշողություններ ապագայի մասին | Erinnerungen an die Zukunft | ռեժիսոր |
| 1979 | Աստվածների գաղտնիքները | Botschaft der Götter | ռեժիսոր |
| 1982 | Խառնաշփոթ ջունգլիներում | Im Dschungel ist der Teufel los | ռեժիսոր |
| 1986 | Շրի Լանկա, լուսավոր եզերք | Sri Lanka – Leuchtendes Land | ռեժիսոր |
Պարգևներ
[խմբագրել | խմբագրել կոդը]Մրցանակներ
[խմբագրել | խմբագրել կոդը]- Վենետիկի կինոփառատոնի մրցանակ
- 1950 - Տասը տարի անց (գերմ.՝ Zehn Jahre später), կարճամետրաժ
- Ոսկե էկրան մրցանակ
- 1964 - Արծաթե լճի գանձերը
- 1964 - Վինետու 1
- 1965 - Վինետու 2
- 1966 - Վինետու 3
- «Բեմբի» հեռուստատեսային մրցանական
- 1964 - Արծաթե լճի գանձերը
- 1965 - Վինետու 1
- 1966 - Վինետու 2
- Տրիեստի երկրորդ կինոփառատոնի մրցանակ
- 1970 - «Հիշողություններ ապագայի մասին»
- Խիխոնում կայացած 21-րդ մանկական և պատանեկան ֆիլմերի միջազգային փառատոնի մեծ մրցանակ
- 1983 - Խառնաշփոթ ջունգլիներում
Մեդալներ
[խմբագրել | խմբագրել կոդը]- 1965 - Գերմանական կինոյի ոսկե մեդալ
Առաջադրումներ
[խմբագրել | խմբագրել կոդը]- Օսկար կինոմրցանակի առաջադրում
- 1971 «Հիշողություններ ապագայի մասին»
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Deutsche Nationalbibliothek Record #124332161 // Gemeinsame Normdatei (գերմ.) — 2012—2016.
- ↑ 2,0 2,1 2,2 filmportal.de — 2005.
- ↑ 3,0 3,1 3,2 Munzinger Personen (գերմ.)
- ↑ Haberfelner, 2006
- ↑ Вымышленный агент ФБР, главный герой популярной в немецкоязычных странах серии детективных романов коллективного авторства.
- ↑ «Очевидное — невероятное»: заставки 1970-х — 1980-х годов ՅուԹյուբում
Արտաքին հղումներ
[խմբագրել | խմբագրել կոդը]- «Harald Reinl». Biografie.de. Արխիվացված է օրիգինալից 2012 թ․ մայիսի 1-ին. Վերցված է 2011 թ․ նոյեմբերի 22-ին. (գերմ.)
- «Harald Reinl: Regisseur, Regie-Assistent, Drehbuchautor, Darsteller». Deutscher Tonfilm 1929 bis 1972. Արխիվացված է օրիգինալից 2007 թ․ դեկտեմբերի 17-ին. Վերցված է 2011 թ․ նոյեմբերի 22-ին. (գերմ.)
- Haberfelner, Mike. (2006-02). «Harald Reinl – A Biography». (re)search my Trash. Վերցված է 2011 թ․ նոյեմբերի 2-ին. (գերմ.)
 | Վիքիպահեստն ունի նյութեր, որոնք վերաբերում են «Հարալդ Ռայնլ» հոդվածին։ |
| ||||||||||||
