Spirit
Spirit, líka þekkt sem Mars Exploration Rover – A, MER-A eða MER-2, er sjálfvirk Marsbifreið. Hún var önnur af tveimur könnunarbifreiðum sem send voru til plánetunnar af verkefninu Mars Exploration Rover hjá NASA. Bifreiðin lenti á Mars kl. 4:35 UTC 4. janúar 2004, þremur vikum áður en systurbifreið hennar Opportunity lenti á gagnstæðri hlið plánetunnar. Bifreiðin ók um 7,7 km meðan hún var virk. Hún festist árið 2009 og síðustu boðin til jarðar bárust 22. mars árið 2010. Niðurstöður rannsókna á gögnum bifreiðarinnar eftir fyrsta hluta áætlunarinnar (90 daga) komu út í sérstöku tölublaði tímaritsins Science.
